Keyo 32:32 - Kafa Linguistics Project

³² Boonoshi axaaxoon ne maaremmoyich neen qollehoye. Ebi tuno qayigaata, ne kobereti macaafoochee ta shigoon hidibe” iye.

Keyo 32:32 ပူးပေါင်းရင်းမြစ်များ

2 Saameeli 18:33

Taatoo oogeton ayiniye. Uxeree kellee toommooch beeti kexooch kechiꞌi, aroochaa eeppiye. Biyoo hammiibee, “Ta bushoo Abisoloomo, ta bushoocho, ta bushoo Abisoloomo, ne qoodoon ta qitito gaata amo beete! Abisoloomo, ta bushoocho, ta bushoocho!” iibee eeppiye.

Shoddo 139:16

Batt kocceyaani ta ashittinoon ne aafoona beeggehine; taach maacheti aabeenaꞌo batt wonneyaan bee, ne koberooch kooreeheete.

Shoddo 56:8

Ta yallyallimee yemeenoon haddihine; ta acimoonoo ne qiicooch kotiihine; eboshin koberaa yechehine.

Shoddo 69:28

Boonoshi shigo kashechinaꞌochi mazigaboochee hideebe; cadiqeenaꞌona tookki kobereyaayeete.

Keyo 32:10

Eke ne qayaa, kupphe ta kaaroon boonoshi toommooch kindii aaxxiiree, boonoshin aalliibona. Aroochee neennaa ne shiijjereenaꞌonon oogeti aagetoon tuniyemmo taane” iye.

Isiyaasi 4:3

Tsiyoon echetinaꞌo, Yerusaalem beetinaꞌo, kashoona boonoshi beeyemmoyich kobereetinaꞌo bulli, yaafeetinaꞌo getteyemminaꞌone.

Hiziqeeli 13:9

Ta kishoo duube yaaꞌoon beeggii beetinaꞌonaa kootoon qaaxee beetinaꞌonochi toommooch tiyemmone; boonoshi ta asheenaꞌochi iitee daggooch daneyaachemminaꞌone; Israꞌeelee yaree macaafooch kooreyaachemminaꞌone; Israꞌeelee showoochoo giyaachemminaꞌone; ebinoo Nuggishoo Doono Yeeri ta tunoon ariyemmo ittoshine.

Daaneeli 12:1

“Arooba ne asheenaꞌon quyeebeeti, giidechi maraakoo Mikaꞌeeli tiyemmone. Aroochee ne asheenaꞌo ikke aagetoon boonoshi tunetoochee tiijjiꞌi, tunee ariyaani xuuxee yemeeno tunemmone. Tunebaani arooba boonoshi shigo macaafooch kooree daneti ne asheenaꞌo bulli wodemminaꞌone.

Amootsi 7:2

Gechoo showee toommeexi mocoo bullin maa bi ciichoon beeggaꞌa, ishichaꞌa corootiyo: “Nuggishoo Doono Yeero, boonoshin ne maaremmoyich neen qollehoye. Israꞌeeleenaꞌo hakka guuteenaꞌo boonoshi tunetoyich, ebin aabichiree hakkeheete” iyo.

Milikiyaasi 3:16

Ebiyooba Doono Yeerin shattii beetinaꞌo boonoshinaa boonoshina yibbaateheete; Doono Yeeriyoo elleꞌi, boonoshi yibbaatoon waayehe. Doono Yeerin shattii beetinaꞌo, bi shigoonoo oogii beetinaꞌo shalligeyemmi macaafo bi aafoochaa kooreehe.

Milikiyaasi 3:17

Beshe Mawe Doono Yeeri ishichiye: “Ta shuunemmi aabooba boonoshi ta hajjee asheenaꞌo tunemminaꞌone. Asho biich maddeebeeti bi bushoyich bi ariqqoommon tawoo boonoshich ariqqemmo taane.

Haddoo 11:15

Taan ebin ne tuniyoyee, ne aafoochaa gidoon ta danegaata, ta toommooch tunemmi iritoon ta beegoyee, taan wuxibe” iye.

