Keyo 32:4 - Kafa Linguistics Project

⁴ Biyoo boonoshi immiton kicii daammii ukkiꞌi, shahalloon maamochi shaahoona shuunehe. Aroochee asheenaꞌo “Israꞌeelee ashoocho, Gibitsee neen kichiti nuggishoo hinine” iyeete.

Keyo 32:4 ပူးပေါင်းရင်းမြစ်များ

1 Taateenaꞌo 12:28

Taatoo ebin asheenaꞌona tookkii bi boyeetoyee gubb, gutte maanji misiloon aachoochee shuuneꞌi asheenaꞌoyich, “Israꞌeeleenaꞌote, damba Yerusaalem ebichi wottoon ittoshi hammito beddiye. Gibitsee ittoshin kichiti nuggisheenaꞌo hinoshine” iye.

1 Taateenaꞌo 12:32

Yihudee showoochaa baaroo baaree beetoommon, shimittinnee agenee aaraa uuchinnee qemooba, bi baareyemmon Yeroboꞌami tuniihe; deejjee gudoochoo deejjiye; bi shuuneti maaminaꞌochi misiloyich deejjoon deejjiye; ebi bullin Beeteelaa tuniihe. Guudi toommeexi goyinnee xaaꞌeenaꞌoyich bi kaacciti, qeesheenaꞌon Beeteel kotiihe.

2 Taateenaꞌo 10:20

Aroochee Yehi, “Baꞌaaloon oogiyoyich yaafeeti kiceyee aaboon awaajjibote” iꞌi gettiye. Boonoshiyoo awaajjiyeete.

2 Taateenaꞌo 10:29

Tunebaani Israꞌeeleenaꞌon axaaxoo shuuniiti, Nebaaxi bushoo Yeroboꞌami shuuneti axaaxoochee, ebiyoo Beeteelinaa Daaninooch beeti, aachoochee bi shuuniiti maanji misiloyich goyinnoochee, wohaanoone.

2 Kiinoo 11:15

Yeroboꞌami, guudi toommeexi goyinnee xaaꞌeenaꞌoochaa, bi shuuneti emmisheenaꞌonaa maaminaꞌonochi misileenaꞌoyich maddemmi, bi hajjee qeesheenaꞌon ukkiriitone.

2 Kiinoo 13:8

“Andoo ittoshi, Doono Yeeri Daawitichi yareenaꞌoyich immiti taatittinee toommooch tiya gabiibeeto ittoshine. Ebiyoo mattiqutte ginee naayo ittoshi tunoonaa ittoshi nuggisheenaꞌo boonoshi tunemmoyich Yeroboꞌami shuuneti maaminaꞌochi misiloon ittoshi yeshonoyichiye.

Nehimi 9:18

Aachoon ukkii maanji misiloon boonoshi qellich shuuneꞌi, ‘Gibitsee noon kichiti nuggishoo hinine’ boonoshi iyooba, neenoo boonoshi hoxehooboo,

Keyo 20:2

“Gibitsee showee guuchittinoochee neen kichiti, ne Nuggishoo Doono Yeeri taane.

Keyo 20:23

Tayee besh bare nuggisheenaꞌo ittoshich beeyaayeete. Birewoochee woyee aachoochee shahalloon ittoshich shuuneyaahote.

Keyo 20:4

“Damba shimaayooch, desh showooch, showoyee deshi aacoochoo beeti mooyoochee amee shaahoonona shuuneeti shahalloon neech shuuneyaahine.

Keyo 28:11

Qiicii shuunoon ariibeeti asho maatemoon bi qiicoommon, Israꞌeelee yoodeenaꞌochi shigoon ebi gutte xaqqee toommooch qiiciree kooribe. Aroochee ebi xaqqeenaꞌon aachee qebbooch gede.

Keyo 28:9

“Gutta shohaamee aaxxe xaqqoon daamiree, Israꞌeelee yoodeenaꞌochi shigoon qiici kooribe.

Keyo 32:1

Muusi wotteyaanoon, guudi toommooch bi yagoon boonoshi beeggiyooba, asheenaꞌo Haroon waan giddeꞌi ishichiyeete: “Tiyiree, no aafooch shiichi noon yaabemmi nuggisheenaꞌon nooch shuunebe. Gibitsee noon kichiti, are uro Muusi aabichii bi ito gaata ariyaano noone” iyeete.

Keyo 32:24

Ebich, ‘Aachee qiico bi waan beeto koniyoona kichibe’ iyoye. Aroochee aachoon taach immiyeete; tawoo qaaqqooch geddoye; ebina hini maanji misilo tunehe” iye.

Keyo 32:3

Ebich asho bulli bi waameexi aachoon kichiꞌi, Haroonich deebii immiye.

