Keyo 39:32 - Kafa Linguistics Project

³² Ebiyoommi gommona yaafee duukkaanee shuunoo, ebiyoo Doono Yeerina danee duukkaanee shuunoo bulli, shuunetaa ciyiye. Israꞌeeleenaꞌo Doono Yeeri Muusich gettitoommon tuniiꞌi, bulli mooyon shuuneheete.

Keyo 39:32 ပူးပေါင်းရင်းမြစ်များ

1 Taateenaꞌo 6:38

Solomooni taateti aaraa ikkinnee natooba, Buuli getteebeeti shimittinnee agenooba, bi gabeetoommon bi kuxi kuxona qanniye. Solomooni yaafee kexon shuunee bi qanniito, shabaatte natonane.

1 Taateenaꞌo 7:40

Huraami gubeenaꞌon, maankeenaꞌonaa quppe saaneenaꞌonon shuunehe. Biyoo ebiyoommon taatoo Solomoonich shuuneya bi wonniti, Doono Yeerichi yaafee kechi shuunoo bullin shuunee ciichiye. Bi shuuneti mooyinaꞌo eboshine:

1 Kiinoo 28:19

Daawitiyoo, “Shuunoo aabichaa bi shuuneyemmo gaata ta ariyemmoyich, ebi bulli Doono Yeerichi kishoona kooreeꞌi taach icheehe” iye.

Keyo 12:28

Boonoshiyoo tiyii hammiꞌi, Doono Yeeri Muusinaa Harooninoyich bi gettitoommon tuniiheete.

Keyo 25:40

Hini guudi toommoochaa neech ta bekkiitoommi gommona shuunoyich neen ariibe!

Keyo 31:7

Ebiyoo danee duukkaanoon, miixee taabootoonaa bi toommeexi, axaaxoon maariyee guufoonon, duukkaanee qiiceenaꞌo bullin,

Keyo 39:31

Aroochee damba qachaa qelli caacoona tookkii, shimaayite yokkoona cuchiyeete. Ebi bullin Doono Yeeri Muusich gettitoommon tuniiꞌi shuuneheete.

Keyo 39:33

Aroochee ebi yaafee duukkaanoonaa bi qiiceenaꞌo bullinon Muus waan deebiyeete. Boonoshi deebiti duukkaanee qiiceenaꞌo, qamaaxireenaꞌo, tureenaꞌo, yareenaꞌo, giimbeenaꞌonaa boonoshi baateenaꞌona;

Keyo 40:1

Aroochee Doono Yeeri Muusich ishichiye:

Keyo 40:3

Miixee taabootoon bi daggooch kotiichi, maccillaatoona qeribe.

Keyo 40:32

Danee duukkaanooch boonoshi gimoyee shiichiꞌi, wotta deejjee gudooch boonoshi giddoyee shiichiꞌi, machee beeheete. Ebi bullin Doono Yeeri Muusich gettitoommon tuniiꞌi, shuuneheete.

Haddoo 3:31

Taabootoon, madelloon, maqirajjoon, deejjee gudeenaꞌon, Yaafe Xaaꞌoochaa maddoyich gaacciibeeti qiiceenaꞌon, Yaafe Xaaꞌeexi Yaafee gimooch beeti maccillaateenaꞌonaa eboshina tookkii maddoyich gaacciibeeti qiico bullinon quyemminaꞌone.

Yibbaatoo 12:32

“Ebi neech ta getteti mooyo bullin tuniibe. Ebi arooch amoonolla daakkiyaahine. Wotta ebi aroochee amoonolla shappiiyaahine.

Hibireena'o 3:2

Muusi wotta Yeerichi asheenaꞌon yaabiibee bi tuniiti mooyo bullina gibeneeto bi tunetoommon, ebiyoommon Yesuusiyoo ebi shuunoyich biin iraashiiti Yeerich gibeneetone.

Hibireena'o 8:5

Boonoshi maddeto shimaayooch beeti yaafee kechi shaahiyoonaa yiirittoona tunetoochaaniye; ebiyoo Muusi duukkaanoon shuuneya bi tiyihooba Yeeri biich, “Siini guudoochaa neech ta bekkiiti shaahoommon bullin ceechi ne tuniyemmoyich neen ariibe” bi itoyichiye.

1 Saameeli 15:22

Saameeliyoo ishichiye: “Doono Yeeri bi qaaroyich deꞌa getona bi emiroommon, deejjoonaa buuroonon giddiyoona emirehe? Iberoon biich deꞌa geto deejjoon deejjoyee, bi getoon waayoo bagee baaddoochi awuyon deejjoyee beshoone.