Keyo 39:27 - Kafa Linguistics Project

²⁷ Harooninaa bi anaami bushiisheenaꞌonoyich kittoon muttee tuppoochee ciciitaa yokkeeti woshiqoona shippeti qoreddoochee shuuneheete.

Keyo 39:27 ပူးပေါင်းရင်းမြစ်များ

Keyo 28:36

“Xalle aachoochee ikke shashoon shuunebe. Bi toommooch ‘Doono Yeerich Yaafeeto’ ii beeton maatemoochoommon qiici kooribe.

Keyo 39:26

Qeeshee guudo taheree maddemmi qamisee baata ciireexi guude gawooch qaaxilleenaꞌonaa romaanee michi aafoommi mooyinaꞌona shaaddii shaaddiitaa geddetinaꞌone. Ebi bullin Doono Yeeri Muusich gettitoommon tuniiꞌi shuuneheete.

Keyo 39:28

Ebiyoommon wotta qelli caaceenaꞌonaa shureenaꞌonon muttee tuppoochee ciciitaa yokkeeti woshiqoona shippeti qoreddoochee shuuneheete.

Isiyaasi 61:10

Doono Yeerina oogichaa emiriyoye; ta kashe ta Nuggishoona emiraa wucwuccahane; bechee bungee gubbichoon uketi woꞌee kenoochoommon, macecikkiti shashoon shasheti woꞌechoommon, wodee tahoon taach tajjitone; cadiqee tahee xappoon taach xappitone.

Hiziqeeli 44:17

“Maaci addibaabee kellooch boonoshi giyiyooba, muttee tuppoochee shippeti tahoon tahebeete; maaci addibaabee kelloonaa kechi maacoonooch boonoshi maddiyooba bagee huushoochee shuuneeti taho amolla boonoshi achooch beeyaaye.

Hiziqeeli 44:18

Boonoshi qellooch muttee tuppoochee shippeti caacoon caaceete; muttee tuppoochee shippeti shuroon eddebeete; caajjiibeeti eddoon eddaayeete.

Leweenaꞌo 6:10

Qeeshoo muttee tuppoochee shippeti qamisoonaa shuroonon tahe eddebe. Aroochee ebi deejjee gudee toommoochaa qaaqqooch gokketi deejjeechi tulloon ushiree deejjee gudee gaꞌooch gede.

Leweenaꞌo 8:13

Aroochee Haroonichi anaami bushiishoon aaf beshiiꞌi kittoon tajjiye; buroon boonoshi shimetooch cuchiye; ukoon boonoshi qellooch ukiihe. Ebi bullin Doono Yeeri biich gettitoommon tuniiꞌi shuunehe.

Roomi 13:14

Tunebaani Doono Yesuus Kiristoosin qoreddoochoommon tahebote; meeno qaatiibeeti mooyon ceechiya meenoyich gaboon qayote.

Roomi 3:22

Aroo Yesuus Kiristoosi toommooch mullee tooꞌiyoona Yeer waanee danemmi cadiqoone. Boonoshi mulloon Yesuus Kiristoosi toommooch tooꞌii beetinaꞌo bullin Yeeri cadiqiyemmone. Barittino aalloone;

Galaati 3:27

Kiristoosina tookkii ikkotteꞌi afaalleeti ittoshi bulli Kiristoosin taheto ittoshine.

1 Pheexiroosi 1:13

Illa shuunoyich cuye tiyiree qannibote; ittoshi qelloon quyoona beebote; Yesuus Kiristoosi bekkehooba ittoshi danemmi wojjoon ceenoona gibenebote.