Keyo 6:6 - Kafa Linguistics Project

⁶ “Ebich Israꞌeeleenaꞌoyich ishichi gete: Doono Yeeri ishichitone: ‘Ta, Doono Yeeri taane. Gibitseenaꞌochi guuchittinee waanjoochee ittoshin kichemmo taane; boonoshich guuno tunoochee ittoshin biishemmo taane. Qaaꞌi naxoon boonoshi toommooch deeboyich giidechi ta mochoon boonoshi toommooch tiijjemmo taane; ittoshinoo biishemmo taane.

Keyo 6:6 ပူးပေါင်းရင်းမြစ်များ

1 Taateenaꞌo 8:42

wohi showoochee bi waato, ooge ne shigoon, kupphe ne kishoonaa giidechi ne mochoona ne tuniiti mooyon waayeꞌi bi tunetoyich, waaꞌi, hini kexo waan bi aafoon wochiichii, bi corootigaata,

2 Taateenaꞌo 17:36

Tunebaani ooge ta hakkoonaa giidechi ta mochoona Gibitsee ittoshin kichiti Doono Yeeri taan shatote; taach goyinnebote; taach deejjoon giddiibote.

1 Kiinoo 17:21

Ne hajjee asheenaꞌon tuniyoyicha iyaꞌa guuchittinoochee ne biisheti Israꞌeeleenaꞌoommi asho showee toommooch aalloone. Boonoshich ne tuniiti, oogetonaa worganikkiti mooyona ne shigo showee toommo bulliich arichetone. Ne hajjee asheenaꞌo boonoshi tunemmoyich, Gibitsee ne biisheti asheenaꞌo aaf boonoshi hammimmona, bare asheenaꞌonaa boonoshi nuggisheenaꞌonon boonoshi aafoochee gashaa kichihine.

Nehimi 1:10

“Boonoshiyoo ooge ne hakkoonaa kupphe ne mochoona ne biisheti ne guuninaꞌonaa ne asheenaꞌonane.

Shoddo 77:16

Yeero, aacinaꞌo neen beeggiꞌi, aacinaꞌo neen beeggiꞌi shattiyeete; aachi deshi ducheenaꞌoo qeweheete.

Shoddo 81:11

“Tunebaani ta asho ta qaaroon waayeyaanoone; Israꞌeeli taach deꞌa getaanoone.

Shoddo 81:6

“Ta, ne gogoochee shaagoon kindiihoye; ne kishoo magge shuunoochee kashehe.

Shoddo 81:7

Ne duꞌehooba taan ceeggehine; tawoo neen wodiihoye; gigeebeeti qere xaaꞌoochaa ne qolloon waayehoye; Meriibi aacoochaa neen phiree beeggehoye.

Keyo 1:11

Ebich boonoshin xuuxiibee magge shuunoon shuuniyemmi ukkireenaꞌon boonoshi toommooch ukkiriiheete. Israꞌeeleenaꞌo, taatoyich maayoonaa baribare mooyona kiceyemmi, Fitoominaa Ramisesina getteebeeti katemeenaꞌon shuuneheete.

Keyo 12:41

Awudde ballaa shaashe nato ceenniyooba, ebi arooba Doono Yeerichi asho bulli mattiqutto tuneꞌi Gibitsee kechiye.

Keyo 12:51

Ebi arooba Doono Yeeri Israꞌeeleenaꞌon, boonoshi yoodi yoodee yaaroona tuniiꞌi, Gibitsee kichiye.

Keyo 13:14

“Gubbi yemeenooch ne bushoo ‘Ebi ama getone?’ iꞌi bi echegaata, ishichibe: ‘Gibitsee showee guuchittinoochee Doono Yeeri giidechi bi mochoona noon kichiye.

Keyo 13:16

Doono Yeeri giidechi bi mochoona Gibitsee noon bi kichitoyich, ebi doyoo ne kishooch woyee ne barooch geddeti malletoommon tunebe” iye.

Keyo 13:3

Aroochee Muusi asheenaꞌoyich ishichiye: “Gibitsee showee guuchittinoochee ittoshi kechiti hini aaboon shalligibote. Ebiyoo, Doono Yeeri giidechi bi mochoona ebi showoochee ittoshin bi kichitoyichiye. Shittoo giyiti amee koshonolla maayaahote.

Keyo 15:13

“Ne shoodoona ne biisheti ne asheenaꞌon, yaabito neene; ne hakkoona ne biishetinaꞌon yaafe ne beeyi xaaꞌooch yaabito neene.

Keyo 16:6

Ebich Muusinaa Haroonina Israꞌeeleenaꞌo bullich ishichiyeete: “Gibitsee ittoshin kichito, Doono Yeeri bi tunoon mayi xum ariyemmo ittoshine.

