Keyo 4:12 - Kafa Linguistics Project

¹² Illa and tiyiree hambe. Tawoo ne noonooch tunemmo taane; ne gettemmon ta neech arichiyemmo taane” iye.

Keyo 4:12 ပူးပေါင်းရင်းမြစ်များ

Shoddo 105:26

Bi guuno Muusinaa bi kaacciti Harooninon deejjiye.

Shoddo 143:10

Ta Nuggishoo ne tunetoyich, ne daaggoon ta tuniyemmoyich taan dojjibe; gaawe ne Ayaano tate boochoona taan yaabibe.

Shoddo 32:9

Lugaamoonaa shachoonon gedo qayigaata ittoshi waan katinaani, shalligaalli hareshoommonaa biceroommonon tuneyaahote” iye.

Keyo 3:12

Yeeriyoo “Ta neenna tookki tunemmo taane. Neen wochaa daachiito ta tunee malletoo, ebine: Asheenaꞌon Gibitsee ne kichitoyee gubb, hini guudi toommoochaa taach goyinne maddemmo ittoshine” iye.

Keyo 4:13

Tunebaani Muusi “Ta Doonocho, bare ashoon wochebe” iye.

Keyo 4:15

Newoo biich gettemmo neene; bi gettemmi mooyon biich gettemmo neene. Ne noonoonaa bi noonoonooch tunemmo taane; amoon ittoshi tuniyemmo gaata ta ittoshich arichiyemmo taane.

Keyo 4:16

Newoo nuggishoommon tuneree biich gettemmo neene; biyoo ne noonoon tuneree asheenaꞌoyich gettemmone.

Isiyaasi 49:2

Ta heciyoon aci goraadoommon tuniihe; bi kishee yiirooch taan aachiye; acheeti shangoommon taan tuniihe; bi gonenoochoo taan aachiye.

Isiyaasi 50:4

Taahitinaꞌon, qaaroona kupphiyoon ta ariyemmoyich, Nuggishoo Doono Yeeri ariyechi heciyoon taach immitone. Maaddoona taan tokketoochee tiijjiye; doyechochoommon ta ellemmoyich ta waamon qechiye.

Erimiyaasi 1:9

Doono Yeeri bi kishoon yaggiꞌi ta noonoon shafehe; aroochee Doono Yeeri taach ishichiye: “Ebiyoche ta qaaroon ne noonooch kotiito taane.

Haddoo 16:28

Aroochee Muusi ishichiye: “Ebi shuunoo bullin ta shuunemmoyich taan wocheto, Doono Yeeri tunoon, ta qelloona tunee bi qayon ebina ariyemmo ittoshine.

Maariqoosi 13:11

Wotta asheenaꞌo ittoshin beshii imiyooba, ‘Ama gettehone?’ getiree shiichi iriteyaahote. Tunebaani areegaata Yeeri ittoshich immimmi mooyon getote. Gettemmo Yaafe Ayaanoani ittoshi toonoone.

Luqaasi 11:1

Ikke areddoon Yesuusi ikke xaaꞌooch corootii beehe. Corootoon bi ciichitoyee gubb, bi dabbeenaꞌoochee ikkoo tiyiꞌi, “Doonocho, Yowannisi bi dabbeenaꞌon bi dojjitoommon ama getiree no corootemmo gaata noon dojjibe” iye.

Yowannisi 14:26

Tunebaani Nihoo Yeeri ta shigoona bi deejjemmi Yaafe Ayaano tuneti Kupphiyecho, aroo bulli mooyon ittoshich dojjemmone; ittoshich ta getteto bullin ittoshich shalligichemmone.

Efesooni 6:19

Wotta mishiraachee qaaree maacee mooyon aafee kupphoona getoyich ta noonoon ta qechaa qaaroon taach Yeeri immemmoyich qollebote.

Yibbaatoo 18:18

Boonoshi maneenaꞌo daggoochee neenoommi keemechon tiijjemmo taane; bi gettemmi mooyonoo biich gettemmo taane. Biyoo biich ta getteto bullin asheenaꞌoyich gettemmone.