Keyo 6:7 - Kafa Linguistics Project

⁷ Ittoshin ta maccoo tuniyemmo taane; ittoshichoo Nuggishoon tunemmo taane. Gibitseenaꞌochi guuchittinee waanjoochee ittoshin kichiti, ittoshi Nuggishoo Doono Yeeri ta tunoon ariyemmo ittoshine.

Keyo 6:7 ပူးပေါင်းရင်းမြစ်များ

Halloo 26:3

Giisheche yemeenoon hini showooch kotebe. Ta neenna tookki tunemmo taane; neen diiremmo taane. Hini showoo bullin neennaa ne shiijjereenaꞌonoyich imiree, ne nihoo Abrahamich ta wogeti wogoon ceechemmo taane.

Halloo 28:13

Doono Yeeriyoo ebi daqqellee tookk neexee beehe; ishichiinoo iye: “Ne nihinihoo Abrahamichi Nuggishoo, ne nihoo Yisaaqichi Nuggishoo, Doono Yeeri taane. Hini ne qeyaabeeti showoon neennaa ne shiijjereenaꞌonoyich immemmo taane.

1 Taateenaꞌo 20:28

Yeer asho waaꞌi, Israꞌeelee taatoyich, “Doono Yeeri ishichiye: ‘Sooriyeenaꞌo, “Doono Yeeri guudi nuggishoani, bambee nuggishoo toonoone” boonoshi itoyich, ebi meeti ginee naayo bullin ne kishooch beshiiree immemmo taane. Ta, Doono Yeeri ta tunoon ariyemmo ittoshine’ itone” iye.

1 Taateenaꞌo 8:60

Ebiyoo showee toommeexi aagetoo bulli Doono Yeeri baach Nuggishoo bi tunoonaa biyee damba bare nuggishoo aallo bi tunoonon bi ariyemmoyichiye.

Nehimi 1:10

“Boonoshiyoo ooge ne hakkoonaa kupphe ne mochoona ne biisheti ne guuninaꞌonaa ne asheenaꞌonane.

Shoddo 100:3

Doono Yeeri Nuggishoo bi tunoon ariibote; noon hallito biine; nowoo biicho noone; gaddooch beeti bagoommi bi asho noone.

Shoddo 81:6

“Ta, ne gogoochee shaagoon kindiihoye; ne kishoo magge shuunoochee kashehe.

Keyo 13:14

“Gubbi yemeenooch ne bushoo ‘Ebi ama getone?’ iꞌi bi echegaata, ishichibe: ‘Gibitsee showee guuchittinoochee Doono Yeeri giidechi bi mochoona noon kichiye.

Keyo 13:3

Aroochee Muusi asheenaꞌoyich ishichiye: “Gibitsee showee guuchittinoochee ittoshi kechiti hini aaboon shalligibote. Ebiyoo, Doono Yeeri giidechi bi mochoona ebi showoochee ittoshin bi kichitoyichiye. Shittoo giyiti amee koshonolla maayaahote.

Keyo 14:18

Farooni toommooch, bi gaarinaa hareshechinaꞌonochi toommoochoo ta oogoon ta bekkiihooba, Gibitseenaꞌo Doono Yeeri ta tunoon ariyemminaꞌone” iye.

Keyo 14:4

Tawoo Farooni mulloon ta muumiitaa, ittoshin yoohi dabbemmone. Tunebaani Farooninaa bi ginee naayo bullinochi toommooch ta oogo bekkemmone. Gibitseenaꞌo Doono Yeeri ta tunoon ariyemminaꞌone” iye. Israꞌeeleenaꞌo boonoshich getteetoommon tuniiheete.

Keyo 15:16

Doono Yeero, ne asheenaꞌo, guuchittinoochee ne biisheti ne asheenaꞌo, boonoshi daggoona boonoshi beshemmi wottoon, keqqoonaa qewoona boonoshi toommooch kindii beetone; ne mochee giidoo shuuraani xaqqoommon boonoshin tuniitone.

Keyo 15:2

Doono Yeeri ta hakkoonaa ta shoddoonane; taach wodoon tunetone. Bi ta Nuggishoone; biin galletemmo taane; ta nihoo Nuggishoone; biin oogiyemmo taane.

Keyo 16:12

“Israꞌeeleenaꞌo guruuxiti guruuxoon waayeto taane. Ebin boonoshich gete: ‘Mayi xum, aabe gimooch, meenon maayemmo ittoshine; bi dechara maaddoona koshon maa michemmo ittoshine; ebina ittoshi Nuggishoo Doono Yeeri ta tunoon ariyemmo ittoshine’ gete” iye.

Keyo 16:6

Ebich Muusinaa Haroonina Israꞌeeleenaꞌo bullich ishichiyeete: “Gibitsee ittoshin kichito, Doono Yeeri bi tunoon mayi xum ariyemmo ittoshine.

