Keyo 40:9 - Kafa Linguistics Project

⁹ “Aree hillooch huutee zayitoon daamiree, yaafee duukkaanoonaa bi daggooch beeti qiico bullinon huuti yaafibe. Yaafeetonoo tunemmone.

Keyo 40:9 ပူးပေါင်းရင်းမြစ်များ

Shoddo 45:7

Cadiqoon shunnehine; gonde mooyon shixxehine; ebich ne Nuggishoo Yeeri ne nuucheenaꞌoyee ne beshemmoyich, neen oogiiꞌi emiree zayitoona huuttiye.

Keyo 37:29

Wotta Betsaleeli yaafeeti huutee zayitoonaa ariyechi asho shittoon bi shuunee beetoommi gommona shuuneeti cinnechi xalle ixaanoonon shuunehe.

Keyo 39:39

gooshoochee shuuneeti deejjee gudo, tulloo kechemmoyich tunemmi, gooshoochee shuuneeti, dabboommi mooyo, bi yareenaꞌonaa bi qiico bullina; machee aaco koteebeeti gafetoonaa bi kotoona;

Keyo 40:8

Ebi yaafee duukkaanee addibaabee guudoochoo maccillaateenaꞌona uxeroon uxerebe. Maccillaateenaꞌonoo addibaabee kellooch gede.

Isiyaasi 11:2

Doono Yeerichi Ayaano, shalligoonaa gabii deꞌonochi Ayaano, ciicoonaa hakkoonochi Ayaano, ariyoonaa Doono Yeerin shatonochi Ayaano, bi toommooch kotemmone.

Isiyaasi 61:1

Nuggishoo Doono Yeerichi Ayaano ta toommoochiye; neexaa hajjeetinaꞌoyich mishiraachoon ta gettemmoyich, Doono Yeeri taan huuttitone; boonoshi mullo tiishetinaꞌon ta guuccemmoyich, keccetinaꞌoyich gawukkeyoon, cuchetinaꞌoyich biicheyoon ta awaajjemmoyich taan deejjitone.

Hiziqeeli 28:14

Quyechi kiruubo tunaꞌa huutteeto neene; Doono Yeeri ta yaafe guudooch neen kotiihoye; qaaqqee aaxxoommon aaxxeebeeti aaxxe xaqqeenaꞌochi daggoona shaꞌehine.

Leweenaꞌo 8:10

Muusiyoo huutee zayitoon deebiꞌi danee duukkaanoonaa bi daggooch beeti qiico bullinon huuttii yaafiye.

Haddoo 7:1

Muusi yaafee duukkaanoon xogii bi qanniihooba, yaafee duukkaanoonaa bi qiico bullinon, deejjee gudoonaa bi qiico bullinonoo huuttii yaafiye.

Maatiyoosi 3:16

Yesuusi aacona bi afaalleetoyee gubb, bekkech aacoochee kechiye; areegaata shimaayoo [biichoo] qecheehe; aroochee Yeerichi Ayaano bi ashittinee halloo uggechoommon tuneꞌi, bi toommooch kindii kotoon beeggiye.

Yowannisi 3:34

Yeeri bi Ayaanoon bi immiibeeto qeelleꞌi tuno bi qajjitoyich, Yeeri wocheto, Yeerichi wochoon gettii beetone.

2 Qorontoosi 1:22

Wotta biicho no tunee xiishee malletoon no toommooch geddito, gubb nooch bi immemmi wojjoonoo bekkiibeeti Yaafe Ayaanoon yechiyoo tuniiꞌi no mullooch kotiitoo, biine.

2 Qorontoosi 1:4

Biyoo amee iritolla no toommooch shaggimmi aabo bullin noon goggii beetone. Ebich amee iritolla boonoshi toommooch shagaa, asheenaꞌo iriteebeeti aabo bullin, no wotta Yeeri noon goggiitoommi gommona boonoshin goggiyoon hakkiyone.

Hibireena'o 9:21

Ebiyoommon danee duukkaanoonaa maddee qiiceenaꞌo bullinochi toommooch damoon wuciye.

1 Yowannisi 2:20

Tunetaa ittoshi Yaafoo waanee huutoon deqqito ittoshine; ebich ittoshi bulli iberoon ariibeeto ittoshine.