Keyo 32:5 - Kafa Linguistics Project

⁵ Harooni ebin beeggiꞌi, aachoochee shuuneeti maamochi aafooch deejjee gudoon shuunehe. Biyoo “Yaach Doono Yeerich baaroo tunemmone” ii awaajjiye.

Keyo 32:5 ပူးပေါင်းရင်းမြစ်များ

1 Taateenaꞌo 21:9

Koorichoon ishichaꞌa kooriyan: “Coomee awaajjoon awaajjibote; Nabootichoo oogee xaaꞌoon imbote.

2 Taateenaꞌo 10:20

Aroochee Yehi, “Baꞌaaloon oogiyoyich yaafeeti kiceyee aaboon awaajjibote” iꞌi gettiye. Boonoshiyoo awaajjiyeete.

2 Taateenaꞌo 16:11

Qeeshoo Uuriyiyoo taatoo Akaazi Damaasiqee biich bi deejjiti misiloommon deejjee gudoon shuunehe. Taatoo Akaazi wottoyee shiichiꞌi qanniihe.

2 Kiinoo 30:5

Kooreetoommon meeti asho kiceetaa baaree ariyaano bi tunetoyich, Beshee Baaroon Israꞌeelee Nuggishoo Doono Yeerich baariya asheenaꞌo Yerusaalem woyemmoyich, Beershaabee Daan beddaahaa awaajjo getteyemmoyich, maacciyeete.

Keyo 10:9

Muusiyoo wochiꞌi, “No hammaabeeti xaaꞌoochaa Doono Yeerichi baaroon baaremmo no tunetoyich, no anaami bushiisheenaꞌonaa maache bushiisheenaꞌonon, geeneenaꞌonaa gurimaasheenaꞌonon, no bageenaꞌonaa emmisheenaꞌonon, no miimo bullinoo yeshireeshiye no hammemmo” iye.

Keyo 12:14

“Ebi aaboon shalligee aaboon tuniibote. Gubbi ittoshi shiijjeroo bulliich beddaahaa, kuxaanoon Doono Yeeri taach doyoon tuniiree bulli yemeenoon baaribote.

Keyo 17:15

Muusiyoo deejjee gudoon shuuneꞌi, Doono Yeeri Ta Baanderoo iꞌi shigiihe.

Keyo 32:4

Biyoo boonoshi immiton kicii daammii ukkiꞌi, shahalloon maamochi shaahoona shuunehe. Aroochee asheenaꞌo “Israꞌeelee ashoocho, Gibitsee neen kichiti nuggishoo hinine” iyeete.

Keyo 32:6

Asheenaꞌo dechara maaddoona tiyiꞌi, micciibeeti deejjoon deejjiyeete; ikkittinee deejjoonoo deejjiyeete; aroyee gubb, mamonaa uyonoyich koteheete; tekki kaayibee duubba tiyiyeete.

Hosee'i 8:11

“Efreemi meeti axaaxee maariyee deejjee gudeenaꞌon shuunetone; tunebaani ebi deejjee gudeenaꞌo axaaxee shuunee deejjee gudeenaꞌo tunetinaꞌone.

Hosee'i 8:14

“Israꞌeeleenaꞌo boonoshin Halliton battetinaꞌone; taatee kexinaꞌonoo shuunetinaꞌone. Yihudee asheenaꞌoo meeti manje katemeenaꞌon shuunetinaꞌone. Tunebaani ta, boonoshi manje katemeenaꞌooch qaaqqoon deejjemmo taane. Ebi qaaqqoo boonoshi mishigeenaꞌon michemmone” iye.

Leweenaꞌo 23:2

“Israꞌeeleenaꞌoyich ishichi gete: ‘Doono Yeerich goyinnoyich kiceyee yaafeeti aabo getiree ittoshi awaajjemmi, boonoshi goori gooroona baareyemmi, Doono Yeeri ta baareenaꞌo eboshine:

Leweenaꞌo 23:21

Ebi arooba ikkooch kiceeree taach ittoshi goyinnemmi aaboon tuniiree awaajjibote. Shuunoon shuuneyaahote. Ebiyoo ittoshi koteti showoo aabiichaanona, gubbi ittoshi shiijjeroo bullich, bulli yemeenee qociyoon tunebe.

Leweenaꞌo 23:37

“ ‘Micciibeeti deejjoon, maayi buuroon, bare deejjoonaa uyee deejjoonon Doono Yeeri taach ittoshi deejjemmi, taachoo goyinnoyich yaafeeti kiceyoon ittoshi kiceyemmi, goori gooroona baareyemmi, yaafeeti, Doono Yeeri ta baareenaꞌo eboshine.

Leweenaꞌo 23:4

“ ‘Bi goori gooroona Doono Yeeri taach baareyemmi, taach goyinnoyich ittoshi kiceyemmi aaboon tuniiree ittoshi awaajjemmi, baaree aabeenaꞌo eboshine:

1 Qorontoosi 5:8

Ebich xalle ibere mulloona shittoo giyaani koshonalli, xuꞌoonaa gondoona ceenniti mulloona shittoo giyiti bukoona hini baaroon baaraayone.

1 Saameeli 14:35

Saaꞌooliyoo Doono Yeerich deejjee gudoon shuunehe. Ebiyoo Doono Yeerich bi shuuneti, batti batti deejjee gudoone.