Keyo 32:34 - Kafa Linguistics Project

³⁴ And hamiree, neech ta getteti xaaꞌooch asheenaꞌon yaabibe. Ta maraakoo ne aafooch hammemmone. Tunetaa ta naxemmi aabo shagiyooba, boonoshi axaaxoyich hini asheenaꞌon naxemmo taane” iye.

Keyo 32:34 ပူးပေါင်းရင်းမြစ်များ

Shoddo 99:8

No Nuggishoo Doono Yeero, boonoshi corootoon waayehine; boonoshich maarechi Nuggishoon tunehine; tunebaani boonoshi gonde shuunee nichoon gaaccehine.

Keyo 15:17

Doono Yeero, ne beeyi kexo bi tunemmoyich, ne shuuneti xaaꞌooch, ta Doonocho, ne kishoo shuuneti, ne yaafee kexooch, ne hajjoo tuneti guudi toommooch, boonoshin deebemmo neene; aroochoo boonoshin manjiyemmo neene.

Keyo 20:5

Aroyichoo goyinne maddeyaahine. Ne Nuggishoo Doono Yeeri ta, qanaatechi Nuggishoo taane; taan shixxii beetinaꞌon, niheenaꞌo shuuneti axaaxee naboyich, keejjinnee shiijjeroonaa awuddinnee shiijjeroonooch beddaahaa boonoshi bushiisheenaꞌon naxaabeeto taane.

Keyo 23:20

“Maraakoon ne aaf daachiibeeto taane. Ebiyoo gommoochaa neen bi quyemmonaa neech ta qanniiti showooch neen bi giijjemmonoyichiye.

Keyo 3:17

Ebich Gibitsaa ittoshi beeggiibeeti xuuxoochee ittoshin kichiree, Kanaaneenaꞌocho, Hiteenaꞌocho, Amooreenaꞌocho, Ferizeenaꞌocho, Hiweenaꞌochonaa Yebuseenaꞌochona tuneti, ejjoonaa eeyonon xuupphiibeeti showooch ittoshin giijjemmo taane” itone’ gete.

Keyo 33:12

Muusiyoo Doono Yeerich ishichiye: “ ‘Hini asheenaꞌon yaabibe’ ito neene; tunebaani taanna tookki konin ne daachiyemmo gaata taach arichiyaano neene. Wotta ‘Neen, ne shigoona ariito taane; ta aafoochaa gidoon daneto neene’ ito neene.

Keyo 33:2

Maraakoon ne aaf shiichiiree, Kanaaneenaꞌon, Amooreenaꞌon, Hiteenaꞌon, Ferizeenaꞌon, Hiweenaꞌonaa Yebuseenaꞌonon yoohi kichemmo taane.

Isiyaasi 63:9

Boonoshi xuuxoona xuuxehe; bi aafeexi maraakoo boonoshin wodiihe; bi shunoona, bi ariqqoonoo boonoshin biishehe; wonnee yemeeno bullin boonoshin tiijjii shaaggiye.

Erimiyaasi 14:10

Doono Yeeri ebi asheenaꞌoyich ishichii beetone: “Yallyallimoon shunnitinaꞌone; boonoshi baatoon yeshaaneenaꞌone; ebich Doono Yeeri ta boonoshina emiraachemmo taane; boonoshi xuꞌoonoo and gabemmo taane; boonoshi axaaxoonoo naxemmo taane” iye.

Erimiyaasi 23:2

Ebich Israꞌeelee Nuggishoo Doono Yeeri bi asheenaꞌon qiddeebeeti qiddeenaꞌoyich ishichiye: “Ta bageenaꞌon gaawichii quyoon qajjiichii shaccito ittoshine; yookkiinoo aalliito ittoshine; tawoo ebi ittoshi gondoyich ittoshin sheeremmo taane” iye Doono Yeeri.

Erimiyaasi 5:29

“Ta, Doono Yeeri ebi mooyinaꞌoyich boonoshin nax bedaachote? Ebiyoommi aageteenaꞌo toommooch, ta qelloona nichoon kichiya bedaachote?

Erimiyaasi 5:9

Ebiyoommi mooyoyich boonoshin naxoo qayote? Ebiyoommi macceenaꞌo toommooch nichoon kichoon qayote?” iye Doono Yeeri.

Hosee'i 8:13

Deejjoon taach giddii beetinaꞌone; deejjee meenonoo maa beetinaꞌone; tunebaani Doono Yeeri ta, boonoshina emiraano taane. And boonoshi xuꞌoon shalligiree, boonoshin sheeremmo taane; Gibitsoo wottemminaꞌone.

Amootsi 3:14

“Israꞌeeleenaꞌon boonoshi axaaxoyich ta naxehooba, Beeteeli beeti deejjee gudoon happi aalliyemmo taane; deejjee gudee qareenaꞌo tiisheree showooch hollemminaꞌone.

Amootsi 3:2

“Showee toommooch beeti aagetee asheenaꞌo bulli daggoochee kaaccaꞌa shiimaa ta yecheto ittoshin baachiye. Ittoshi gondoyich ittoshin ta sheeraabeeto ebichiye” itone.

Haddoo 20:16

Tunebaani Doono Yeer waan no cookaa, no cookoon waayehe; maraakoonoo wocheꞌi, Gibitsee noon kichiye. “ ‘Ebiyoche and ne showee daarooch beeti Qadeesh koteto noone.

Maatiyoosi 23:35

Ebich cadiqo tuneti Abeelichi damoochee tiijjiꞌi, yaafee kexonaa deejjee gudee gutte daggoonoochaa ittoshi wuxiti Baraakiyichi bushoo Zakaariyaasichi damooch beddaahaa, showee toommooch ufeti cadiqeenaꞌo bullichi damee naboona echeyemmo ittoshine.

Yibbaatoo 32:35

Boonoshi etteenaꞌo toommooch nichoon kichiree, boonoshin ta naxemmi aabo katinnitone. Diqqoona boonoshi baatoo giinnemmone; aalliibeeti naxo boonoshi toommooch kindemmone’ iye.