Keyo 32:35

Ebich Doono Yeeri asheenaꞌon naxoona yexxiye. Ebiyoo Harooni maamon bi shuunemmoyich boonoshi tuniitoyichiye.

Keyo 32:5

Harooni ebin beeggiꞌi, aachoochee shuuneeti maamochi aafooch deejjee gudoon shuunehe. Biyoo “Yaach Doono Yeerich baaroo tunemmone” ii awaajjiye.

Keyo 32:7

Arooba Doono Yeeri Muusich ishichiye: “Gibitsee ne kichiti ne asheenaꞌo duubetinaꞌone; ebich boonoshi waan kaateree hambe.

Keyo 32:8

Boonoshich ta getteti getoochee kaatee shokiyeete; aachoon ukkiꞌi, shahalloon maamochi shaahoona boonoshi qellich shuuneheete; aroyichoo goyinnee, deejjoonoo biich deejjiꞌi, ‘Israꞌeelee ashoocho, Gibitsee neen kichiti nuggishoo hinine’ iyeete” iye.

Isiyaasi 30:22

Qiicaa shuuneeꞌi birewoona dikkeeti, wociitaa shuuneeꞌi aachoona dikkeeti ittoshi shahalleenaꞌon eeꞌe mooyochoommon “Okk wohote” getiree wokkii duppemmo ittoshine.

Isiyaasi 46:6

Asheenaꞌo aachoon boonoshi kolloochee tebbeheete; birewoonoo machoona qocciyeete; aachee ukkechon boonoshi kiraayaa, nuggishoon tuniiꞌi shuunehe; boonoshiyoo guufeꞌi biich goyinneheete.

Hiziqeeli 23:8

Gibitsee showooch bi beehooba bi doyiti yahoon qayaaneene; aroochaa bi bushittinoona anaaminaꞌo biinna tookkii qeyiyeete; gidiidittinee bi xanonoo huushiyeete; biin qeyiyeete; boonoshi yahoonoo bi toommooch woniiheete.

Hosee'i 10:5

Shamaari katemee asheenaꞌo Beet Aween beeti maanji shahalloon shati qewemminaꞌone. Bi oogo shoottetoyich asheenaꞌo ebi maanji shahalloyich eeppemminaꞌone. Shahalloochi qeesheenaꞌo shooshemminaꞌone.

Hosee'i 13:2

Andoo axaaxoon woddii woddii shuuneheete. Boonoshi birewoon ukkiꞌi, boonoshi qellich shahalleenaꞌon shuuneheete. Ashi ariyoona shuuneeti, misileenaꞌon shuuneheete. Bulliyona shuunee ariyechochi shuuneenaꞌone. Boonoshiyoo ishichiyeete: “Eboshich deejjoon giddii beetinaꞌo maamochi shahalloon shumbeete” iyeete.

Mishiraachechinaꞌo 17:29

“Ebich Yeerichi bushiishoo no gaata, ‘Yeeri ashi ariyoonaa shalligoona shuuneeti aachee woyee birewee woyee xaqqee malletoon shaahoone’ getiree gabaayone.

Mishiraachechinaꞌo 7:41

Arooba maamon shaahiiꞌi shahalloon shuuneheete; biichoo deejjoon deejjiyeete; kishoona boonoshi shuuneti shuunoyich tiikkeshoo tiikkesheheete.

1 Qorontoosi 10:7

“Israꞌeeleenaꞌo mamonaa uyonoyich koteheete; aroocheenoo duubba tiyiyeete” getaa bi kooreetoommon, boonoshi daggoochee ikkikkeenaꞌo tuniitoommon, shahalloyich goyinneyaahote.

Yibbaatoo 9:16

Ta ciinnahaa, ittoshiyoo ittoshi Nuggishoo Doono Yeeri toommooch axaaxoon shuuneꞌi, beehote; aachoon ukkii maanji misiloon ittoshi qellich shuuneꞌi, Doono Yeeri ittoshich gettiti bi gommoochee kaateꞌi badd wottetote.

Woraaferasheenaꞌo 8:24

Biyoo boonoshin “Eke ikke mooyon ittoshi waanee qollebona; kecoochee ittoshi daneti, ittoshi ikkikkoochi aachee koliboon taach imbote” iye. Ebiyoo aachee koliboon gedo Ishmaꞌeeleenaꞌochi doyoo bi tunetoyichiye.

Woraaferasheenaꞌo 8:27

Geediyooniyoo ebi are aachoochee efoodoon shuuneꞌi, bi katemoo tuneti Ofira kotiihe. Israꞌeeleenaꞌo bulli Yeerin qajjiichii, ebi aroyich hammii goyinneheete. Ebi efoodo Geediyooninaa bi kechi asheenaꞌonoyich olloon tunehe.