Keyo 32:15 - Kafa Linguistics Project

¹⁵ Muusiyoo gutte yalle miixee xaqqeenaꞌon bi kishooch yechiꞌi, guudi toommoochee kindiye; ebi yalle xaqqeenaꞌo aafinaa gubbinon kooreetinaꞌone.

Keyo 32:15 ပူးပေါင်းရင်းမြစ်များ

Shoddo 19:7

Doono Yeerichi sheeroo ceenoone; kashoon andiriihe; Doono Yeerichi sheeroo gibeneetone; tuushoon ariyecho tuniihe.

Keyo 16:34

Doono Yeeri Muusich gettitoommon, qooppha bi beeyemmoyich, Harooni ebi mannoon taabootee aafooch kotiihe.

Keyo 24:12

Aroochee Doono Yeeri Muusich ishichiye: “Guudi toommooch ta waan wobe. Hiniichoo yagibe. Tawoo Israꞌeeleenaꞌon ne dojjemmi sheeroonaa geteenaꞌonon ta kooriti yalle xaqqeenaꞌon neech immemmo taane” iye.

Keyo 24:18

Aroochee Muusi guudi toommooch kechiꞌi qubee daggooch giyiye. Guudi toommooch aabbe areddoonaa aabbe xumoonon yagiye.

Keyo 31:18

Doono Yeeri Siini guudi toommoochaa Muusina tookkii bi yibbaatoon bi ciichitoyee gubb, bi yapheroona kooreeti, gutte yalle miixee xaqqeenaꞌon Muusich immiye.

Keyo 32:16

Boonoshiyoo Yeeri shuunetinaꞌone; ebi yalle xaqqeenaꞌo toommooch qiicii koorito, Yeerine.

Keyo 34:29

Muusi Doono Yeerina tookkii bi yibbaatetoyich, gutte yalle miixee xaqqeenaꞌon yechiꞌi Siini guudoochee bi kindiyooba, bi baroo waccii beetone; tunebaani bi ebin ariyaanoone.

Keyo 40:20

Aroochee wotta sheeroo kooreeti, gutte yalle xaqqoon daammiꞌi, taabootee maac geddiye; yareenaꞌonoo taabootooch beeti qalibeteenaꞌooch giijjiye; axaaxoon maariyee guufoonoo bi toommooch geddiye.

2 Qorontoosi 3:3

No maddee naboona daneti Kiristoosichi koorichoo ittoshi tuno xalla arichetone; hini koorichoo bi kooreeto beeyechi Yeerichi Ayaanoonalli, qalemoona toonoone; ashi mullee toommoochalli, xareeti xaqqee toommooch toonoone.

2 Qorontoosi 3:7

Wonna sheeroo kooreeto, xareeti xaqqee toommoochiye; sheeroo immehooba, Yeerichi oogee yiiroo waccii bekketone; Muusichi barooch wacciibeeti bekko aallee aallee hammiibeeto bi tunetaanoona, Israꞌeeleenaꞌo Muusichi barooch manjiiꞌi ciinon hakkaaneenaꞌone. Illa qitoon deebiti maddoo ebiyoommi oogee yiiroona bekketo bi tunegaata,

Yibbaatoo 5:22

“Doono Yeeri guudi toommooch kiceeti ittoshi asheenaꞌo bullich bi gettiti geteenaꞌo eboshine. Qaaqqee daggoochaa, quboonaa dunne manderoonochi daggoochaa bi qaaroon oogichiꞌi bi yibbaatehooba bi immiti geteenaꞌon gettiyani, baroon daakkaanoone. Eboshinoo gutte yalle xaqqeenaꞌooch kooriꞌi, taach immiye” iye.

Yibbaatoo 9:15

“Tawoo noonna tookkii bi giyiti wogo kooreeti gutte yalle xaqqeenaꞌon ta gutte kishoona yechaa, ta hilla wottaꞌa guudi toommoochee kindiyo. Areegaata, guudi toommooch qaaqqoo conjii beetone.

Hibireena'o 9:4

Ebi are xaaꞌooch ixaano shookkeebeeti deejjee qiico beetone; ebi deejjee qiico aachoona dikkeetone; wotta bi guude gawo bulli aachoona dikkeeti wogee taaboote beetine; ebi taabootee daggooch mannoo beeti aachee qullo, atee waajjeti Haroonichi gumbeenaa Yeerichi sheeroo kooreeti gutte xaqqeenaꞌona beetinaꞌone.

Yaaꞌoo 5:1

Aroyee gubb taatee qeechi toommooch kotetochi qanne kishooch maacinaa maachina kooreeti, qoddeti macaafoon beeggeho; aroo shabaatte maatemoona nashaa dooggitone.