Keyo 7:17 - Kafa Linguistics Project

¹⁷ And Doono Yeeri ta tunoon ariyemmo neene’ itone. Ebi ta gumboona Abbaayi aacon yexxemmo taane; aaco damoon tunemmone.

Keyo 7:17 ပူးပေါင်းရင်းမြစ်များ

1 Taateenaꞌo 20:28

Yeer asho waaꞌi, Israꞌeelee taatoyich, “Doono Yeeri ishichiye: ‘Sooriyeenaꞌo, “Doono Yeeri guudi nuggishoani, bambee nuggishoo toonoone” boonoshi itoyich, ebi meeti ginee naayo bullin ne kishooch beshiiree immemmo taane. Ta, Doono Yeeri ta tunoon ariyemmo ittoshine’ itone” iye.

2 Taateenaꞌo 19:19

Andoo no Nuggishoo Doono Yeero, showee taateenaꞌo bulli Doono Yeeri ne ikkeeto baach Nuggishoo ne tunoon boonoshi ariyemmoyich, bi kishoochee noon ne wodiyemmoyich, neen qollehoye” iye.

Shoddo 105:29

Boonoshi aacinaꞌon damoo tuniihe; boonoshi haashoo qitemmoyich tuniihe.

Shoddo 78:44

Boonoshi aacon damoo tuniihe; ebina boonoshi woce aacon uyon hakkaaneenaꞌone.

Shoddo 83:18

Ne shigo Doono Yeeri tuneti ne baach, showoo bulli toommooch Beshoo Yeeri ne tunoon ariibeete.

Shoddo 9:16

Doono Yeeri dayinnetechi nalloona bi qelloon arichiihe; gondeenaꞌo boonoshi gonde shuunoona olleeheete.

Keyo 1:22

Aroochee Farooni bi asho bullich ishichiye: “Israꞌeeleenaꞌo waanee shiijjemmi anaami bushiishoo bullin Abbaayi aacooch dufote. Tunebaani maache bushiishoo boonoshi tunegaata, kashoona boonoshi beeyemmoyich qayote” iꞌi gettiye.

Keyo 10:2

Ebiyoo Gibitseenaꞌon aabichaꞌa boonoshi kashoona ta kaacheto gaata, wotta boonoshi daggooch am shaahe worganikkiti malleteenaꞌon ta tuniito gaata, ittoshi bushiisheenaꞌonaa ittoshi bushaa bushiisheenaꞌonoyich ittoshi gettemmoyichiye. Arooba Doono Yeeri ta tunoon ariyemmo ittoshine” iye.

Keyo 4:9

Ebi gutte worganikkiti malleteenaꞌon beeggiꞌi, iberiyoo boonoshi qayigaata, ne getoonoo waayo boonoshi qayigaata, aacon Abbaayee kiti daamiree, showooch ukkibe. Ebi are aaco damoon tunemmone” iye.

Keyo 5:2

Farooniyoo wochiꞌi ishichiye: “Bi getoon ta waayemmonaa Israꞌeeleenaꞌon ta gawukkemmonoyich, Doono Yeeri aroo konine? Doono Yeerin ariyaache; Israꞌeeleenaꞌonoo gawukkaache” iye.

Keyo 6:7

Ittoshin ta maccoo tuniyemmo taane; ittoshichoo Nuggishoon tunemmo taane. Gibitseenaꞌochi guuchittinee waanjoochee ittoshin kichiti, ittoshi Nuggishoo Doono Yeeri ta tunoon ariyemmo ittoshine.

Keyo 7:20

Muusinaa Haroonina Doono Yeeri gettitoommon tuniiheete. Harooniyoo taatoonaa bi iraasheenaꞌonochi aafoochaa bi gumboon tiijjii, Abbaayi aacon yexxiye. Aaco bulliyoo damoon tunehe.

Keyo 7:5

Giidechi ta mochoon Gibitseenaꞌo toommooch bekkiyaꞌa, Israꞌeeleenaꞌon boonoshi showoochee ta kichiyooba, Doono Yeeri ta tunoon Gibitseenaꞌo ariyemminaꞌone” iye.

Hiziqeeli 25:17

Oogeti nichoon boonoshi toommooch gaaccemmo taane; neboonoo boonoshi toommooch kindiyemmo taane; boonoshi toommooch nichoon ta gaaciyooba Doono Yeeri ta tunoon ariyemminaꞌone’ itone gete” iye.

Hiziqeeli 29:9

Gibitsee showoo shokkaachoonaa amolla aalloona tunemmone; ebiyooba boonoshiyoo Doono Yeeri ta tunoon ariyemminaꞌone. “ ‘Ebiyoo “Abbaayi aaco taachone; ebi aacon shuuneto taane” ne itoyichiye.

