Keyo 32:19 - Kafa Linguistics Project

¹⁹ Muusi kaambooch katinnii, ebi maamonaa capphii duubbiibeeti asheenaꞌonon beeggiꞌi, oogeton ippee shinehe; bi kishooch beeti yalle xaqqeenaꞌon, guudi baatoochaa ceqqeꞌi kewucciye.

Keyo 32:19 ပူးပေါင်းရင်းမြစ်များ

2 Saameeli 6:14

Daawitiyoo muttee tuppoochee shippeti efoodoon gitee desh marixxiꞌi, bi giidoon qoophaanoon Doono Yeeri aafooch capphii beehe.

Shoddo 119:53

Ne sheeroon qajjiti asheenaꞌochi naboona oogichaꞌa ippehoye.

Keyo 15:20

Aroochee Haroonichi qaabbe manee keemechi Miiriyami kamboon yechahan; maacheenaꞌo bulliyoo kamboon yexxii capheebee biin dabbiyeete.

Keyo 32:11

Tunebaani Muusi bi Nuggishoo Doono Yeerichi ariqqoon qolleebee ishichiye: “Doono Yeero, ooge ne hakkoonaa giidechi ne mochoona Gibitsee ne kichiti, ne asheenaꞌo toommooch ebi shaahoon oogichaa amoyich kaarenne?

Keyo 32:18

Muusiyoo “Ebi, kochii wochiꞌi wudoo danee qaaro toonoone; kocheꞌi gubb wottee qaaroo toonoone; shoddee qaarooniye ta waayaabeeto” iye.

Keyo 34:1

Doono Yeeriyoo Muusich ishichiye: “Aafichoommi gutte yalle xaqqoon xaribe. Ne tiicheti, aafi yalle xaqqee toommooch beeti qaareenaꞌon kooremmo taane.

Erimiyaasi 31:32

Ebi wogo, ittoshi qaabbechinaꞌon Gibitsee yaabii kichoyich boonoshi kishoon ta yeshiyooba, boonoshina tookkaa ta giyeti wogoommo toonoone; ebiyoo ta boonoshich kenoommon tunaꞌa ta beetaa, taanna tookkii boonoshi giyiti wogoon boonoshi happitoyichiye” iye Doono Yeeri.

Shoosho 5:15

No mulloochee emiroo aalletone; no duubo eefona shaddeetone.

Zakaariyaasi 11:14

Yihudee asheenaꞌonaa Israꞌeeleenaꞌonochi daggooch beeti manaamanittinoon happaꞌa, Ikkittino getteeti guttinnee gumboon tiicheho.

Haddoo 12:3

Showee toommooch beeti asho bulliyee beshoon Muusi bi qelloon giishiibeeti ashoone.

Maatiyoosi 5:22

Tunebaani and ta waanee waayebote! Bi manoon kaareebeeto bulli nallee gabberooch giddemmone; bi manoon ‘Ulloocho!’ iꞌi naaggimmo bulli nallee iitee aafoochaa bi toommooch nalleyemmone; ‘Mullaalli ongoocho!’ iꞌi naaggimmo bulli ‘Shiweree qaaqqooch duppebe’ getaa bi toommooch nalleyemmone.

Maariqoosi 10:14

Yesuusi ebin beeggii kaareꞌi bi dabbeenaꞌoyich ishichiye: “Qayote! Yeerichi taatittine eboshiyoomminaꞌochine. Ebich gishiishi bushiisheenaꞌo ta waan wobeete; bajjaahote.

Maariqoosi 3:5

Yesuusi boonoshi mullo muumetoyich oogichii ayiniꞌi bi guudoona beetinaꞌon kaaree aafoona ciinniye. Uroonoo “Ne kishoon yaggibe” iye. Biyoo yaggiye; bi kishoo wotteꞌi iiwehe.

1 Qorontoosi 10:7

“Israꞌeeleenaꞌo mamonaa uyonoyich koteheete; aroocheenoo duubba tiyiyeete” getaa bi kooreetoommon, boonoshi daggoochee ikkikkeenaꞌo tuniitoommon, shahalloyich goyinneyaahote.

Efesooni 4:26

Ittoshi kaare gaatoona, ebi ittoshi kaaro axaaxooch ittoshin bechiibeeto tunaaye; ittoshi kaaree daggooch aabo giyaaye.

Yibbaatoo 10:2

Aafi ne tiicheti yalle xaqqeenaꞌo toommooch kooreeti qaareenaꞌon ebi areenaꞌo toommooch ta kooraa, taabootooch geddemmo neene’ iye.

Yibbaatoo 27:26

“ ‘Hini sheeree qaaroo bullin ceechiꞌi quyeyaano uppeton tunebe’ geteete. “Asheenaꞌo bulliyoo ‘Ameena’ geteete” iye.