Keyo 7:3 - Kafa Linguistics Project

³ Tunebaani Farooni mulloon muumiyemmo taane. Worganikkiti malleteenaꞌonaa gaakkechi shuuneenaꞌonon Gibitsee showooch woddiyaꞌa ta tuniitaanona,

Keyo 7:3 ပူးပေါင်းရင်းမြစ်များ

Nehimi 9:10

Boonoshi toommooch coodditinaꞌo boonoshi tunoon ne ariitoyich, Farooni toommooch, bi naayinaꞌo bullinaa bi showooch beeti bi asheenaꞌo bullinochi toommooch worganikkiti malletoonaa gaakkechi shuunoonon bekkiihine; hanaach beddaahaa ne shigo oogemmoyich tuniihine.

Shoddo 135:9

Gibitsee showoochaa Farooninaa bi iraasheenaꞌo bullinon naxoyich, worganikkiti malletoonaa gaakkechi shuunoonon shuunehe.

Shoddo 78:12

Boonoshi qaabbechinaꞌo aafoochaa, Gibitsee showoochaa, Tsoꞌaani gaddoochaa, gaakkechi mooyon tuniihe.

Keyo 11:10

Muusinaa Harooninoo ebi gaakkechi shuunoo bullin Faroon aafoochaa tuniitinaꞌone. Tunebaani Doono Yeeri Farooni mulloon muumiitone. Ebich Israꞌeeleenaꞌo bi showoochee keyiree hammemmoyich boonoshin gawukkaanoone.

Keyo 11:9

Doono Yeeriyoo Muusich ishichiye: “Farooni ittoshi getaa waayeyaachemmone. Ebiyoo, gaakkechi ta shuunoon Gibits woddoona ta bekkiyemmoyichiye” iye.

Keyo 14:4

Tawoo Farooni mulloon ta muumiitaa, ittoshin yoohi dabbemmone. Tunebaani Farooninaa bi ginee naayo bullinochi toommooch ta oogo bekkemmone. Gibitseenaꞌo Doono Yeeri ta tunoon ariyemminaꞌone” iye. Israꞌeeleenaꞌo boonoshich getteetoommon tuniiheete.

Keyo 3:20

Ebich shattiiti gaakkechi shuunoo bullin boonoshi daggooch tuniyoona, ta mochoon tiijji Gibitseenaꞌon yexxemmo taane. Aroyee gubb keyi ittoshi hammemmoyich ittoshin gawukkemmone.

Keyo 4:21

Doono Yeeriyoo Muusich ishichiye: “Gibits wottaa ne hamiyooba, neech ta immeti hakkoona ne shuunemmi, gaakkechi mooyo bullin Farooni aafoochaa ceechemmo ne tunoon batteyaahine. Tunebaani asheenaꞌon bi gawukkaachemmoyich, bi mulloon muumiyemmo taane.

Keyo 4:29

Muusinaa Haroonina Gibits hammiꞌi, Israꞌeelee ukkireenaꞌo bullin ikkooch kiciyeete.

Keyo 4:7

Doono Yeeri Muusich “And ne kishoon wochiree ne shoopphooch gede” iye. Muusiyoo bi kishoon bi shoopphooch geddiye. Wochinnoon bi kichimmona, wodiꞌi aafi bi goorooch wottehe.

Keyo 7:13

Ebi bulli tunetaanoona, andoo Farooni mullo muumoone. Doono Yeeri gettitoommon, Muusinaa Haroonina gettiton waayeyaanoone.

Keyo 9:16

tunebaani kashoona ne beeyemmoyich ta tuniito, ta giidoon neech ta bekkiyemmonaa ta shigo showee toommo bulliich bi arichemmonoyichiye.

Shaahiyoo 21:1

Taatoochi mullo Doono Yeerichi kishoochiye; biyoo woce aacochoommon bi daaggito waan wochiye.

Isiyaasi 51:9

Tibe, Doono Yeerichi mochoocho, tibe! Giidoon tahoochoommon tahebe; wonnee shiijjereenaꞌochi besheti yemeenooch ne tuniitoommon, tibe. Rahaabin muucmuucayito, dareboonoo kocheto, ne toono neene?

Mikiyaasi 7:15

Gibitsee noon ne kichiyooba ne tuniitoommon, worganikkiti mooyon nooch bekkiibe.

Yowannisi 4:48

Ebich Yesuusi “Worganikkiti malletoonaa gaakkechi shuunoonon ittoshi beego qayigaata, ta toommooch mulloon cir tooꞌiyaachote!” iye.

Mishiraachechinaꞌo 2:22

“Hini Israꞌeeleenaꞌote, andoo hini mooyon waayebote: Ittoshi qelloona ittoshi arii beetoommon, Naazireetechi Yesuusi koni bi tunoon, Yeeri biinna ittoshi daggooch bi shuuneti gaakkechi shuunoona, worganikkiti mooyonaa malletoona xiisheetone.

Mishiraachechinaꞌo 7:36

Biyoo boonoshin yaabiꞌi Gibitsee kichiye; Gibitsaa, Ceelle baharoonaa Siinee barahoonoochaa aabbe naton worganikkiti mooyonaa malletoonon bekkiihe.

Roomi 9:18

Illa Yeeri ikke uroon maariya bi qaawigaata, maariye; ikke uroonoo mulli manjoo tuniiya bi qaawigaata, mulli manjoo tuniihe.

Yibbaatoo 7:19

Ne aafoona ne ciinnaa beetaa, ne Nuggishoo Doono Yeeri kupphe naxoon, worganikkiti malletoon, gaakkechi shuunoon, kupphe bi kishoonaa giidechi bi mochoonon bekkiiꞌi neen kichii bi deebon shalligibe. Ne Nuggishoo Doono Yeeri and ne shattaabeeti asheenaꞌo bulli toommoochoo ebiyoommon tuniyemmone.