Keyo 7:4 - Kafa Linguistics Project

⁴ ittoshi getaa waayeyaachemmone. Ebiyee gubb, Gibitseenaꞌo toommooch giidechi ta mochoon bekkii, oogeti naxoona boonoshin naxeree, ta asheenaꞌo tuneti Israꞌeeleenaꞌon boonoshi yoodi yoodee yaaroona tuniiree, Gibitsee kichemmo taane.

Keyo 7:4 ပူးပေါင်းရင်းမြစ်များ

Keyo 10:1

Aroochee Doono Yeeri Muusich ishichiye: “Wotteree Faroon waan hambe. Ebi worganikkiti malleteenaꞌon boonoshi daggooch tuniyoyich, Farooninaa bi iraasheenaꞌonochi mulloon muumiito taane.

Keyo 11:9

Doono Yeeriyoo Muusich ishichiye: “Farooni ittoshi getaa waayeyaachemmone. Ebiyoo, gaakkechi ta shuunoon Gibits woddoona ta bekkiyemmoyichiye” iye.

Keyo 12:51

Ebi arooba Doono Yeeri Israꞌeeleenaꞌon, boonoshi yoodi yoodee yaaroona tuniiꞌi, Gibitsee kichiye.

Keyo 13:3

Aroochee Muusi asheenaꞌoyich ishichiye: “Gibitsee showee guuchittinoochee ittoshi kechiti hini aaboon shalligibote. Ebiyoo, Doono Yeeri giidechi bi mochoona ebi showoochee ittoshin bi kichitoyichiye. Shittoo giyiti amee koshonolla maayaahote.

Keyo 13:9

Doono Yeeri giidechi bi mochoona Gibitsee neen bi kichitoyich, Doono Yeerichi sheeroo ne noonooch bi tunemmoyich, ne kishooch beeti malletoommon, ne barooch beeti shalligichoommonoo tunebe.

Keyo 18:8

Muusiyoo Doono Yeeri Israꞌeeleenaꞌoyicha iꞌi Farooninaa Gibitseenaꞌonochi toommooch bi tuniito bullin, bi abboyich gettiye; wotta daakkiꞌi, gommoochaa boonoshi toommooch iritoo shagaa, Doono Yeeri am shaahe gommona boonoshin bi wodiito gaata bi abboyich gettiye.

Keyo 3:19

Tunebaani Gibitsee taatoo giidechi ta mochoon ta bekkiyaanoon, ittoshin gawukkaachemmo bi tunoon ariyaabeeto taane.

Keyo 3:20

Ebich shattiiti gaakkechi shuunoo bullin boonoshi daggooch tuniyoona, ta mochoon tiijji Gibitseenaꞌon yexxemmo taane. Aroyee gubb keyi ittoshi hammemmoyich ittoshin gawukkemmone.

Keyo 6:1

Aroochee Doono Yeeri Muusich ishichiye: “And Farooni toommooch ta tuniyemmon beeggemmo neene. Giidechi ta mochoochee tiyitona, ta asheenaꞌon gawukkemmone. Iberoon giidechi ta mochoochee tiyitona, ‘Ta showoochee keyi hambote’ geti yoohi kichemmone” iye.

Keyo 6:26

“Israꞌeeleenaꞌon boonoshi yoodi yoodee yaaroona tuniiree, Gibitsee kichibote” iꞌi Doono Yeeri gettito, ebi Harooninaa Muusinoniye.

Keyo 6:6

“Ebich Israꞌeeleenaꞌoyich ishichi gete: Doono Yeeri ishichitone: ‘Ta, Doono Yeeri taane. Gibitseenaꞌochi guuchittinee waanjoochee ittoshin kichemmo taane; boonoshich guuno tunoochee ittoshin biishemmo taane. Qaaꞌi naxoon boonoshi toommooch deeboyich giidechi ta mochoon boonoshi toommooch tiijjemmo taane; ittoshinoo biishemmo taane.

Keyo 7:13

Ebi bulli tunetaanoona, andoo Farooni mullo muumoone. Doono Yeeri gettitoommon, Muusinaa Haroonina gettiton waayeyaanoone.