Keyo 18:1

Miidiyamee qeeshoo, Muusichi abboo Yotoori, Yeeri Muusinaa bi asheenaꞌo tuneti Israꞌeeleenaꞌonoyich bi tuniito bullin, ebiyoo Doono Yeeri Israꞌeeleenaꞌon aabichiꞌi Gibitsee bi kichito gaata, waayehe.

Keyo 2:11

Muusi bi oogetoyee gubb, ikke areddoon bi asheenaꞌo tuneti Hibireenaꞌo beeti xaaꞌooch hammiꞌi, magge shuunoon giidoona yeshaa aajjii shuunee boonoshi beetaa ciinniye. Gibitsee asho bi asheenaꞌoochee ikke Hibiroon yechii yexxii bi beetaa beeggiye.

Keyo 3:17

Ebich Gibitsaa ittoshi beeggiibeeti xuuxoochee ittoshin kichiree, Kanaaneenaꞌocho, Hiteenaꞌocho, Amooreenaꞌocho, Ferizeenaꞌocho, Hiweenaꞌochonaa Yebuseenaꞌochona tuneti, ejjoonaa eeyonon xuupphiibeeti showooch ittoshin giijjemmo taane” itone’ gete.

Keyo 3:8

Ebich Gibitseenaꞌo kishoochee boonoshin kichoyich, Gibitseenoo boonoshin kichiree ejjoonaa eeyona xuupphiibeeti gaminoonaa qeemona tuneti, Kanaaneenaꞌocho, Hiteenaꞌocho, Amooreenaꞌocho, Ferizeenaꞌocho, Hiweenaꞌochonaa Yebuseenaꞌochona tuneti showooch daamoyich kindito taane.

Keyo 32:11

Tunebaani Muusi bi Nuggishoo Doono Yeerichi ariqqoon qolleebee ishichiye: “Doono Yeero, ooge ne hakkoonaa giidechi ne mochoona Gibitsee ne kichiti, ne asheenaꞌo toommooch ebi shaahoon oogichaa amoyich kaarenne?

Keyo 6:2

Yeeriyoo daakkiꞌi Muusich ishichiye: “Ta, Doono Yeeri taane.

Keyo 6:29

biich, “Ta, Doono Yeeri taane; neech ta gettaabeeto bullin Gibitsee taatoo Faroonich gete” iye.

Keyo 6:8

Abrahamich, Yisaaqinaa Yaaqobinoyich imma ta wogeti showooch ittoshin giijjemmo taane; ittoshi hajjoon tuniiree ittoshich immemmo taane. Ta, Doono Yeeri taane’ itone gete” iye.

Keyo 7:4

ittoshi getaa waayeyaachemmone. Ebiyee gubb, Gibitseenaꞌo toommooch giidechi ta mochoon bekkii, oogeti naxoona boonoshin naxeree, ta asheenaꞌo tuneti Israꞌeeleenaꞌon boonoshi yoodi yoodee yaaroona tuniiree, Gibitsee kichemmo taane.

Keyo 7:5

Giidechi ta mochoon Gibitseenaꞌo toommooch bekkiyaꞌa, Israꞌeeleenaꞌon boonoshi showoochee ta kichiyooba, Doono Yeeri ta tunoon Gibitseenaꞌo ariyemminaꞌone” iye.

Isiyaasi 9:12

Aabi-keyo waanee Sooriyeenaꞌon, aabi-gimo waanee Filsixeemeenaꞌon bi deejjaa Israꞌeeleenaꞌon qooxxiyeete; ebi bulli tunetaanoona Doono Yeeri kaaro besheyaanoone; andoo bi mochoon tiijjiꞌiniye bi beeto.

Isiyaasi 9:17

Ebich Doono Yeeri gurimaasheenaꞌona emiraachemmone; nihaalli bushiisheenaꞌonaa kenaalli maacheenaꞌonoyichoo ariqqeyaachemmone; bulliyona Yeerich qeyaaneenaꞌonaa gonde shuunechinaꞌonane; boonoshi bulli noonoochee gonde yibbaatoo kechiye; ebi bulli tunetaanoona Doono Yeeri kaaro besheyaanoone; andoo bi mochoon tiijjiꞌiniye bi beeto.

Isiyaasi 9:21

Minaasi Efreemin, Efreemiyoo Minaasin maayemmone; Yihudi toommoochoo ikkittinoona tiyemminaꞌone; ebi bulli tunetaanoona Doono Yeeri kaaro besheyaanoone; andoo bi mochoon tiijjiꞌiniye bi beeto.

