Keyo 8:14 - Kafa Linguistics Project

¹⁴ Asheenaꞌoo macii kiciꞌi ikkooch gutiyeete. Showoo bulli shaaqqiye.

Keyo 8:14 ပူးပေါင်းရင်းမြစ်များ

1 Taateenaꞌo 18:26

Boonoshich icheti wuron daammiꞌi qanniiheete. Haroochee aabee daggemmi wottoon, “Baꞌaaloocho, no qolloon waayebe” iibee boonoshi nuggishoochi shigoon ceeggiyeete. Tunebaani qaareto, boonoshi qolloonoo waayeto aalloone. Boonoshi shuuneti deejjee gudee gaꞌoochaanoo yubbeheete.

1 Taateenaꞌo 18:29

Showoo beshetoyee gubb womikkee deejjoo giddeebeeti saatee wottoon geyee beeheete. Tunebaani qaareto, ebin aaxxiito, boonoshi qolloonoo waayeto aalloone.

Keyo 7:21

Abbaayi aachi daggooch beeti haasheenaꞌo qitii ciireheete; aacoo shaaqqiye. Ebich Gibitseenaꞌo ebi aacon uyon hakkaaneenaꞌone. Gibitsee showoo bulliich aaco damoon tunehe.

Keyo 8:13

Doono Yeeriyoo Muusi qolletoommon tuniihe. Kechi daggooch, uxeree daggoonaa budonooch beeti woqqeqqeenaꞌo qitiyeete.

Keyo 8:15

Tunebaani Farooni iritoo ketteto tunoon beeggiichii, Doono Yeeri gettitoommon, bi mulloon muumiihalli, Muusinaa Haroonina gettiton waayeyaanoone.

Keyo 8:24

Doono Yeeriyoo ebin tuniihe. Mattiqutte gamoo Faroonichi taatee kexooch, bi iraasheenaꞌo kexonaa Gibitsee showoo bullinooch giyiye. Gibitsee showoo bullinoo aalliihe.

Keyo 9:11

Gibitsee kaayechinaꞌo Muusi aafooch neexoon hakkaaneenaꞌone; ebiyoo boonoshinaa Gibitsee asho bullinochi toommooch gaaboo kechitoyichiye.

Isiyaasi 19:11

Tsoꞌaan beeti iraasheenaꞌo tuusheenaꞌone; yiiteenaꞌo tuneti Faroonichi mikkirechinaꞌo gaacaalli ciicoon ciicciyeete. Aabichiꞌi Faroonich, “No, wonnee yiiteenaꞌochi bushiishoo noone; wonnee taateenaꞌochi bushiishoo noone” iyeete?

Isiyaasi 34:2

Doono Yeeri aagetoo bullin kaaretone; kupphe bi kaaro boonoshi ginee naayinaꞌo bulli toommooch kinditone; ciroona boonoshin aalliyemmone; boonoshin guureyoyich beshiiree immemmone.

Hiziqeeli 39:11

“ ‘Ebiyooba Israꞌeelee showoochee baharoochaa aabi-keyo waanee, gommechinaꞌochi bamboochee, Googich maashee xaaꞌoon immemmo taane; biyoo beshe kaattoon bayi deqqemmone; arooch Googinaa dofee bi asheenaꞌo bullina duukkeyemminaꞌone; ebi bamboo Hamoon Googi getaa ceekkemmone.

Yoꞌeeli 2:20

“Dambi-waanee waabeeti ginee naayinaꞌon, ittoshi waanee wokkiyemmo taane; barahoonaa shuuꞌi showoonooch yookkemmo taane. Aaf beetinaꞌon aabi-keyo waanee baharooch, gubb beetinaꞌonoo aabi-gimo waanee baharooch, daachiyemmo taane. Boonoshi dubeno shaaqqemmone; bi shaaꞌo hooggemmone. Ebiyoo geececho bi tunetoyichiye.