Keyo 34:7 - Kafa Linguistics Project

⁷ Ta shoodoon hume shiijjerooch beddaahaa quyaabeeto, xuꞌoon, hukkoonaa axaaxoonon maariibeeto taane. Tunebaani gonde shuunechon naxeyaanoon cikki qayaachemmo taane. Niheenaꞌo axaaxoyich bushiisheenaꞌon, boonoshi bushaa bushiisheenaꞌon keejjinnee shiijjeroonaa awuddinnee shiijjeroonooch beddaahaa naxemmo taane” iye.

Keyo 34:7 ပူးပေါင်းရင်းမြစ်များ

Halloo 19:16

Tunebaani Looxi nibbehe. Doono Yeeriyoo Looxich bi ariqqetoyich, hini are maraakeenaꞌo bi kishoon, bi mechee kishoonaa bi gutte bushiisheenaꞌo kishoonon yechiꞌi, katemoyee maach kichiyeete.

1 Taateenaꞌo 8:30

Ne guuno taannaa ne asheenaꞌo tuneti Israꞌeeleenaꞌona, hini xaaꞌoo waan wottaachaa, no corootaabeeti corootoon waayebe; ne beeyi xaaꞌoo tuneti shimaayoochaa waayeree noon maaribe.

1 Taateenaꞌo 8:32

ebin shimaayoochaa waayeree nallibe; ne guuninaꞌo daggooch nallecho tunebe; bi shuunoon biich shuuneree xuqqito toommooch nallibe; xalloonoo wodiibe; bi xallittinoommonoo biich qoce.

2 Kiinoo 30:9

Ittoshi Nuggishoo Doono Yeeri shoodechonaa maarechona bi tunetoyich, bi waan ittoshi wottegaata, bi aafoon ittoshi waanee bara wochaachemmo bi tunetoyich, Doono Yeer waan ittoshi wottegaata, ittoshi maneenaꞌonaa ittoshi bushiisheenaꞌonon keccitinaꞌo boonoshich ariqqeree, hini showooch boonoshi wottemmoyich tuniyemminaꞌone” ii beetone.

Nehimi 1:5

Tawoo ishichiyo: “Shimaajji Nuggishoo Doono Yeero, neen shunnii beetinaꞌonaa ne getoon quyee beetinaꞌonoyich ne giyeti wogoon ceechaabeeti, kuxeyaani ne shunoonoo bekkiyaabeeti, oogoonaa shattiitona tuneti Nuggishoocho,

Nehimi 9:32

“Andoo no Nuggishoocho, ne giyeti wogoon quyaabeeti, ne shoodoonoo bekkiyaabeeti, ooge hakkechi, shattiiti Nuggishoocho, Asooree taateenaꞌochi yemeenoochee tiijjiꞌi hanaach beddaahaa, no toommooch, no taateenaꞌo toommooch, no ogoogeenaꞌo toommooch, nooch maddeebeeti ne qeesheenaꞌo toommooch, no keemechinaꞌo toommooch, no qaabbechinaꞌonaa ne asheenaꞌo bullinochi toommooch shaggiti iritoo, ne aafoochaa giishechoon shaahiree bekkaaye.

Iyoobi 10:14

Ebiyoo, axaaxoo ta shuunoon beegga qiiddaabeeto ne tunoone. Ebich ta axaaxoon maaremmon qajjehine.

Shoddo 103:3

Ne axaaxoo bullin maariibeeto ne biiyo bullin wodiibeeto,

Shoddo 109:14

Bi qaabbechinaꞌochi axaaxoo Doono Yeeri aafoochaa gabeebe; bi indeechi axaaxoo batteyaaye.

Shoddo 130:4

Tunebaani ne waan maaroo beetone; ebich oogoon neech immehone.

Shoddo 136:10

Gibitsee showeexi gutenee bushiishoon wuxito, bulli yemeenoon shoodechone.

Shoddo 136:15

Farooninaa bi ginee naayinaꞌonon baharo qooxxemmoyich tuniito, bulli yemeenoon shoodechone.

Shoddo 25:11

Doono Yeero, ta axaaxoo woddoo bi tunetoyich, ne shigoyicha getiree taan maaribe.

