Keyo 5:3 - Kafa Linguistics Project

³ Muusinaa Harooninoo wochiꞌi, “Hibireenaꞌo Nuggishoo noonna danetone. Keejje qemi gommon hamiree, barahoochaa no Nuggishoo Doono Yeerich deejjoon no deejjemmoyich daaggibe iyaꞌa qollaabeeto noone. Ebin no tuniyoo qayigaata, naxoona noon yexxemmone; woyee goraadoona no qitemmoyich tuniyemmone” iyeete.

Keyo 5:3 ပူးပေါင်းရင်းမြစ်များ

2 Taateenaꞌo 17:25

Batti batt arooch boonoshi kotehooba, Doono Yeerin shataaneenaꞌone. Doono Yeeriyoo daahereenaꞌon boonoshi daggooch deejjiye. Daahereenaꞌoo boonoshi daggoochee ikkikke asheenaꞌon wuxiyeete.

2 Kiinoo 30:8

Ittoshi qaabbechinaꞌo tunetoommon, babberoo tuneyaahote. Ittoshi qelloon Doono Yeerich hajjiibote; bulli yemeenoon bi yaafiti yaafee kexooch wobote; kupphe bi kaaro ittoshi waanee bi wottemmoyich, ittoshi Nuggishoo Doono Yeerich goyinnebote.

Iziri 7:23

Ta toommooch, tayee gubb taatemmi ta bushiishoo toommoochoo, shimaajji Nuggishoochi kaaree shiixxoo kindaachemmoyich, shimaajji Nuggishoo bi kechichon, bi gettito bulli shappaanoon ceene.

Keyo 3:18

“Boonoshiyoo ne gettemmon waayemminaꞌone. Neennaa Israꞌeelee ukkireenaꞌona Gibitsee taatoo waan hamiree, ‘Hibireenaꞌo Nuggishoo Doono Yeeri noonna danetone. Ebich keejje qemi gommon hamiree, barahoochaa no Nuggishoo Doono Yeerich deejjoon no deejjemmoyich daaggibe’ getote.

Keyo 7:16

Aroochee biich ishichibe: Hibireenaꞌo Nuggishoo Doono Yeeri ishichiꞌi ne waan taan wochetone: ‘Barahoochaa taach goyinne maddeya boonoshi hammemmoyich, ta asheenaꞌon gawukkibe, ta getaa and beddaahaa taach deꞌa getaano neene.

Keyo 8:1

Aroochee Doono Yeeri Muusich ishichiye: “Faroon waan hamiree biich ishichibe: ‘Doono Yeeri ishichiye: “Taach boonoshi goyinne maddemmoyich, ta asheenaꞌon gawukkibe.

Keyo 8:20

Aroochee Doono Yeeri Muusich ishichiye: “Yaach maaddoona Faroon waan hamiree, aacooch bi hami beetaa, biinna danebe. Biichoo ishichi gete: ‘Doono Yeeri ishichiye: “Taach boonoshi goyinne maddemmoyich, ta asheenaꞌon gawukkibe.

Keyo 8:27

Bi nooch gettii beetoommon, no Nuggishoo Doono Yeerich deejjoon deejjoyich, keejje qemi gommon barahooch hamo nooch qaawiihe” iye.

Hiziqeeli 6:11

Nuggishoo Doono Yeeri ishichiye: “Israꞌeelee macceenaꞌo boonoshi tuniiti ciigiiti gonde mooyo bulliichee tiyitona, ginoona, shaacoona, biiyoonoo dihemminaꞌo boonoshi tunetoyich, ne kishoon koppebee, ne baatoonoo showoon qafibee woowo, geti cookibe.

Leweenaꞌo 26:25

Ta wogoon ittoshi happitoyich, ginoon ittoshi toommooch deejjiree nichoon kichemmo taane. Ittoshi qelloon wodiyoyich ittoshi katemeenaꞌooch ittoshi kiceetaanona, kupphe biiyoon ittoshi daggooch giijjemmo taane; ittoshi etteenaꞌo kishooch beshiitaa ichemmo ittoshine.

Yibbaatoo 28:21

Doono Yeeri giyi woraashiya ne hammaabeeti showoochee ciroona neen bi aalliimmi wottoon, kupphe biiyoona neen yexxemmone.