Keyo 2:11

Muusi bi oogetoyee gubb, ikke areddoon bi asheenaꞌo tuneti Hibireenaꞌo beeti xaaꞌooch hammiꞌi, magge shuunoon giidoona yeshaa aajjii shuunee boonoshi beetaa ciinniye. Gibitsee asho bi asheenaꞌoochee ikke Hibiroon yechii yexxii bi beetaa beeggiye.

Keyo 6:6

“Ebich Israꞌeeleenaꞌoyich ishichi gete: Doono Yeeri ishichitone: ‘Ta, Doono Yeeri taane. Gibitseenaꞌochi guuchittinee waanjoochee ittoshin kichemmo taane; boonoshich guuno tunoochee ittoshin biishemmo taane. Qaaꞌi naxoon boonoshi toommooch deeboyich giidechi ta mochoon boonoshi toommooch tiijjemmo taane; ittoshinoo biishemmo taane.

Keyo 7:17

And Doono Yeeri ta tunoon ariyemmo neene’ itone. Ebi ta gumboona Abbaayi aacon yexxemmo taane; aaco damoon tunemmone.

Isiyaasi 41:20

Ebiyoo, ebin tuniito Doono Yeerichi mochoo bi tunoon, Israꞌeelee Yaafoo ebin bi halloon, asheenaꞌo bulli ciini ariyemmoyich, gabi boonoshi shalligemmoyichiye” iye.

Isiyaasi 49:23

Taateenaꞌo neech dichinihoon, taateenaꞌochi mecheenaꞌo dichindeen, tunemminaꞌone; baroona guuferee neech goyinnemminaꞌone; ne baateexi buttoon baaxxemminaꞌone; ebina Doono Yeeri ta tunoon ariyemmi neene; boonoshin ta gaachemmoyich quyee beetinaꞌo ciroona yeelleyaacheete” iye.

Isiyaasi 49:26

Neen neexxii hajjitinaꞌo boonoshi hajjee meenon boonoshi maayemmoyich, boonoshi hajjee damoonoo woyinee uyoochoommon boonoshi uchemmoyich, tuniyemmo taane. Ebina Doono Yeeri ta, neen Shiwechonaa Biishee Wodiyechona, Yaaqobi goyinneebeeti Giidechi Nuggishoo ta tunoon, asho bulli ariyemmone” iye.

Isiyaasi 51:15

Aayo buugemmoyich, baharoon shuurikkaabeeto, ne Nuggishoo Doono Yeeri taane; ta shigoo Beshe Mawe Doono Yeerine.

Isiyaasi 60:16

Bushiishoo xanon xamoommon, aageteenaꞌonaa taateenaꞌonochi gaannoon xammemmi neene; Doono Yeeri ta, Yaaqobi goyinneebeeti Giidechi Nuggishoo, neen Wodiyechonaa neen Biishechona ta tunoon ariyemmi neene.

Isiyaasi 63:8

Doono Yeeri ishichiye “Iberoochaa boonoshi ta asheenaꞌo, taach kootaachemmi ta bushiisheenaꞌone” iye; boonoshichoo Wodiyechon tunehe.

Erimiyaasi 30:22

Ittoshi ta ashoon tunemmo ittoshine; ta ittoshi Nuggishoon tunemmo taane” iye.

Erimiyaasi 31:33

“Tunebaani ebi are yemeenoyee gubb Israꞌeelee macceenaꞌona tookki ta giyemmi wogo ebine” iye Doono Yeeri. “Ta sheeroon boonoshi mullooch kotiyemmo taane; boonoshi mullee cilloochoo kooremmo taane; tawoo boonoshi Nuggishoo tunemmo taane; boonoshiyoo ta macceenaꞌo tunemminaꞌone.

Hiziqeeli 20:19

Ta, Doono Yeeri ittoshi Nuggishoo taane; ta qociyoona hambote; ta geteenaꞌonoo manjii quyebote.

Hosee'i 1:10

“Israꞌeeleenaꞌo haddaa woyee qeelletaa ciyaani baharee gasheexi qacoochoommon meettemminaꞌone. ‘Ta asho toono ittoshine’ boonoshi getteeti ebi xaaꞌoochaa ‘Beeyechi Nuggishoo Yeerichi bushiisheenaꞌo’ getteyemminaꞌone.

Leweenaꞌo 11:44

Ittoshi Nuggishoo Doono Yeeri ta yaafoo ta tunetoyich, ittoshi qelloon yaafibote. Yaafoonoo tunebote. Showoona yuummiibeeti mooyo amoonolla mamona ittoshi qelloon eeꞌiyaahote.