Shoddo 86:15

Ta Doonocho, ne, maarechi, ariqqechi Nuggishoo neene; kaaroyich nibbecho neene; ne shoodoonaa gibeneyoona woddoone.

Shoddo 99:8

No Nuggishoo Doono Yeero, boonoshi corootoon waayehine; boonoshich maarechi Nuggishoon tunehine; tunebaani boonoshi gonde shuunee nichoon gaaccehine.

Keyo 23:21

Gaawichi elleree bi gettii beeton waayebe. Bi toommooch hukkoon shuuneyaahine. Ta shigo bi toommooch beeto bi tunetoyich, bi toommooch hukkoon ne shuunegaata, neen maaraachemmone.

Keyo 23:7

Koote taggoon ashi toommooch yaaqqaahine. Xuꞌo bi toommooch aalli, kaame ashoon wuxiyaahine. Ebiyoommi gondoon shuuneebeeti ashoon maaraachemmo taane.

Keyo 33:19

Doono Yeeriyoo ishichiye: “Ta gaawittino bulli ne aafoona bi beshemmoyich tuniyemmo taane; ne aafoochoo ta shigo Doono Yeerin awaajjemmo taane. Ariqqeya ta qaawiti ashoyich ariqqemmo taane; maariya ta qaawiti ashoonoo maaremmo taane.

Keyo 34:9

ishichiinoo iye: “Ta Doonocho, ne aafoochaa gidoon ta danegaata, hini asheenaꞌo babbereenaꞌo boonoshi tunetaanoona, ta Doonocho, noonna tookki hambe. No xuꞌoonaa no axaaxoonon maaribe. Ne hajjee aagetoon tuniiree noon ciine” iye.

Isiyaasi 45:21

Getote; ittoshi taggoon yaaꞌote; ikkotteree koceebote. Ebin shiichiꞌi gettito konine? Ebin wonna awaajjito konine? Doono Yeeri ta toone? Tayee bare nuggishoo aalloone; Cadiqoonaa Wodiyechona tuneto, tayee bare nuggishoo aalloone.

Erimiyaasi 30:11

Neen wodiyoyich ta neenna tookkii taane, iye Doono Yeeri. Boonoshi daggooch neen ta yookketi aageteenaꞌo bullin aalliyemmo taane; tunebaani neen ciroona aalliyaachemmo taane; tatoona neen sheeremmo taane; neen sheeraanoon besheyaachemmo taane.

Erimiyaasi 32:18

humeenaꞌoyich ne shoodoon bekkiihine; tunebaani niheenaꞌochi xuꞌoyich boonoshiyee gubbi boonoshi bushiisheenaꞌon sheerihine; oogechi, hakkechi Nuggishoocho, ne shigo Beshe Mawe Doono Yeerine.

Erimiyaasi 9:24

tunebaani degeyemmo, shoodoon, dayinnetoonaa cadiqoonon showee toommooch tuniyaabeeto ta tunoon bi ariyoonaa bi digenoona, ebina degeebe; ebiyoo ebi mooyinaꞌo taan boonoshi emirikkii beetoyichiye” iye.

Daaneeli 9:4

Ta Nuggishoo Doono Yeer waan no axaaxoon aanniibee corootiyo. Tawoo ishichiyo: “Ta Doonocho, oogoonaa shattiitona tuneti Nuggishoo neene. Neen shunnii, ne getoon ceechii beetinaꞌoyich kuxeyaani ne shunoon bekkiibeeto, ne wogoyichoo gibeneeto neene.

Daaneeli 9:9

No Doono no Nuggishoocho, ne toommooch hukkoon shuuneto no tunetaanoona, ne, ariqqechonaa maarechona neene.

Mikiyaasi 6:11

Qiicoon bi kemmiibeeti qeellee qiicoona woyee machoona dawushiibeeti ashoon maarehote?

Mikiyaasi 7:18

Curo tuneꞌi echeti bi asheenaꞌochi axaaxoon maariibeeti, boonoshi xuqqiti xuꞌoonoo shaaddeebeeti, neenoommi Nuggishoo halla konine? Shoodecho ne tunetoyich, ne kaaroon bulli yemeenoon yagiyaachine.

Naahoomi 1:6

Bi kaaree aafooch neexoon hakkemmo konine? Qaaqqoo gaamoommon gaamiibeeti bi kaaroon hakkemmo konine? Bi kaaree shiixxoo qaaqqoo kindoommon kindiye; bi aafooch xaqqee guudo tiishee yiikkeehe.

