Keyo 6:1 - Kafa Linguistics Project

¹ Aroochee Doono Yeeri Muusich ishichiye: “And Farooni toommooch ta tuniyemmon beeggemmo neene. Giidechi ta mochoochee tiyitona, ta asheenaꞌon gawukkemmone. Iberoon giidechi ta mochoochee tiyitona, ‘Ta showoochee keyi hambote’ geti yoohi kichemmone” iye.

Keyo 6:1 ပူးပေါင်းရင်းမြစ်များ

2 Taateenaꞌo 7:19

are iraashoo Yeer ashoyich, “Doono Yeeri shimaajji mallee kelloon bi qechitaanona, ebi mooyo tuno hakkaache” iꞌi wochitone. Yeer ashoo, “Ne hajjee aafoona ebin beeggemmo neene; tunebaani aroochee shaacaachemmo neene” itone.

2 Taateenaꞌo 7:2

Taatoochi baatoon deggiibeeti iraashoo Yeer ashoyich wochiꞌi, “Doono Yeeri shimaajji mallee kelloon bi qechitaanona, ebi mooyo tunoon hakkaache” iye. Tunebaani Elisayi, “Ne hajjee aafoona ebin beeggemmo neene; tunebaani aroochee shaacaachemmo neene” iye.

2 Kiinoo 20:17

Hini koyoon koyemmo ittoshi toonoone; ittoshi xaaꞌi xaaꞌoon yeshiree baach neexebote; manji neexebote. Doono Yeeri ta, wudoon ittoshich ta daniyoon beeggemmo ittoshine. Yihudee asheenaꞌonaa Yerusaalemi asheenaꞌonote, shati keqqiyaahote; yaach hamiree boonoshina koyebote. Doono Yeeri tawoo ittoshina tookki tunemmo taane’ itone” iye.

Shoddo 12:5

“Girechinaꞌochi xuuxoyich, iritechinaꞌochi cookoyich and tiyemmo taane; boonoshi qaatiti diggoon boonoshich immemmo taane” iye Doono Yeeri.

Shoddo 12:6

Doono Yeerichi gibenee qaaro xalloone; qaaqqee gudoochaa ukkeeꞌi, shabaatte wottoon xalleti, birewoommone.

Shoddo 136:12

Kupphe bi kishoonaa giidechi bi mochoona ebin tuniito, bulli yemeenoon shoodechone.

Shoddo 89:13

Giidechi mochecho neene. Ne kishoo kupphoone; ne qanne kishoo kaama tiyitone.

Keyo 11:1

Aroochee Doono Yeeri Muusich ishichiye: “Farooninaa Gibitsee showoonooch daakkiree ikke naxoon kindiyemmo taane; aroyee gubb Farooni ittoshin gawukkemmone. Bi gawukkiyooba, ittoshi bullin gashe kichemmone.

Keyo 12:31

Farooniyoo Muusinaa Harooninon xumoona ceekkiiꞌi, ishichiye: “Ittoshinaa ittoshi asho bullina ta asheenaꞌo daggoochee keyote. Hiniichee tiyi hambote. Ittoshi qaawitoommon, Doono Yeerich goyinne maddebote.

Keyo 12:33

Gibitseenaꞌo boonoshi showoochee Israꞌeeleenaꞌo kaate keyi hammemmoyich afaafinikkiibee, “Kaatee kechii ittoshi hamo qayigaata, no bulli qitaa ciiraaniye no beeto” iyeete.

Keyo 12:39

Gibitsee yechiꞌi boonoshi daammiti, shittoo giyaani boone koshon kachiiheete. Ebiyoo Gibitsee diqqoona yoohaa boonoshi kechitoyich, maayoon qanniyoyich tuneba shittoon geddii koshon kachiyoyich boonoshich bi tuuritoyichiye.

Keyo 13:14

“Gubbi yemeenooch ne bushoo ‘Ebi ama getone?’ iꞌi bi echegaata, ishichibe: ‘Gibitsee showee guuchittinoochee Doono Yeeri giidechi bi mochoona noon kichiye.

Keyo 13:16

Doono Yeeri giidechi bi mochoona Gibitsee noon bi kichitoyich, ebi doyoo ne kishooch woyee ne barooch geddeti malletoommon tunebe” iye.

Keyo 13:3

Aroochee Muusi asheenaꞌoyich ishichiye: “Gibitsee showee guuchittinoochee ittoshi kechiti hini aaboon shalligibote. Ebiyoo, Doono Yeeri giidechi bi mochoona ebi showoochee ittoshin bi kichitoyichiye. Shittoo giyiti amee koshonolla maayaahote.

Keyo 13:9

Doono Yeeri giidechi bi mochoona Gibitsee neen bi kichitoyich, Doono Yeerichi sheeroo ne noonooch bi tunemmoyich, ne kishooch beeti malletoommon, ne barooch beeti shalligichoommonoo tunebe.

Keyo 14:13

Muusiyoo asheenaꞌoyich ishichiꞌi wochiye: “Shattaahote; kuppheree neexebote. Doono Yeeri aabichiree ittoshin bi wodiyemmo gaata beeggemmo ittoshine. Hanaach ittoshi beeggiibeeti Gibitseenaꞌon guttinnoon beegaachemmo ittoshine.

Keyo 15:6

“Doono Yeero, ne qanne mochoo giidechi oogee yiirechone. Doono Yeero, ne qanne kishoo ettoon yiikketone.

Keyo 7:4

ittoshi getaa waayeyaachemmone. Ebiyee gubb, Gibitseenaꞌo toommooch giidechi ta mochoon bekkii, oogeti naxoona boonoshin naxeree, ta asheenaꞌo tuneti Israꞌeeleenaꞌon boonoshi yoodi yoodee yaaroona tuniiree, Gibitsee kichemmo taane.

Keyo 7:5

Giidechi ta mochoon Gibitseenaꞌo toommooch bekkiyaꞌa, Israꞌeeleenaꞌon boonoshi showoochee ta kichiyooba, Doono Yeeri ta tunoon Gibitseenaꞌo ariyemminaꞌone” iye.

Isiyaasi 63:12

Ooge bi mochoon Muusichi qanne kishee toommooch tuniito, bi shigo bulli yemeenoon bi arichemmoyich baharoon boonoshi aafooch qoodito,

Haddoo 11:23

Doono Yeeri Muusich, “Iberoochaa Doono Yeeri ta kishoo qaminone? Ta qaaroo bi ceenonaa ceeni qayonon and beeggemmo neene” iye.

Haddoo 23:23

Yaaqobi toommooch iicoo shuuneyaache; Israꞌeeli toommoochoo qaaxo shuuneyaache. Illa and, ‘Yaaqobich, Israꞌeelichoo Yeeri tuniiton beegote’ getteyemmone.

Mishiraachechinaꞌo 13:17

Hini Israꞌeeleenaꞌo goyinneebeeti Nuggishoo no qaabbechinaꞌon kaacciye. Boonoshiyoo Gibits dallaawittinoona boonoshi beetaa, boonoshi meettemmonaa giidemmonoyich tuniihe; wotta giidechi bi mochoona aroochee boonoshin kichiye.

Yibbaatoo 32:39

“ ‘Illa ta ikkeeto baach Nuggishoo ta tunoon, tayee bare nuggishoo aallo bi tunoon beegote. Wuxiyoye; mayiihoye; wodiinoo iyoye; ta kishoochee dichoon hakkemmo koniyoona aalloone.