Erimiyaasi 21:5

Kaaroona, neboona, ooge naxoona, yaggeeti ta kishoona, kupphe ta mochoonoo ittoshin kochemmo taane.

Erimiyaasi 27:5

‘Showoon, showee toommooch beeti asheenaꞌonaa cooxinaꞌonon ooge ta hakkoona wottoo yaggeeti ta mochoona hallito taane; ta ciinaa gaawetoyich ebin immemmo taane.

Erimiyaasi 32:21

Worganikkiti malletoonaa gaakkechi shuunoona, kupphe ne kishoonaa yaggeeti ne mochoona, shattiiti ne yiiroonoo ne asheenaꞌo tuneti Israꞌeeleenaꞌon Gibitsee kichito neene;

Hiziqeeli 20:33

Nuggishoo Doono Yeeri ishichiye: Beeyecho ta tunoona wogehoye: Kupphe ta mochoonaa ta giidoonon bekkiyoona, ta neboonoo kindiyoona ittoshi toommooch taatemmo taane.

Mishiraachechinaꞌo 13:17

Hini Israꞌeeleenaꞌo goyinneebeeti Nuggishoo no qaabbechinaꞌon kaacciye. Boonoshiyoo Gibits dallaawittinoona boonoshi beetaa, boonoshi meettemmonaa giidemmonoyich tuniihe; wotta giidechi bi mochoona aroochee boonoshin kichiye.

Yibbaatoo 11:2

Ittoshi Nuggishoo Doono Yeeri biinna tookkii ittoshi tunoona ittoshich bi dojjiton eke and shalligibote. Ebi mooyon beeggiꞌi doyito ittoshi qelloona ittoshiyani, ittoshi bushiisheenaꞌo tooneenaꞌone. Gibitsaa worganikkiti malletoon tuniyoona Gibitsee taatoo Farooninaa bi showoo bullina oogeton xuuxemmoyich bi tuniihooba, Doono Yeeri bi oogoon, kupphe bi kishoonaa giidechi bi mochoonon bi bekkiitaa, beeggito ittoshine.

Yibbaatoo 15:15

Newoo ne qelloona guuno tunaꞌa Gibits ne beemon, ne Nuggishoo Doono Yeeri aroochee neen biisheꞌi bi kichoonoo batteyaahine. Hanaach ebi getoon neech ta gettaabeeto ebichiye.

Yibbaatoo 26:8

Doono Yeeri worganikkiti malletoonaa gaakkechi shuunoonon shuunoona kupphe bi kishoonaa giidechi bi mochoonon bekkii Gibitseenaꞌon keqqichiꞌi, are showoochee noon kichii deebiye;

Yibbaatoo 4:23

Ittoshi Nuggishoo Doono Yeeri ittoshina tookkii bi giyiti wogoon ittoshi batteyaachemmoyich, ittoshi goyinne maddaachemmoyich bi bajjiti, amee shaahoonona shuuneebeeti shahalloon ittoshi shuuneyaachemmoyich ittoshi qelloon ariibote!

Yibbaatoo 5:15

Gibits beechaa newoo guuno ne tunoon, ebi aroochee ne Nuggishoo Doono Yeeri ta, kupphe ta kishoonaa giidechi ta mochoonon bekkiyaꞌa neen kichaa ta deebon shalligibe. Ne Nuggishoo ta, shambetoon ne quyemmoyich ta gettaabeeto, ebichiye.

Yibbaatoo 6:12

guuno tunaꞌa beebee ne echeti Gibitsee neen kichii deebiti Doono Yeerin ne batteyaachemmoyich ne qelloon ariibe!

Yibbaatoo 7:19

Ne aafoona ne ciinnaa beetaa, ne Nuggishoo Doono Yeeri kupphe naxoon, worganikkiti malletoon, gaakkechi shuunoon, kupphe bi kishoonaa giidechi bi mochoonon bekkiiꞌi neen kichii bi deebon shalligibe. Ne Nuggishoo Doono Yeeri and ne shattaabeeti asheenaꞌo bulli toommoochoo ebiyoommon tuniyemmone.

Yibbaatoo 7:8

Tunebaani Doono Yeeri ittoshin bi shunnitoyich, wotta ittoshi qaabbechinaꞌoyich bi giyiti wogoon quyee bi beetoyich, Gibitsee showeexi guuchittinoochee, Gibitsee taatoo kishoocheenoo kupphe bi kishoona ittoshin biisheꞌi kichiye.

Yibbaatoo 9:29

Ebiyeenoo wotta, ebi asheenaꞌo ooge ne giidoonaa giidechi ne mochoonon bekkiyoona Gibitsee kichaa ne deebeti, ne hajjee asheenaꞌone’ iyoye.