Keyo 38:21 - Kafa Linguistics Project

²¹ Yaafee duukkaanee shuunoyich, ebiyoo miixee duukkaanee shuunoyich, Muusi gettitoommon, qeeshoo Harooni bushoo Itamaari yaabaa, Leweenaꞌo kooriti mooyinaꞌo haddoo ebine.

Keyo 38:21 ပူးပေါင်းရင်းမြစ်များ

1 Kiinoo 6:3

Amiraami bushiisheenaꞌo: Harooni, Muusinaa Miiriyaminane. Haroonichi anaami bushiisheenaꞌo: Nadaabi, Abiihi, Elazaarinaa Itamaarinane.

2 Kiinoo 24:6

Ebich taatoo boonoshi wulloo Yoyaadin ceeggiꞌi, “Israꞌeelee iiteenaꞌo miixee duukkaanoyich boonoshi qoccemmi, Doono Yeerichi guuno Muusi gettiti gibiroon, Yihudee asheenaꞌonaa Yerusaalemi asheenaꞌona waanee boonoshi kichiyemmoyich Leweenaꞌon kupphiyoo ne qajjeto amoyichiye?” iye.

Iyoobi 11:4

Newoo, ‘Ta yibbaatoo tatoone; Yeeri aafoochaa xalloo taane’ iyine.

Iyoobi 22:23

Beshe Hakkechi Yeer waan ne wottegaata, wonnee ne beemooch wottemmo neene; gonde shuunoonoo ne kexoochee ne wokkiigaata,

Iyoobi 26:1

Aroochee Iyoobi ishichiye:

Shoddo 15:1

Doono Yeero, ne duukkaanooch kotoon hakkemmo konine? Yaafeeti ne geppooch beemon hakkemmo konine?

Keyo 25:16

Neech ta immemmi, sheeroo kooreeti gutte yalle xaqqeenaꞌon taabootee maac kotiibe.

Keyo 26:33

Maccillaatoon qamaaxireenaꞌooch kaꞌiichi, wogee taabootoon maac giijjiree, maccillaatee gubbaa kotiibe. Ebina maccillaatoo Yaafe Xaaꞌoon Yaafe Xaaꞌeexi Yaafoyee barbariyemmone.

Keyo 38:20

Yaafee duukkaanee xogeenaꞌonaa bi guudooch beeti addibaabee uxeree xogeenaꞌona bulloshi gooshoochee shuuneetinaꞌone.

Keyo 38:22

Yihudi yoodoochee tuneti, Huuri bushoochi bushoo, Uriyi bushoo Betsaleeli Doono Yeeri Muusich gettito bullin shuunehe.

Keyo 40:3

Miixee taabootoon bi daggooch kotiichi, maccillaatoona qeribe.

Keyo 6:23

Harooniyoo Aminadaabi bushoo Nahishooni manee Elisheebin shaaggiye. Biyoo Nadaabin, Abiihin, Elazaarinaa Itamaarinon shiyahan.

Haddoo 1:50

Tunebaani Leweenaꞌon miixee duukkaanoonaa bi qiico bullinochi, wotta arooch beeti mooyo bulli toommooch ukkiriibe. Danee duukkaanoonaa bi qiico bullinon shaageete; aroonoo quyebeete. Danee duukkaanee guudoona boonoshi kaamboon gedi kotebeete.

Haddoo 1:53

Tunebaani Israꞌeeleenaꞌo toommooch kaaree shiixxoo kindaachemmoyich, Leweenaꞌo miixee duukkaanee guudoona boonoshi duukkaanoon xogiree kotebeete; miixee duukkaanoonoo quyebeete” bi itoyichiye.

Haddoo 10:11

Guttinnee natooba, guttinnee agenee hiyinnee qemooba, qubo miixee duukkaanee toommoochee tiyiye.

Haddoo 18:2

Neennaa ne bushiishoona miixee duukkaanoochaa ittoshi maddee beegaata, shuunoona ittoshin boonoshi gaachemmoyich, Lewi yoodo tuneti ne maneenaꞌon deebe.

Haddoo 24:5

“Yaaqobo, ne duukkaaneenaꞌo, Israꞌeelo, ne beeyi xaaꞌeenaꞌo, am shaahoon gaaweheete!

Haddoo 9:15

Yaafee duukkaanoo xogeehooba, qubo yaafee duukkaanoon qeriye; xumoochee harooch beddaahaa yaafee duukkaanee tookkaa qaaqqoon shaahii aaxxee beehe.

Maatiyoosi 17:4

Pheexiroosi tiyiꞌi Yesuusin, “Ta Doonocho, hiniich beemo nooch gaawiye. Ne shunigaata, hiniich keejje bashoon, ikkoon neech, ikkoonoo Muusich, ikkoonoo Eliyaasich bashibone” iye.

Mishiraachechinaꞌo 7:44

“No qaabbechinaꞌo barahooch beehooba, Yeerichi miixee duukkaanoo boonoshina tookkii beetone. Are duukkaanoo Yeeri Muusich bekkiiꞌi gettitoommon shaahiitaa shuuneetone.

2 Qorontoosi 5:1

Bashoommi hini showeexi no kexo, ebiyoo no meeno, bi happee gaata, ashi kishoona shuuneyaani, bulli yemeenee kexo, ebiyoo Yeeri haggiti kexo, shimaayooch nooch beemon ariibeeto noone.

Hibireena'o 8:2

Biyoo ibere duukkaanoo tuneti yaafee kexooch qeeshee guudo tuneꞌi maddee beetone; ebi duukkaanoon xogito asho tuneyaanoon Doono Yeerine.

Hibireena'o 9:11

Tunebaani Kiristoosi bi waanaa nooch shaggiti gaawe mooyoyich qeeshee guudo tunetone. Beshoonaa gaawetona, ashi kishoona shuuneyaani, ebi getoo hini halleeti showoochee tuneyaani duukkaanooch

2 Pheexiroosi 1:13

No Doono Yesuus Kiristoosi taach xalla bi gettitoommon, ta meenonaa ta kasheena barbaremmi aabo katinnito bi tunoon ta ariitoyich, batt kashoona beebee ebi mooyinaꞌon wochii wochiꞌi shalligichiibee ittoshin qaalliyoo taach qaawiibeeto tuneꞌi bekkehe.

Yaaꞌoo 11:19

Shimaajj beeti Yeerichi yaafee kexo qecheehe; Yeerichi wogee taabootoo ebi yaafe bi kexoochaa bekkehe; xeeyee phaqqoo, ooge qaaroonaa xeeyee qaaroona, showee qewoonaa giidechi baderoona tunehe.

Yaaꞌoo 15:5

Aroyee gubb Yeerichi miixee duukkaanoo tuneti yaafee kexo shimaajjaa qechee beetaa beeggeho.

Yaaꞌoo 21:3

Aree hillooch ooge qaaro qeenoochee kechiꞌi, “Ebiyoche, Yeerichi qeyi xaaꞌoo asheenaꞌo daggooch tunetone; boonoshina tookki beeyemmone; boonoshiyoo bi asheenaꞌo tunemminaꞌone. Yeeriyoo bi qelloona boonoshina tookki tuneree boonoshi Nuggishoo tunemmone.