Keyo 4:21 - Kafa Linguistics Project

²¹ Doono Yeeriyoo Muusich ishichiye: “Gibits wottaa ne hamiyooba, neech ta immeti hakkoona ne shuunemmi, gaakkechi mooyo bullin Farooni aafoochaa ceechemmo ne tunoon batteyaahine. Tunebaani asheenaꞌon bi gawukkaachemmoyich, bi mulloon muumiyemmo taane.

Keyo 4:21 ပူးပေါင်းရင်းမြစ်များ

Halloo 6:3

Arooba Doono Yeeri “Asho qitemmo bi tunetoyich, ta Ayaano ashoona tookki bulli yemeenoon beetaachemmone. Asho ebiyee bekk bi beeyemmo balli hiye natoniye” iye.

1 Taateenaꞌo 22:22

“Doono Yeeriyoo biich, ‘Aabichireeshiye ne muriciyemmo?’ iye. “Biyoo, ‘Hamiree, bi keemechinaꞌo bulli kootoon keemmemmoyich tuniyemmo taane’ iye. “Doono Yeeriyoo, ‘Muriciyemmo neene; neechoo kaamemmone; hamiree, ebin tuniibe’ iye.

Shoddo 105:25

Bi asheenaꞌon Gibitseenaꞌo shixxemmoyich, bi guuninaꞌon boonoshi maremmoyich tuniihe.

Shoddo 78:43

Ebiyoo Gibitsaa bi tuniiti malletoon, Tsoꞌaani gaddoochaa bi bekkiiti gaakkechi mooyoniye.

Keyo 10:1

Aroochee Doono Yeeri Muusich ishichiye: “Wotteree Faroon waan hambe. Ebi worganikkiti malleteenaꞌon boonoshi daggooch tuniyoyich, Farooninaa bi iraasheenaꞌonochi mulloon muumiito taane.

Keyo 10:20

Doono Yeeriyoo Farooni mulloon muumiihe; Farooniyoo Israꞌeeleenaꞌo hammemmoyich gawukkaanoone.

Keyo 10:27

Tunebaani Doono Yeeri Farooni mulloon muumiitone. Ebich Farooni Israꞌeeleenaꞌo hammemmoyich daaggaanoone.

Keyo 11:10

Muusinaa Harooninoo ebi gaakkechi shuunoo bullin Faroon aafoochaa tuniitinaꞌone. Tunebaani Doono Yeeri Farooni mulloon muumiitone. Ebich Israꞌeeleenaꞌo bi showoochee keyiree hammemmoyich boonoshin gawukkaanoone.

Keyo 11:9

Doono Yeeriyoo Muusich ishichiye: “Farooni ittoshi getaa waayeyaachemmone. Ebiyoo, gaakkechi ta shuunoon Gibits woddoona ta bekkiyemmoyichiye” iye.

Keyo 14:17

Gibitseenaꞌo mulloon ta muumiitaa, Israꞌeeleenaꞌon dabbiree giyemminaꞌone. Farooninaa bi ginee naayo bullinochi toommooch, bi gaarinaꞌonaa hareshechinaꞌonochi toommoochoo ta oogo bekkemmone.

Keyo 14:4

Tawoo Farooni mulloon ta muumiitaa, ittoshin yoohi dabbemmone. Tunebaani Farooninaa bi ginee naayo bullinochi toommooch ta oogo bekkemmone. Gibitseenaꞌo Doono Yeeri ta tunoon ariyemminaꞌone” iye. Israꞌeeleenaꞌo boonoshich getteetoommon tuniiheete.

Keyo 14:8

Doono Yeeriyoo Gibitsee taatoo Farooni mulloon bi muumiitoyich, Gibitsee aafee kupphoona kechii hammiibeeti Israꞌeeleenaꞌon yookkii dabbiye.

Keyo 3:19

Tunebaani Gibitsee taatoo giidechi ta mochoon ta bekkiyaanoon, ittoshin gawukkaachemmo bi tunoon ariyaabeeto taane.

Keyo 3:20

Ebich shattiiti gaakkechi shuunoo bullin boonoshi daggooch tuniyoona, ta mochoon tiijji Gibitseenaꞌon yexxemmo taane. Aroyee gubb keyi ittoshi hammemmoyich ittoshin gawukkemmone.