Haddoo 11:25

Aroochee Doono Yeeri quboona kindiꞌi biich yibbaatehe; bi toommooch beeti Ayaanoochee daammiꞌi shabe geeneenaꞌo toommooch kotiihe. Ayaano boonoshi toommooch kottehooba, keemoon keemmiyeete; tunebaani ebiyee gubb keemaaneenaꞌone.

Haddoo 14:19

Gibitsee ne kichitoochee tiijjaa hanaach beddaahaa, boonoshi axaaxoon ne maaroommon, ne ariqqee woddoommonoo hini asheenaꞌochi axaaxoon ne maaremmoyich neen qollehoye” iye.

Luqaasi 10:20

Tunebaani ittoshi shigo shimaayeexi macaafooch bi kooreetoyich emiribotalli, yinneenaꞌo ittoshich boonoshi yittiꞌi hajjee beetoyich emiriyaahote” iye.

Luqaasi 23:34

Yesuusiyoo “Ta Nihoocho, boonoshin maaribe; ebi boonoshi shuunee beeton ariyaaneenaꞌone” iye. Ebiyee gubb, bi tahoon ixoo kuxxiꞌi qoodeeheete.

Roomi 9:3

Ta xibeenaꞌo tuneti ta maneenaꞌoyicha getiree Kiristoosiyee bariree ta qelloona uppeto ta tunemmoyich qaataa beehoye.

Yibbaatoo 25:19

Ebich ne Nuggishoo Doono Yeeri giyi ne woraashemmoyich neech bi immiibeeti showee guudoona beeti ne etteenaꞌo waanee neen bi kashiihooba, shimaayoyee desh beeti, Amaleeqeenaꞌo shalligeyemmi mooyo bullin hidi aalliibe. Ebin ciroona batteyaahine” iye.

Yibbaatoo 29:20

Ebiyoommi ashoon Doono Yeeri maaraachemmone; bi kaaree shiixxoonaa qanaatoonon bi toommooch kindiyemmone; hini macaafooch kooreeti ufo bulli bi toommooch kindemmone. Doono Yeeri bi shigoon hini showee toommoochee aalliyemmone.

Yibbaatoo 9:14

Ne qayaa boonoshin hidi aalliibona; boonoshi shigoonoo showee toommoochee aalliibona. Neennaa ne shiijjeroonon boonoshiyee beshe meetonaa giidechona tuneti aagetoon tuniyemmo taane’ iye.

Filipphisiyoosi 4:3

Ne wotta Yeerichi shuunoona taanna tookkaa xaaqqeeti ibere ta addaaroocho, ebi genneenaꞌon ne gaachemmoyich neen qollehoye; boonoshiyoo taanna tookkii, kashee macaafooch boonoshi shigo kooreeti Qelimixoosinaa wotta taanna tookkii shuuneti bareenaꞌona tookkii mishiraachee qaaroon gamichoyich aajjitinaꞌone.

Yaaꞌoo 17:8

Ne beeggeti cooxo ebiyee aaf beetone; and aalloone; oppee hoonoochee kechaniye bi ii beeto; aalleshoo gettemmone. Showoo halleetoochee tiijjiꞌi boonoshi shigo kashee macaafooch kooreyaani, hini showee toommooch beeti asheenaꞌo, ebi cooxo ebiyee aaf beeto, and aallo, tunebaani gubb woyemmo bi tunoon boonoshi beegiyooba worganemminaꞌone.

Yaaꞌoo 21:27

Bagoochi kashee macaafooch boonoshi shigo kooreetinaꞌoyee beshetaa, amee eeꞌe mooyo tuneba tiyaariibeeti mooyon shuuneebeeto woyee kootoon koottiibeeti asho hini are katemeech ciroona giyaachemmone.

Yaaꞌoo 22:19

Wotta koniyoona hini macaafooch kooreeti keemee qaaroochee amee mooyinona bi shappiigaata, hini macaafooch kooreeti kashoon immiibeeti michi aafoonaa yaafe katemeenoochee bi ixoon shappiyemmone.

Yaaꞌoo 3:5

Gondoochi giidoon kochii wochito ebiyoommon nacce tahoon tahemmone. Bi shigoon kashee macaafoochee hidaachemmo taane; ta Nihoonaa bi maraakeenaꞌonochi aafoochaa bi shigoon arichiyemmo taane.