Keyo 32:30 - Kafa Linguistics Project

³⁰ Dechara Muusi asheenaꞌoyich ishichiye: “Oogeti gonde axaaxoon shuuneto ittoshine. Tunebaani and Doono Yeer waan kechemmo taane; diqqich ittoshi axaaxoyich maaroon daniyemmo taane” iye.

Keyo 32:30 ပူးပေါင်းရင်းမြစ်များ

2 Saameeli 12:9

Ishigaata, amoyich Doono Yeeri ta qaaroon qallayinne? Amoyich ebi gonde mooyon ta aafooch tuniinne? Hitee asho Uuriyi goraadoona bi qitemmoyich tuniihine; Amooneenaꞌo biin goraadoona wuxemmoyich tuniihine; bi mecheenoo daammaꞌa shaaggehine.

2 Saameeli 16:12

Diqqich Doono Yeeri ta xuuxoon beegiree, ebi ufon hanaach taach deꞌoona wochemmo tunemmone” iye.

2 Taateenaꞌo 17:21

Israꞌeeleenaꞌon Daawitichi yareenaꞌoyee bi bariitoyee gubb, boonoshi Nebaaxi bushoo Yeroboꞌamin taatiiheete. Yeroboꞌamiyoo Israꞌeeleenaꞌo Doono Yeerin boonoshi dabbaachemmoyich tuniyoona ooge axaaxoon boonoshi shuunemmoyich tuniihe.

Shoddo 99:6

Muusinaa Haroonina bi qeesheenaꞌo daggooch beetinaꞌone; Saameeliyoo bi shigoon ceeggii beetinaꞌo daggooch beetone; boonoshiyoo Doono Yeer waan cookaa, boonoshi cookoon waayehe.

Keyo 32:29

Aroochee Muusi ishichiye: “Ittoshi anaami bushiisheenaꞌonaa ittoshi maneenaꞌonon wuxoona, Doono Yeerich maddoyich hanaach yaafeeto ittoshine; biyoo hanaach ittoshin diiritone” iye.

Amootsi 5:15

Gonde mooyon shixote; deꞌe mooyon shunote; nallee gabberoochaa dayinneto dabaachemmoyich tuniibote; diqqich Beshe Mawe Nuggishoo Doono Yeeri curo tuneꞌi echeti Israꞌeelee asheenaꞌoyich ariqqo qayaachemmone.

Yoonaasi 3:9

Diqqich Yeeri nooch ariqqeree bi kaaree shiixxoochee wottemmo tunemmone; nowoo qitaanoon wodemmo noone” ii beetone.

Haddoo 16:47

Ebich Harooni Muusi gettitoommon yechiꞌi iiteenaꞌo daggooch wocciye. Naxo asheenaꞌo daggooch bi gimon beeggiꞌi, ixaanoon shookkii boonoshi axaaxoon maariihe.

Haddoo 25:13

Bi, Yeerich qanaateꞌi Israꞌeeleenaꞌon bi maariitoyich, biinnaa biyee gubbi bi shiijjereenaꞌonoyich qeeshittinee maddooch manjee wogoon biich tunemmone” iye.

Luqaasi 15:18

Illa tiyi ta nihoo waan hamiree, “Ta nihoocho, Yeerinaa neennon xuqqeto taane;

Luqaasi 7:47

Ebich neech gettoye: Ceeni bi mulloona taan shunnetine; ebina bi toommooch beeti meeti axaaxoyich maaroon danetine; tunebaani giisheche axaaxoyich maaroon daneti asho giishechooniye bi shunniibeeto” iye.

Roomi 9:3

Ta xibeenaꞌo tuneti ta maneenaꞌoyicha getiree Kiristoosiyee bariree ta qelloona uppeto ta tunemmoyich qaataa beehoye.

Galaati 3:13

“Mixooch yooddeebeeto bulli uppetone” getaa kooreetone; ebich Kiristoosi noocha iꞌi uppeton tuneꞌi sheeroo no toommooch deebemmi ufoochee noon biishehe.

2 Ximootiyoosi 2:25

Bi dojjiibeeti mooyon happiya qiiccee beetinaꞌon shiimoona dojjibee ciice. Diqq Yeeri iberoon boonoshi ariyemmoyich, axaaxee gommoocheenoo bi waan boonoshi wottemmoyich bi daaggigaata,

Yaaqobi 5:16

Ebich ittoshinaa ittoshina ittoshi axaaxoon aannibote; ittoshi biiyoochee ittoshi wodemmoyich ikkoo baroyich corootibe; cadiqe ashi corooto giidechi shuunoon shuunee beetone.

1 Saameeli 12:17

And hini teepphee qecci gooroone. Tawoo Doono Yeer waan corootemmo taane. Biyoo xeeyoonaa amiyonon deejjemmone. Ittoshiyoo taatoo ittoshi toommooch bi taatemmoyich echoona, am shaahe axaaxoon ittoshi shuuneto gaata ebina xiishi ariyemmo ittoshine” iye.

1 Saameeli 12:19

Asheenaꞌo bulli Saameelich “Taatoo no toommooch bi taatemmoyich echoona, bare no axaaxee toommooch hini axaaxoon daakkaꞌa shuuneto noone. No qitaachemmoyich, ne guuno nooch ne Nuggishoo Doono Yeer waan corootibe” iyeete.

1 Saameeli 12:20

Saameeliyoo asheenaꞌoyich ishichiye: “Shattaahote; ebi shaahe axaaxoon shuuneto ittoshi tunetaanoona, Doono Yeerich ceeni ittoshi mulloona goyinne maddebotani, biin dabboon qayiree badd wotteyaahote.

1 Saameeli 12:23

Wotta ittoshich corootee qayona Doono Yeerin xuꞌo ta waanee wohe! Ebiyee ta ittoshich deꞌoonaa kaamoona tuneti mooyon arichiyemmo taane.

1 Saameeli 2:17

Eeli bushiisheenaꞌo axaaxoo Doono Yeeri aafoochaa ebi shaahoon oogeti maggoo tunetone; ebiyoo Doono Yeerich giddeebeeti deejjoon boonoshi qallayii beetoyichiye.