Keyo 32:25 - Kafa Linguistics Project

²⁵ Asheenaꞌo gawukkeenaꞌo boonoshi tunoon, Harooniyoo boonoshin boonoshi gaba gawukkito bi tunoonaa boonoshi etteenaꞌona cooqqireetinaꞌo boonoshi tunoonon Muusi beeggiye.

Keyo 32:25 ပူးပေါင်းရင်းမြစ်များ

Halloo 3:10

Addaamiyoo wochiꞌi, “Michi daggoochaa ne shaꞌee qaaroon waayaꞌa, shokkaachoo ta tunetoyich, shattoye; aashaanoo iyoye” iye.

1 Taateenaꞌo 12:28

Taatoo ebin asheenaꞌona tookkii bi boyeetoyee gubb, gutte maanji misiloon aachoochee shuuneꞌi asheenaꞌoyich, “Israꞌeeleenaꞌote, damba Yerusaalem ebichi wottoon ittoshi hammito beddiye. Gibitsee ittoshin kichiti nuggisheenaꞌo hinoshine” iye.

1 Taateenaꞌo 14:16

Yeroboꞌami shuuneti axaaxoonaa Israꞌeeleenaꞌon bi shuuniiti axaaxoonoyich, Israꞌeeleenaꞌon qajjemmone” iye.

2 Kiinoo 28:19

Yihudee taatoo Akaazi gonde mooyon Yihudee showooch bi ceechoona Doono Yeerich gibeneyoon bi qajjitoyich, Doono Yeeri Yihudee showoon giishiihe.

Keyo 32:26

Biyoo kaambooch giyeebeeti kellooch neexeechii, “Doono Yeericho tunetinaꞌote, ta waan wobote” ii cookiye. Leweenaꞌo bulli bi waan kiceeheete.

Shaahiyoo 29:18

Yaaꞌoo aallegaata maccoo gawukkoo tunemmone; tunebaani sheeroon quyeebeeto diireetone.

Isiyaasi 47:3

Ne achoo xalla bekkemmone; ne ashittino gaxxeyemmone; nichoon kichemmo taane; koninolla echiyaachemmo taane” iye.

Erimiyaasi 5:5

Ogoogeenaꞌo waan hamiree, boonoshich gettemmo taane; Doono Yeerichi gommon, boonoshi Nuggishoochi sheeroonoo, ariyemminaꞌone” iyo. Tunebaani boonoshi bulliyoo kicaa ikkeenaꞌone; boonoshiyoo waanjoon tiichitinaꞌone; cuyoonoo kuxxitinaꞌone.

Hiziqeeli 16:63

Ne tuniiti mooyo bullin echebe ta iyooba ne xuꞌo neech bi tipphiimmona yeellemmi neene; yeellee naboona wochinnoon noonoo wochaachemmi neene, iye Nuggishoo Doono Yeeri’ gete” iye.

Daaneeli 12:2

Qitii boonoshi duukketoochee meetinaꞌo kechemminaꞌone. Keyiree qatinaꞌo bulli yemeenee kashoon danemminaꞌone; wotta qatinaꞌo bulli yemeenoon yeelleree tiyaareetinaꞌo tunemminaꞌone.

Hosee'i 2:3

Ebi tuno qayigaata, biin shooti shokkoon echiiree, bi shiijjehoobiyoommon tuniyemmo taane. Biin barahoommon, shuuꞌi showoommonoo tuniyemmo taane. Shachewoonoo wuxemmo taane.

Mikiyaasi 1:11

Shafiir beeti asheenaꞌo shokke qeddoon tune yeellebee kecaa hammemminaꞌone. Tsanaan beeti asheenaꞌo katemoyee maach keyon hakkaachemminaꞌone. Beet Etseli katemoo eeppi toommooch bi beetoyich, ittoshi dege wodemmi xaaꞌoo arooch daneyaachemmone.

Roomi 6:21

Illa hanaach ittoshi yeelleebeeti mooyinaꞌoochee arooba amee gaacoonolla daneyaano ittoshine. Ebi mooyinaꞌo ciiroochaa qitoochiye boonoshi shakkiibeeto.

Yibbaatoo 9:20

Doono Yeeri Haroonin aalliiya bi gabimmi wottoon, oogichiꞌi kaarehe. Wotta Haroonichoo arooba corootiyo.

Yaaꞌoo 16:15

Doono Yesuusi ishichiye: “Ebiyoche, gaayoochoommon diqqoona woyemmo taane; shokkaachoo tuneree bi hamaachemmoyich, shokkaachoo bi beetaa asho biin beegaa bi yeelleyaachemmoyich, qaalliꞌi bi tahoon quyeebeeti asho diireetone” iye.