Maatiyoosi 12:31

Ebich ittoshich gettoye: Asheenaꞌo shuuneebeeti axaaxoonaa boonoshi naageebeeti naago bullina maareyemmone; tunebaani Yaafe Ayaanoon naaggii beeti asho maaroon daneyaachemmone.

Maatiyoosi 6:12

No wotta noon xuqqitinaꞌon no maaroommon, no gondoon nooch maaribe.

Luqaasi 7:42

Gutteenaꞌolla qoccemmon boonoshi mawiitaa, are gijjoon boonoshich maariye. Eke taach gete! Hini gutte asheenaꞌo daggoochee oogichiree are koyitiyechon shunemmo aabine?” iꞌi echehe.

Luqaasi 7:48

Ureyichoo “Ne axaaxoo maareetone” iye.

Mishiraachechinaꞌo 13:38

“Illa ta maneenaꞌote! Ittoshi axaaxoyich maaroon ittoshi danemmo Yesuusina tuno ittoshich bi getteyoon ariibote.

Mishiraachechinaꞌo 5:31

Biinoo Yeeri axaaxee gommoochee bi waan wottoonaa maaroonon Israꞌeeleenaꞌoyich bi immemmoyich, bullichi Shimboonaa Wodiyechonon tuniiꞌi bi qanne badd kotiitone.

Efesooni 1:7

Yeerichi wojjoo woddetoyich, bi Bushoochi damoona biicheto noone; ebi getoo no xuꞌoyich maaroon daneto noone getone.

Efesooni 4:32

Ittoshinaa ittoshina deꞌoonaa ariqqechona tunebote; Yeeri Kiristoosina ittoshin bi maaritoommon ittoshinaa ittoshina maareebote.

Yibbaatoo 32:35

Boonoshi etteenaꞌo toommooch nichoon kichiree, boonoshin ta naxemmi aabo katinnitone. Diqqoona boonoshi baatoo giinnemmone; aalliibeeti naxo boonoshi toommooch kindemmone’ iye.

Yibbaatoo 7:10

Tunebaani biin shixxii beetinaꞌon aalliyoona boonoshi toommooch nichoon kichemmone; biin shixxii beetinaꞌo toommooch nichoon kichaanoon yagaachemmone.

Yibbaatoo 7:9

Ebich ne Nuggishoo Doono Yeeri baach Nuggishoo bi tunoon, gibeneeti Nuggishoo bi tunoonoo batteyaahine. Biin shunnii beetinaꞌonaa bi getoon quyee beetinaꞌonoyich hume shiijjerooch beddaahaa, bi wogoon ceechemmone; kuxeyaani bi shunoonoo bekkiyemmone.

Hibireena'o 12:29

Ebiyoo, iberoon no Nuggishoo michii aalliibeeti qaaqqoommo bi tunetoyichiye.

Yaasi 24:19

Yaasiyoo asheenaꞌoyich ishichiye: “Doono Yeeri yaafe Nuggishoonaa qanaatechi Nuggishoona bi tunetoyich, biich maddoon hakkaachote. Ittoshi xuꞌoonaa axaaxoonon maaraachemmone.

1 Yowannisi 1:9

Tunetaa no axaaxoon Yeerich no aannigaata, biyoo no axaaxoon maaroonaa no gondo bulliichee noon xalliyoonoyich, gibeneetonaa cadiqoonane.

Yaaꞌoo 20:15

Bi shigoo kashee macaafooch kooreeꞌi daneyaani asho koniyoona qaaqqee baharooch duppehe.

Yaaꞌoo 21:8

Tunebaani shateenaꞌo, Kiristoosi toommooch mulloon tooꞌiyaaneenaꞌo, gonde mooyon shuunoona eeꞌetinaꞌo, ashoon wuxitinaꞌo, shunimaayeenaꞌo, iicechinaꞌo (qaaxechinaꞌo), shahalloyich goyinnee beetinaꞌo, kooteenaꞌo bulliyoo duppeyemmi xaaꞌoo qaaqqoonaa waageroona micciibeeti baharoochiye; ebiyoo guttinnee qitoone” iye.