Keyo 7:16

Aroochee biich ishichibe: Hibireenaꞌo Nuggishoo Doono Yeeri ishichiꞌi ne waan taan wochetone: ‘Barahoochaa taach goyinne maddeya boonoshi hammemmoyich, ta asheenaꞌon gawukkibe, ta getaa and beddaahaa taach deꞌa getaano neene.

Keyo 8:15

Tunebaani Farooni iritoo ketteto tunoon beeggiichii, Doono Yeeri gettitoommon, bi mulloon muumiihalli, Muusinaa Haroonina gettiton waayeyaanoone.

Keyo 8:19

Kaayechinaꞌoo Faroonich “Hini mooyo Nuggishoo shuunoone” iyeete. Farooni mullo andoo muumoone. Doono Yeeri gettitoommon, Muusinaa Haroonina gettiton waayeyaanoone.

Keyo 9:12

Tunebaani Doono Yeeri Farooni mulloon bi muumiitoyich, Doono Yeeri Muusich bi gettitoommon, Muusinaa Haroonina gettiton waayeyaanoone.

Keyo 9:3

Doono Yeeri ta mochoo gaddooch beeti ne gijjoo bullin, eboshiyoo ne haresheenaꞌonaa kureenaꞌonon, ne gaaleenaꞌonaa miiminaꞌonon, ne bageenaꞌonaa emmisheenaꞌonon, giidechi naxoona yexxemmone.

Shaahiyoo 19:29

Cooqqirechinaꞌo toommooch nalloo, yeexereenaꞌo gubboyichoo quddoo, qannitone.

Isiyaasi 26:9

Ta kashe xumo bullin neen sharaatehane; ta ayaano neen qaawiye; ne dayinneto showee toommooch bi tunehooba, showee toommooch beetinaꞌo cadiqo tunoon doyemminaꞌone.

Shoosho 3:3

Bi kishoon ta toommooch tiijjiꞌi, heeyo bullin wochii wochii taan yexxiye.

Hiziqeeli 14:21

“Ebich Nuggishoo Doono Yeeri ishichiye: Ashoonaa gijjoonon aroochee aalliyoyich kupphe magge awudde ta naxeenaꞌon, eboshiyoo, ginoon, shaacoon, gonde cooxinaꞌonaa biiyoonon Yerusaalemi toommooch ta deejjiyooba magge mooyo tunemmone.

Hiziqeeli 25:11

Moꞌabi toommooch nallemmo taane; ebina boonoshiyoo Doono Yeeri ta tunoon ariyemminaꞌone’ iye.

Hiziqeeli 30:14

Phaxiroosin tiishaa aalleti katemeen tuniyemmo taane; Tsoꞌaan qaaqqoon geddemmo taane; Tebeesi toommooch nallemmo taane.

Hiziqeeli 30:19

Gibitseenaꞌochi toommooch nallemmo taane; aroochee boonoshiyoo Doono Yeeri ta tunoon ariyemminaꞌone’ itone gete” iye.

Yaaꞌoo 15:4

Doonocho, neen shataanoonaa ne shigoon oogiyaanoona konine? Ne ikkeeto baach yaafoo neene; cadiqe ne shuunoo bullich bekketone; ebich aageteenaꞌo bulli waaree neech goyinnemminaꞌone” iyeete.

Yaaꞌoo 16:7

Deejjee gudoochaa “Eeha, iberoone; Beshe Hakkechi Nuggishoo Doono Yeero, ne nalliti nalloo iberoonaa cadiqoonane” immi qaaroon waayeho.

Yaaꞌoo 19:2

Bi nalloo iberoonaa cadiqoonane; bi shunee mamona showoon eeꞌiiti, aricheti yahechi ure toommooch nallitone; bi maddechinaꞌochi damoyich bi toommooch nichoon kichitone” iye.

Woraaferasheenaꞌo 2:15

Koyoyich boonoshi kechimmi aabo bullin, Doono Yeeri “Tuniyemmo taane” iꞌi bi wogetoommon, boonoshi toommooch magge mooyon tunii beehe. Ebina boonoshiyoo oogeton xuuxeheete.