Leweenaꞌo 11:45

Ittoshi Nuggishoo tunoyich, Gibitsee ittoshin kichaꞌa deebeti Doono Yeeri taane. Ebich yaafoo ta tunetoyich, ittoshiyoo yaafoo tunebote.

Zakaariyaasi 13:9

Ebi ikke beeroon qaaqqooch deebemmo taane; birewoon ukkoommon ukkiree boonoshin xalliyemmo taane; aachoon ukkoommonoo ukkiree boonoshin haattemmo taane. Boonoshiyoo ta waan corootemminaꞌone; tawoo boonoshi corootoon waayemmo taane. Boonoshin, ‘Ta asheenaꞌone’ gettemmo taane; boonoshiyoo ‘Doono Yeeri, no Nuggishoone’ gettemminaꞌone” iye.

Haddoo 15:41

Ta, ittoshi Nuggishoo Doono Yeeri taane. Ittoshi Nuggishoo tunoyich, Gibitsee ittoshin kichaa deebeto taane. Ta Nuggishoo Doono Yeeri taane’ gete” iye.

Maatiyoosi 22:32

Ebiyoo ‘Ta Abrahamichi Nuggishoo, Yisaaqichi Nuggishoo, Yaaqobichi Nuggishoo taane’ ii beetone. Illa kashechinaꞌochi Nuggishoani qititinaꞌochi Nuggishoo toonoone” iye.

Roomi 8:31

Illa ebi mooyichon ama gettehone? Yeeri noonna tookkii bi tunegaata, noon koyi wochemmo konine?

Yibbaatoo 14:2

Ebiyoo ittoshi, ittoshi Nuggishoo Doono Yeerich yaafoo ittoshi tunetoyichiye. Wotta, bi hajjee asho ittoshi tunemmoyich, showee toommooch beeti asho bulli daggoochee Doono Yeeri ittoshin bi kaaccitoyichiye” iye.

Yibbaatoo 26:18

Doono Yeeriyoo neech bi gibenikkitoommon, neen bi hajjee asho tuniitone; bi getoon ne waayemmoyichoo gettitone.

Yibbaatoo 29:12

Hanaach hiniich ne neexeto, Doono Yeeri neenna tookkii giyiibeeti wogooch biinna tookkii gimoyich, wotta ne Nuggishoo Doono Yeerina tookkaa ne giyeti wogoon quyemmo ne tunoon getoyichiye.

Yibbaatoo 29:13

Ebina neech bi gibenikkitoommon, wotta ne qaabbechi Abrahamich, Yisaaqinaa Yaaqobinoyich bi wogetoommon, bi asho ne tunoon, biyoo ne Nuggishoo bi tunoon manjiiyane.

Yibbaatoo 29:5

Biyoo ‘Aabbe naton barahoona ittoshin yaabito taane; tunebaani ittoshi taho ittoshi qeddoochee ciireyaanoone; caammoo ittoshi baatoochee kuxeyaanoone.

Yibbaatoo 4:20

Tunebaani ittoshi and ebi ittoshich bi tunetoommon bi hajjee ashoon ittoshi tunemmoyich, ittoshi Nuggishoo Doono Yeeri xuuroon wociibeeti qaaqqee sheelloommi Gibitsee ittoshin kichiꞌi deebitone.

Yibbaatoo 7:6

Ebiyoo ittoshi Nuggishoo Doono Yeerich yaafeeti asho ittoshi tunetoyichiye. Biyoo bi hajjee asho ittoshi tunemmoyich, showee toommooch beeti asheenaꞌo bulli daggoochee ittoshin kaacciye.

Hibireena'o 11:16

Tunebaani beshoon, ebiyoo shimaajji xaaꞌoon qaatii beeheete. Ebich Yeeri boonoshi beeyemmi katemoon boonoshich qanniitone. Ebich Yeeri boonoshi Nuggishoo getaa ceekkoyich yeelleyaache.

1 Pheexiroosi 2:10

Ebiyee aaf Yeerichi yoodo toono ittoshine; tunebaani and Yeerichi yoodo tuneto ittoshine; ebiyee aaf Yeerichi ariqqittinoon ariyaano ittoshine; tunebaani and bi ariqqittinoon ariito ittoshine.

Yaaꞌoo 21:3

Aree hillooch ooge qaaro qeenoochee kechiꞌi, “Ebiyoche, Yeerichi qeyi xaaꞌoo asheenaꞌo daggooch tunetone; boonoshina tookki beeyemmone; boonoshiyoo bi asheenaꞌo tunemminaꞌone. Yeeriyoo bi qelloona boonoshina tookki tuneree boonoshi Nuggishoo tunemmone.

Yaaꞌoo 21:7

Gondoochi giidoon kochii wochito ebin woraashemmone; biich Nuggishoon tunemmo taane; biyoo ta bushoon tunemmone.