Keyo 38:24 - Kafa Linguistics Project

²⁴ Yaafee duukkaanee shuunoo bullich Doono Yeerich yaafeeto bi tunoon bekkiyoyich, bi aafooch kaama tiijjiꞌi asheenaꞌo immiti aachoo bulli yaafee kechi machoona qocaa, ikke hume kiilo giraamo tunehe.

Keyo 38:24 ပူးပေါင်းရင်းမြစ်များ

Keyo 25:2

“Wojjoon taach boonoshi deebemmoyich, Israꞌeeleenaꞌoyich gete. Mulloochee tiijjiꞌi imma qaawiti asho bulli waanee wojjoon deꞌe.

Keyo 29:24

Eboshi bullin Harooninaa bi anaami bushiisheenaꞌonochi kishooch gede. Doono Yeeri ta aafooch kaama tiijjaa giddeebeeti deejjoon tuniiree giddiibeete.

Keyo 30:24

uuche balle sheqeelee birguudoonon deebe. Eboshi bulli yaafee kechi machoona qocaa tato tunebeete. Arooch awudde neetiree zayitoon daakkiree,

Keyo 35:22

Boonoshi mullo shunnitinaꞌo bulli, anaaminaꞌoo maacheenaꞌoo tahooch geddeebeeti aachoon, boonoshi waameexi aachoon, boonoshi kisheexi axxaamittoon, boonoshi qetteexi aachoonaa baribare aachoo bullinon deebiyeete. Boonoshi bulliyoo aachoon yaafeeti wojjoo tuniiꞌi Doono Yeerich giddiiheete.

Leweenaꞌo 27:25

Gatiyoo bulli yaafee kechi machoona qocceeto tunebe; ikke sheqeelo aaraa gutte giraam bedoone.

Leweenaꞌo 27:3

Hiye natoochee shiche natooch beddaahaa beeti anaamochi gatiyoo yaafee kechi machoona qocaa, aache sheqeelee xure birewoo tunebe.

Leweenaꞌo 5:15

“Ikke asho Doono Yeeri taach yaafeeti mooyoyich gibeneyaano tuneꞌi diqqoona axaaxoon bi shuunegaata, bi gijjoochee bachaalli bagee baaddoon xuꞌee deejjoyich Doono Yeeri taach giddiibe. Ebi bagee baaddoochi gatiyoo yaafee kechi machoona qocaa xure birewoona ichebe. Ebiyoo xuꞌee deejjoone.

Haagi 2:8

Birewoo taachone; aachoo taachone.

Haddoo 18:16

Shiijjee agen bedditi bushiishoo yaafee kechi machoona qocaa uuche sheqeelee birewoona bi biisheyemmoyich tuniyemmo neene. Ebiyoo shiche giraamoone.

Haddoo 3:47

ikkikke ashi qelloona uuchi uuche sheqeelee birewoon yaafee kechi machoona qocaa deꞌe. Ikke sheqeelo aaraa gutte giraam bedoone.