Keyo 8:22 - Kafa Linguistics Project

²² Tunebaani arooba ta asheenaꞌo beeti Gooshenee showoon barito tuniyemmo taane. Doono Yeeri ta, hini are showooch beeto ta tunoon ne ariyemmoyich, gamoo arooch beetaachemmone.

Keyo 8:22 ပူးပေါင်းရင်းမြစ်များ

Halloo 46:34

ittoshiyoo ‘Ne guuno no shuunoo bushittinoochee tiijjiꞌi, no qaabbechinaꞌochoommon gijjee shiijjoone’ getiree wochibote. Ebina Gibitsee asheenaꞌo gijjee shiijjechinaꞌon eeꞌeenaꞌo tunii boonoshi ciinnii beetoyich, Gooshen ittoshi beeyemmoyich daaggemmone” iye.

Shoddo 110:2

Doono Yeeri ne taatee giidoon Yerusaalemee tiijji gamichemmone; newoo ne etteenaꞌo daggoochaa hajjemmo neene.

Shoddo 74:12

Yeero, wonnee tiijjaꞌa ne, no Taatoo neene; showee toommooch wodoon tuniihine.

Keyo 10:23

Ebi keejje qemi daggooch ikkoo baroon beegon woyee bi beeti xaaꞌoochee shuuroon hakkaanoone. Tunebaani Israꞌeeleenaꞌo beeti xaaꞌoo bulliich bekko beetone.

Keyo 12:13

Damoo ittoshi beeti kexon bariiꞌi, bekkiibeeti malletoo tunemmone. Tawoo damoon ta beegiyooba, ittoshin besheree hammemmo taane; Gibitseenaꞌon ta naxehooba, naxo ittoshi waan shagaachemmone.

Keyo 19:5

Showee toommooch beeti aagetoo bulli taachone; tunebaani aagetoo bulliyee taach shucheti, ta hajjee asho tunemmo ittoshine. Ebiyoo manjiyaꞌa taach deꞌa ittoshi getigaata, ta wogoonoo ittoshi quyegaatane.

Keyo 20:11

Doono Yeeri ta, shimaayoonaa showoonon, baharoonaa boonoshi daggooch beeto bullinon shiritte qemona hallaꞌa, shabaattinnee qemooba ta kashetoyich, shambetee aaboon diirii yaafito taane.

Keyo 7:17

And Doono Yeeri ta tunoon ariyemmo neene’ itone. Ebi ta gumboona Abbaayi aacon yexxemmo taane; aaco damoon tunemmone.

Keyo 7:5

Giidechi ta mochoon Gibitseenaꞌo toommooch bekkiyaꞌa, Israꞌeeleenaꞌon boonoshi showoochee ta kichiyooba, Doono Yeeri ta tunoon Gibitseenaꞌo ariyemminaꞌone” iye.

Keyo 8:10

Farooniyoo “Yaach tunebe” iye. Muusiyoo ishichiꞌi wochiye: “No Nuggishoo Doono Yeeriyoommi bare nuggishoo koniyoona aallo bi tunoon ne ariyemmoyich, ne gettetoommon tunebe.

Keyo 8:21

Ta asheenaꞌon gawukkoo ne qayigaata, ne waan, ne iraasheenaꞌonaa ne asheenaꞌona waan mattiqutte gamoon deejjemmo taane. Ne taatee kexo bullinaa Gibitsee asheenaꞌo kexo bullinon gamoo bayi deqqemmone; showoo bullinoo bullemmone.

Keyo 8:23

Ta asheenaꞌon ne asheenaꞌoyee bariyemmo taane. Ebi worganikkiti malletoo yaach tunemmone” itone’ gete” iye.

Keyo 9:26

Israꞌeeleenaꞌo beeti Gooshenee showooch baach baderoo kindaanoone.

Keyo 9:29

Muusiyoo wochiꞌi ishichiye: “Katemoochee keyiichi, bekkech ta kishoon yaggiree Doono Yeerin qollemmo taane. Showoo Doono Yeericho bi tunoon ne ariyemmoyich, xeeyo qajjemmone; baderoo kindaachemmone.

Keyo 9:4

Tunebaani Doono Yeeri ta, Israꞌeeleenaꞌochi gijjeenaꞌonaa Gibitseenaꞌochi gijjeenaꞌonon bariyemmo taane. Ebich Israꞌeeleenaꞌocho tuneti amee gijjona qitaachemmone” itone’ gete” iye.

Keyo 9:6

Bi dechara Doono Yeeri bi gettiton ceechiye. Gibitseenaꞌochi gijjoo bulli qitii ciirehe; tunebaani Israꞌeeleenaꞌochi gijjoochee ikkolla qitaanoone.

Hiziqeeli 30:19

Gibitseenaꞌochi toommooch nallemmo taane; aroochee boonoshiyoo Doono Yeeri ta tunoon ariyemminaꞌone’ itone gete” iye.

Milikiyaasi 3:18

Ebiyooba cadiqoonaa axaaxechonochi, Doono Yeeri taach maddeebeetonaa maddaanoonochi daggooch beeti barbarittinoon beeggemmo ittoshine” iye.