Keyo 32:22 - Kafa Linguistics Project

²² Harooniyoo wochiꞌi ishichiye: “Ta doonocho, ippeyaahine. Hini asheenaꞌo bulli aaboon gondo waan gaꞌeebeeti asheenaꞌo boonoshi tunoon ariibeeto neene.

Keyo 32:22 ပူးပေါင်းရင်းမြစ်များ

Halloo 44:18

Yihudi Yooseef waan giddeꞌi ishichiye: “Ta doonocho, doogena ta ne guuno ikke qaareen baach getona. Ne Farooniyoommo neene; doogena ne guuno taan kaareyaahine.

Shoddo 36:4

Bi qeenoochaa gondoon gabiye; gaaweyaani gommo waan wottehe; gonde mooyon shixaache.

Keyo 14:11

Muusichoo ishichiyeete: “Barahoochaa no qitemmoyich noon ne deebeto, Gibitsee showooch maasho aalletenane? Aroochee noon ne kichaa, amo no toommooch shaggito gaata ebin beege.

Keyo 15:24

Asheenaꞌo “Amooniye no uchemmo?” iibee, Muusi toommooch guruuxiyeete.

Keyo 16:20

Tunebaani ikkikke asheenaꞌo Muusichi getoon qajjiꞌi, boonoshi macitoochee qoopphii qeejjiyeete; bi dechara maaddoona hipperee shaaqqiye. Ebich Muusi boonoshin kaarehe.

Keyo 16:28

Aroochee Doono Yeeri Muusich ishichiye: “Ta geteenaꞌonaa ta sheereenaꞌonon ittoshi qayi beeyemmo aati wottooniye?

Keyo 32:1

Muusi wotteyaanoon, guudi toommooch bi yagoon boonoshi beeggiyooba, asheenaꞌo Haroon waan giddeꞌi ishichiyeete: “Tiyiree, no aafooch shiichi noon yaabemmi nuggisheenaꞌon nooch shuunebe. Gibitsee noon kichiti, are uro Muusi aabichii bi ito gaata ariyaano noone” iyeete.

Keyo 32:21

Aroochee Muusi Haroonin “Ebi shaahe magge axaaxoon boonoshi shuunemmoyich ne tuniito, ebi asheenaꞌo neen aabicheenane?” iye.

Shaahiyoo 4:16

Ebi asheenaꞌo, gondoon boonoshi shuuno qayigaata, tokketoo boonoshin daamaanoone; ashoon tephii boonoshi dichoo qayigaata, geepphiroo boonoshin yeshaanoone.

Yibbaatoo 31:27

Am shaahe hukkechonaa babberoona ittoshi gaata ariibeeto taane. Ebiyoche, and kashoona ittoshina tookkaa ta beetaa, hanaach Doono Yeeri toommooch hukkoon tiijjito ittoshine. Illa ta qitiichaa aabichehe!

Yibbaatoo 9:24

Ittoshin ta ariiti aaboochee tiijjiꞌi and beddaahaa, wochii wochiꞌi Doono Yeeri toommooch hukkoon tiijjito ittoshine.

Yibbaatoo 9:7

Muusiyoo daakkiꞌi ishichiye: “Barahoochaa ne Nuggishoo Doono Yeeri shine bi kaaremmoyich am shaahoon ne tuniito gaata shalligibe. Ebin batteyaahine. Gibitsee kechaꞌa hiniich ne shaggemmi wottoon, Doono Yeeri toommooch hukkoon tiijjito neene.

1 Saameeli 15:15

Saaꞌooliyoo wochiꞌi, “Eboshi ginee naayinaꞌo Amaleeqeenaꞌo waanee boonoshi deebitinaꞌone. Asheenaꞌo gaawi gaawe bageenaꞌonaa gatteenaꞌonon boonoshi echiito, ne Nuggishoo Doono Yeerich deejjoyichiye. Tunebaani echetinaꞌon ciroona wuxaa aalliito noone” iye.

1 Saameeli 15:21

Tunebaani asheenaꞌo aallebeete getteeti gaawi gaawe mooyinaꞌon, bageenaꞌonaa gatteenaꞌonon ne Nuggishoo Doono Yeerich Galigalaa deejjoon giddiyoyich deebitinaꞌone” iye.

1 Saameeli 15:24

Saaꞌooliyoo Saameelich “Axaaxoon shuuneto taane. Doono Yeerichi getoonaa ne qaaroonon shaaddeto taane. Asheenaꞌon ta shattetoyich, boonoshi getoon ceechito taane.