Keyo 5:6 - Kafa Linguistics Project

⁶ Ebi arooba Farooni, guuninaꞌo toommooch ukkireti Gibitsee ukkireenaꞌonaa shuunoon ciinnii shuuniyoyich kaacheti Israꞌeelee ukkireenaꞌonoyich ishichiye:

Keyo 5:6 ပူးပေါင်းရင်းမြစ်များ

2 Kiinoo 26:11

Uziyaahich koyoyich qanniti ginee naayinaꞌo beetinaꞌone. Taatoo iraashiiti iraashoo Hanaaniyichi getoona, ukkiroo Maseyaahinaa koorechi Yeꞌeelichi kishoona boonoshi haddeetoommon koyooch boonoshi haddi haddoona kechii beeheete.

Keyo 1:11

Ebich boonoshin xuuxiibee magge shuunoon shuuniyemmi ukkireenaꞌon boonoshi toommooch ukkiriiheete. Israꞌeeleenaꞌo, taatoyich maayoonaa baribare mooyona kiceyemmi, Fitoominaa Ramisesina getteebeeti katemeenaꞌon shuuneheete.

Keyo 3:7

Aroochee Doono Yeeri ishichiye: “Gibits beeti ta asheenaꞌochi xuuxoon beeggeto taane; boonoshin shuuniibeeti ukkireenaꞌo maacee manjoochee tiyitona, boonoshi cookiibeeti cookoon waayeto taane. Boonoshi xuuxoonoo digeneto taane.

Keyo 5:10

Aroochee guuninaꞌo toommooch ukkireti Gibitsee ukkireenaꞌonaa shuunoon ciinnii shuuniyoyich kaacheti Israꞌeelee ukkireenaꞌona hammiꞌi asheenaꞌoyich ishichiyeete: “Farooni ishichitone: ‘Ebiyee bekk amee maayi tullolla ittoshich icheyaachemmone.

Keyo 5:19

Shuunoon ciinnii shuuniyoyich kaacheti Israꞌeelee ukkireenaꞌo, “Ebiyee aaf ikke heeyooch ittoshi giddiibeeti xuuboyee and amolla shappaaye” getaa waayeꞌi, iritee toommooch boonoshi dihoon ariiheete.

Keyo 5:7

“Xuubo shuuneyemmi maayi tulloon ebiyee bekk asheenaꞌoyich immaahote. Boonoshi hamiree, maayi tulloo beeti xaaꞌoochee boonoshi qelloona qaawi deebeete.

Shaahiyoo 12:10

Cadiqo bi gijjee kashoyich ariqqehe; tunebaani gonde ashi ariqqo, mullee manjoone.

Haddoo 11:16

Doono Yeeri Muusich ishichiye: “Israꞌeelee geeneenaꞌo daggoochee asheenaꞌon qociyechinaꞌonaa ukkireenaꞌona boonoshi tunemmoyich, ne ariibeeti shabe Israꞌeelee geeneenaꞌon taach kicibe. Boonoshinoo danee duukkaanooch ne deebaa, neenna tookki neexebeete.

Yibbaatoo 1:15

“Ebina tawoo yiiteenaꞌonaa arichetinaꞌona tuneti, ittoshi yoodi yoodee iraasheenaꞌon daammaa, humee iraasheenaꞌon, ballee iraasheenaꞌon, aachee iraasheenaꞌonaa aashire iraasheenaꞌonon tunii ukkiriihoye; wotta bare iraasheenaꞌon ittoshi yoodi yoodo bulliich ukkiriihoye.

Yibbaatoo 16:18

Muusi Israꞌeeleenaꞌoyich ishichiye: “Ne Nuggishoo Doono Yeeri neech bi immimmi katemoo bulliich, ne yoodi yoodoyich, woraaferasheenaꞌonaa bare iraasheenaꞌonon ukkiriibe. Boonoshiyoo asheenaꞌochi toommooch kaachi nallibeete.

Yaasi 24:1

Aroochee Yaasi Israꞌeelee yoodeenaꞌo bullin ikkooch Shekeem kiciye. Israꞌeelee geeneenaꞌon, ukkireenaꞌon, nallechinaꞌonaa iraasheenaꞌonon ceeggiye. Boonoshiyoo Yeeri aafooch giddeheete.

Yaasi 24:4

Yisaaqichoo, Yaaqobinaa Esayinon immehoye. Esayichoo Seyiree geppe showoon bi hajjoon tuniyaꞌa immehoye; tunebaani Yaaqobinaa bi bushiisheenaꞌona Gibits kindiyeete.

Yaasi 8:33

Ebi tunee beetaa, Israꞌeeleenaꞌo bulli, geeneenaꞌo, iraasheenaꞌo, nallechinaꞌoo, wotta shiqqeenaꞌo, Doono Yeerichi wogee taabootoon shaaggiti, Lewi yoodee qeesheenaꞌo waan boonoshi aafoon wochiꞌi taabootee qanninaa yoochinooch neexee beeheete. Eboshi daggoochee qatinaꞌo Gerizimi guudi ciinooch, qatinaꞌoo Ebaali guudi ciinooch neexetinaꞌone. Ebin boonoshi tuniito, Doono Yeeri guuno Muusi Israꞌeeleenaꞌo diireyemmoyich, shiichii bi gettitoommoniye.