Hiziqeeli 30:19

Gibitseenaꞌochi toommooch nallemmo taane; aroochee boonoshiyoo Doono Yeeri ta tunoon ariyemminaꞌone’ itone gete” iye.

Hiziqeeli 30:8

Qaaqqoon Gibits ta gediyooba, bi gaacheenaꞌo bulliyoo tiishehooba, Doono Yeeri ta tunoon ariyemminaꞌone.

Hiziqeeli 32:15

Gibitsee showoon shokko ta echiihooba, showoo bi daggooch ceenniton bi muccehooba, arooch beeto bullin ta aalliihooba, ebina Doono Yeeri ta tunoon ariyemminaꞌone’ gete.

Hiziqeeli 32:6

Showoon guudinaꞌooch beddaahaa ne damoona wooriyemmo taane; aachi woretoo ne meeshoona ceennemmone.

Hiziqeeli 38:23

Ebina ta oogoonaa ta yaafittinoonon bekkiyemmo taane; meeti aageteenaꞌoyichoo taan arichiyemmo taane; aroochee ta, Doono Yeeri ta tunoon ariyemminaꞌone.

Hiziqeeli 39:28

Kecaa aageteenaꞌo showooch boonoshi hammemmoyich ta tuniitaanona, koninolla arooch echiyaanoon kecoochee boono hajjee showooch wochii deebeto, boonoshi Nuggishoo Doono Yeeri ta tunoon ariyemminaꞌone.

Daaneeli 4:17

Ebi manjiti mooyonaa bi toommooch shaggemmi nalloona quyecho tuneti, bi yaafe maraakeenaꞌona getteetone. Ebiyoo Beshoo Yeeri asheenaꞌochi taatittineenaꞌo toommooch hajjiibeeto bi tunoonaa ebi taatittineenaꞌon asheenaꞌo daggoochee boonoshi qelloon giishii beetinaꞌoyich, bi shunnito konichona immiibeeto bi tunoonon, showee toommooch beeti asheenaꞌo bulli ariyemmoyichiye’ iye.

Daaneeli 4:32

Ashi daggoochee kichaa yookkeree, kubbi cooxona tookki gaddooch beeyemmo neene; gattoochoommonoo mocoon maayemmo neene. Beshoo Yeeri ashi taatittino bulli toommooch hajjiibeeto bi tunoonaa ebi taatittinoon bi shunnito konichona immiibeeto bi tunoonon ne ariimmi wottoon, shabaatte nato beshemmone” iye.

Daaneeli 4:37

Shimaajji Taatoo Yeeri bi tuniibeeto bulli tato, bi gommoo cadiqee gommo bi tunetoyich, ta, Nabukadinatsori, biin galletehoye; oogiihoye; naadiyoye. Biyoo geecii beetinaꞌon giishiyoon hakkii beetone.

Daaneeli 5:21

Ashi daggoochee kichaa yookkehe; bi mullo gijjee mullooch shaddeehe. Kubbi kureenaꞌona tookkii beehe; gattoochoommonoo mocoon maahe; bi ashittino shimaayoochee kindiibeeti doshoona shuxxiye. Beshe Nuggishoo Yeeri asheenaꞌochi taatittino bulli toommooch hajjiibeeto bi tunoonaa ebi taatittinoon bi shunnito konichona immiibeeto bi tunoonon ciiroochaa ariihe.

Daaneeli 5:23

Ne qelloon shimaajji Nuggishoyee damba tuniyaꞌa, bi yaafee kechi uyee qiiceenaꞌo woyemmoyich tuniihine. Ne, ne iraasheenaꞌo, ne mecheenaꞌonaa ne naamacheenaꞌona aroona woyinee uyoon uchiyote. Uchiibee birewoochee, aachoochee, gooshoochee, xuuroochee, mixonaa xaqqoonoochee shuuneeti, ciinon, waayoonaa ariyoonon hakkaani, nuggisheenaꞌochi misiloon galletehote. Tunebaani ne kashoon, ne shaaddo bullinoo bi kishooch yechiti Nuggishoon oogiyaano neene.

Yaaꞌoo 11:6

Eboshi keemoon boonoshi keemmiibeeti aabooba, “Amiyo dihaaye” iꞌi shimaayoon hicoyich hakkoo boonoshich beetone; boonoshi shunnitoommon boonoshi qaawimmi areddoo bullin aacon damoo tuniyoyich, showee toommooch beetinaꞌonoo naxo bullina shooddiyoyich hakkoo boonoshich beetone.

Yaaꞌoo 8:8

Guttinnee maraakoo tiroon huggiye; micciibeeti ooge guudon shaahiibeeti mooyo baharooch duppehe; baharee keejje beereexi ikke beeroo damoon tunehe.