Keyo 33:3 - Kafa Linguistics Project

³ Ejjoonaa eeyona xuupphiibeeti showooch hambote. Tunebaani babberoo ittoshi tunetoyich, gommoochaa ittoshin ta aalliyaachemmoyich, ittoshina tookki hamaachemmo taane” iye.

Keyo 33:3 ပူးပေါင်းရင်းမြစ်များ

2 Taateenaꞌo 17:14

Tunebaani boonoshi Nuggishoo Doono Yeerin gibeneyaani boonoshi qaabbechinaꞌochoommon babbereheetani, waayeyaaneenaꞌone.

Shoddo 78:8

Boonoshi qaabbechinaꞌochi shiijjeroochoommon, babbereenaꞌo, hukkechinaꞌo, kaameyaani mullechinaꞌo, Yeerichoo gibeneyaani ayaanechinaꞌo, tuneyaachemminaꞌone.

Keyo 13:5

Doono Yeeri neech imma, ne qaabbechinaꞌoyich wogeꞌi bi gibenikkiti, ejjoonaa eeyona xuupphiibeeti showoo, ebiyoo Kanaaneenaꞌocho, Hiteenaꞌocho, Amooreenaꞌocho, Hiweenaꞌochonaa Yebuseenaꞌochona tuneti showooch, neen bi giijjiyooba, ebi baaroon, hini Abiibi agenooch nati natona baaribe.

Keyo 23:21

Gaawichi elleree bi gettii beeton waayebe. Bi toommooch hukkoon shuuneyaahine. Ta shigo bi toommooch beeto bi tunetoyich, bi toommooch hukkoon ne shuunegaata, neen maaraachemmone.

Keyo 3:17

Ebich Gibitsaa ittoshi beeggiibeeti xuuxoochee ittoshin kichiree, Kanaaneenaꞌocho, Hiteenaꞌocho, Amooreenaꞌocho, Ferizeenaꞌocho, Hiweenaꞌochonaa Yebuseenaꞌochona tuneti, ejjoonaa eeyonon xuupphiibeeti showooch ittoshin giijjemmo taane” itone’ gete.

Keyo 3:8

Ebich Gibitseenaꞌo kishoochee boonoshin kichoyich, Gibitseenoo boonoshin kichiree ejjoonaa eeyona xuupphiibeeti gaminoonaa qeemona tuneti, Kanaaneenaꞌocho, Hiteenaꞌocho, Amooreenaꞌocho, Ferizeenaꞌocho, Hiweenaꞌochonaa Yebuseenaꞌochona tuneti showooch daamoyich kindito taane.

Keyo 32:14

Doono Yeeriyoo bi gaboon shaddiꞌi, bi asheenaꞌo toommooch deeba bi gabiti mooyon deebaanoon qajjiye.

Keyo 33:5

Ebiyoo Doono Yeeri Muusich “Israꞌeeleenaꞌon, ‘Ittoshi babberoo ittoshi tunetoyich, qillifee yexx bedoonona ittoshina tookkii ta hammeto gaata, ittoshin aalliyesho taane. Andoo ittoshi geddiibeeti shashoon kichibote. Ittoshi toommooch amoon ta tuniyemmo gaata maaccemmo taane’ gete” bi itoyichiye.

Keyo 34:9

ishichiinoo iye: “Ta Doonocho, ne aafoochaa gidoon ta danegaata, hini asheenaꞌo babbereenaꞌo boonoshi tunetaanoona, ta Doonocho, noonna tookki hambe. No xuꞌoonaa no axaaxoonon maaribe. Ne hajjee aagetoon tuniiree noon ciine” iye.

Isiyaasi 48:4

Getaa giyaani, xuuroommi gajjechonaa gooshoommi barechona, ittoshi tunoon ariyaabeeto taane.

Erimiyaasi 11:5

Ebi tunegaata, ejjoonaa eeyonon xuupphiibeeti showoon, ebiyoo and boonoshi beeti showoon, imoyich boonoshi qaabbechinaꞌoyich ta wogeti wogoon quyemmo taane’ itone gete” iye. Tawoo, “Doono Yeero, ameena” iyo.

