Keyo 4:11 - Kafa Linguistics Project

¹¹ Arooba Doono Yeeri Muusich ishichiye: “Ashich heciyoon immito konine? Ashoon miimo woyee ulloo tuniibeeto konine? Aafecho woyee aaf doogoon tuniibeeto konine? Ebin tuniibeeto, Doono Yeeri ta toone?

Keyo 4:11 ပူးပေါင်းရင်းမြစ်များ

Halloo 11:7

Wobote; kindibone. Boonoshinaa boonoshina ikkoo gettiibeeto baroyich bi giyaachemmoyich, boonoshi noonoon aroochaa baccibone” iye.

Halloo 18:14

Iberoon Doono Yeerin mawemmi mooyo beete? Waabeeti natooch ebi goora ne waan wotteree woyemmo taane; Saari anaami bushoon shiyemmine” iye.

Shoddo 146:8

Doono Yeeri aaf doogoochi aafoon qechiye; Doono Yeeri goobetinaꞌon kaachiye; Doono Yeeri cadiqeenaꞌon shunniye.

Shoddo 51:15

Ta Doonocho, ta noonoon gaxxibe; ta noonoo ne galletoon awaajjemmone.

Shoddo 94:9

Waamon hallito waayeyaachehe? Aafoon hallito ciinaachehe?

Shaahiyoo 20:12

Waayeebeeti waamonaa ciinniibeeti aafoonon boonoshi guttinona hallito, Doono Yeerine.

Isiyaasi 42:7

Ebina aaf doogeenaꞌochi aafoon gaxxemmo neene; qoppeenaꞌon cuyee kexoochee, manderooch kotetinaꞌon aroochee, kichemmo neene.

Isiyaasi 6:7

Ta noonoon ebi qaaqqoona tuppheꞌi, “Ebiyoche, ebi ne noonoon bi tupphetoyich, ne xuꞌo ne waanee wokkitone; ne axaaxoo maareetone” iye.

Erimiyaasi 1:6

Tawoo “Ta Nuggishoo Doono Yeero, batt bushoo ta tunetoyich aabichi ta yibbaatemmo gaata ariyaano taane” iyo.

Erimiyaasi 1:9

Doono Yeeri bi kishoon yaggiꞌi ta noonoon shafehe; aroochee Doono Yeeri taach ishichiye: “Ebiyoche ta qaaroon ne noonooch kotiito taane.

Hiziqeeli 33:22

Ebi muricciti asho ta waan shagoyee shiichiꞌi, xumoona Doono Yeerichi giidoo ta toommooch waahe; ebi uro maaddii ta waan bi womoyee aaf, Doono Yeeri ta noonoon qechiye; aroyee hach dudeyaano taane.

Amootsi 3:6

Katemee daggooch tiroo (waaringo) hukketaa waayeechi, asheenaꞌo keqqaacheheete? Doono Yeeri daaggaanoon, gonde mooyo katemee daggooch tunehe?

Maatiyoosi 11:5

Aaf doogeenaꞌo ciinnii beetinaꞌone; baata yesheenaꞌo shaꞌee beetinaꞌone; qeddee shaddee biiyoona biiyetinaꞌo wodii beetinaꞌone; ulleenaꞌo waayee beetinaꞌone; qititinaꞌo tiyii beetinaꞌone; girechinaꞌoyichoo Yeerichi mishiraachee qaaro gettee beetone.

Luqaasi 1:20

Tunebaani ne, ebi aabo ceenaa Yeeri ceechemmi, ta getteti qaaroon iberiyaache ne itoyich, hini mooyo ceennimmi aabee wottoon yibbaateyaani miimeto tunemmo neene; yibbaatoonoo hakkaachemmo neene” iye.

Luqaasi 1:64

Areegaata bekkech bi noonoo qecheehe; tippeti bi heciyoo biichehe; Yeerinoo galleteebee yibbaatehe.

Yowannisi 10:21

Bareenaꞌo “Bi yibbaatoo yinnechi ashi yibbaatoommo toonoone. Yinno aaf doogeenaꞌo aafoon ciichiyoon hakkehe?” iyeete.