Keyo 7:13

Ebi bulli tunetaanoona, andoo Farooni mullo muumoone. Doono Yeeri gettitoommon, Muusinaa Haroonina gettiton waayeyaanoone.

Keyo 7:3

Tunebaani Farooni mulloon muumiyemmo taane. Worganikkiti malleteenaꞌonaa gaakkechi shuuneenaꞌonon Gibitsee showooch woddiyaꞌa ta tuniitaanona,

Keyo 8:11

Woqqeqqeenaꞌo ne waanee, ne kexinaꞌoochee, ne iraasheenaꞌonaa ne asheenaꞌona waanee wokkemminaꞌone; Abbaay baach tunemminaꞌone” iye.

Keyo 8:15

Tunebaani Farooni iritoo ketteto tunoon beeggiichii, Doono Yeeri gettitoommon, bi mulloon muumiihalli, Muusinaa Haroonina gettiton waayeyaanoone.

Keyo 8:32

Ebiyoobolla Farooni bi mulloon muumiihalli, asheenaꞌon gawukkaanoone.

Keyo 9:12

Tunebaani Doono Yeeri Farooni mulloon bi muumiitoyich, Doono Yeeri Muusich bi gettitoommon, Muusinaa Haroonina gettiton waayeyaanoone.

Keyo 9:35

Ebina Farooni mullo muumehe. Doono Yeeri Muusina bi gettitoommon, Israꞌeeleenaꞌon gawukkaanoone.

Isiyaasi 6:10

Boonoshi aafoona boonoshi ciinaachemmoyich, boonoshi waamona boonoshi waayeyaachemmoyich, boonoshi mulloona boonoshi shalligaachemmoyich, ta waan wotteree boonoshi wodaachemmoyich, ebi asheenaꞌo mulloon muumiibe; boonoshi waamon ulliibe; boonoshi aafoon kaafe” iye.

Isiyaasi 63:17

Doono Yeero, ne gommoochee no kechemmoyich amoyich tuniinne? Neen no shataachemmoyich no mulloon amoyich muumiinne? Ne guuninaꞌoyicha getiree, ne hajjoo tuneti yoodeenaꞌoyicha getiree, no waan wottebe.

Roomi 1:28

Yeerin ariyoon gaacaallo shaahiiꞌi boonoshi gabitoyich, tuneyaani mooyon boonoshi hallemmoyich, Yeeri boonoshin qajjiye; ebich xumme gaboon baach gabiyeete.

Roomi 9:18

Illa Yeeri ikke uroon maariya bi qaawigaata, maariye; ikke uroonoo mulli manjoo tuniiya bi qaawigaata, mulli manjoo tuniihe.

2 Qorontoosi 2:16

Aallooch hammii beetinaꞌoyich wuxiibeeti qitee cinno, wotta wodii beetinaꞌoyich wodiibeeti kashee cinno noone. Illa ebi shuunoyich beddito konine?

Yibbaatoo 2:36

Arinooni bambee daarooch beeti Aroꞌeeri katemoonaa bambee daggooch beeti katemoonoochee tiijjiꞌi Gilaadee showooch beddaahaa beeti xaqqee uxerechi katemeenaꞌoochee noon mawito ciroona aalloone. No Nuggishoo Doono Yeeri bullin no kishooch beshiiꞌi immiye.

Yaasi 11:20

Doono Yeeri Muusich bi gettitoommon, Israꞌeeleenaꞌona koyeree, ikke ariqqaalloon ciroona wuxaa boonoshi aallemmoyich, ebi katemeenaꞌooch beeti asheenaꞌo mulloon muumiito, Doono Yeerine.

1 Pheexiroosi 2:8

wotta, “Asheenaꞌon tephemmi xaqqoon, yexi dichemmi xaqqoon tunehe” getaa bi kooreetoommone. Yeerichi qaaroyich deꞌa geto boonoshi qajjitoyich, tepheeꞌi dihii beetinaꞌone; ebiyoo shiichiꞌi Yeeri boonoshich gabitoommoniye.