Hiziqeeli 20:6

Ebiyooba Gibitsee boonoshin kichiree, boonoshich ta qanniiti ejjoonaa eeyona xuupphiibeeti showooch, showoo bulliyee beshe gaawe showooch boonoshin deeboyich wogehoye.

Leweenaꞌo 20:24

Tunebaani ta ittoshich “Boonoshi showoon woraashemmo ittoshine. Ebi ejjoonaa eeyona xuupphiibeeti showoon ittoshi hajjoo tuniiree ittoshich immemmo taane” iyoye. Aageteenaꞌo waanee ittoshin bariiti, ittoshi Nuggishoo Doono Yeeri taane.

Yoonaasi 3:10

Yeeriyoo ebi boonoshi tuniiti mooyon beeggiye; boonoshi gonde qocoochee boonoshi wottoon beeggiye; biyoo boonoshich ariqqehe. Ebich boonoshin wuxi aalliiya bi gabiti gaboon qajjiye.

Yoonaasi 3:4

Yoonaasiyoo katemee daggoona ikke qemi gommon hammiꞌi, “Aabbe qemoyee gubb, hini Nanawi katemoo tiishe aallemmone” iꞌi cookiye.

Haddoo 13:27

Muusichoo “Noon ne daachiiti showooch hammeto noone; aroo ejjoonaa eeyona xuupphiibeeti showoone. Bi immiibeeti aafo ebine.

Haddoo 14:12

Boonoshin kupphe biiyoona yexxemmo taane; boonoshin aalliyemmo taane. Neen boonoshiyee beshe meetinaꞌonaa hakkechinaꞌonoyich nihoo tuniyemmo taane” iye.

Haddoo 14:8

Doono Yeeri noonna bi emirigaata, ejjoonaa eeyona xuupphiibeeti ebi showooch noon giijjemmone; aroonoo nooch immemmone.

Haddoo 16:13

Barahoochaa noon wuxoyich, ejjoonaa eeyona xuupphiibeeti showoochee noon ne kichito, neech giishetaa no toommooch doono tunoyich qaawaa beetine?

Haddoo 16:21

“Boonoshi bullin ikke wottoona ta aalliyemmoyich, hini iiteenaꞌo daggoochee wohote” iye.

Haddoo 16:45

“Boonoshi bullin ikke wottoona ta aalliyemmoyich, hini iiteenaꞌo daggoochee ikibote” iye. Boonoshiyoo baroona guufeheete.

Mishiraachechinaꞌo 7:51

“Illa hini ittoshi mullo muumeti, ittoshi waamoo ulleti babbereenaꞌote! Ittoshi qaabbechinaꞌochoommon ittoshiyoo wotta bulli aaboon Yaafe Ayaanoyich deꞌa getaano ittoshine.

Yibbaatoo 4:24

Ebiyoo ittoshi Nuggishoo Doono Yeeri michii aalliibeeti qaaqqoommo bi tunetoyichiye; biyoo qanaatechi Nuggishoone.

Yaasi 5:6

Gibitsee kechiti, ginee koyoyich bedditi anaaminaꞌo bulli Doono Yeerich deꞌa getaaneenaꞌo boonoshi tunetoyich, eboshi qitii ciiremmi wottoon, Israꞌeeleenaꞌo barahooch aabbe naton qaxirii beeheete. Ebiyoo Doono Yeeri nooch imma boonoshi qaabbechinaꞌoyich wogoon bi giyiti, ejjoonaa eeyona xuupphiibeeti showoon boonoshi beegaachemmoyich, bi wogetoyichiye.

1 Saameeli 2:30

“ ‘Israꞌeelee Nuggishoo Doono Yeeri ta, ne kechi asheenaꞌonaa ne nihoochi kechi asheenaꞌona bulli yemeenoon taach boonoshi maddemmoyich ebiyee aaf gibenikkito taane. Tunebaani and illa ebin tuniyaachemmo taane. Taan oogii beetinaꞌon oogiyemmo taane. Taan qallayii beetinaꞌo giishemminaꞌone.