Keyo 32:12 - Kafa Linguistics Project

¹² Gibitseenaꞌo ‘Guudinaꞌo toommoochaa boonoshin wuxiya, showee toommoocheenoo boonoshin ciroona aalliiya gabiiniye, boonoshin bi kichito’ getiree, amoyich geteeta? Kupphe ne kaaroochee wottebe. Ne asheenaꞌo toommooch kindiiya ne gabiti mooyon qaye.

Keyo 32:12 ပူးပေါင်းရင်းမြစ်များ

Halloo 6:6

ashoon showee toommooch bi hallitoyich ayiniye; bi mulloonoo tuummiye.

1 Taateenaꞌo 8:51

Xuuroon wociibeeti qaaqqee sheelloommi Gibitsee ne kichiti ne hajjee asheenaꞌone.

Iziri 10:14

Ebich no ukkireenaꞌo, iiteenaꞌo bullichi qoodooch neexebeete; no katemoo bulliich beeti, dallaawe maacheenaꞌon shaaggitinaꞌo bulli boonoshi katemi katemoo bulliichee taajji taajjee aabooba wobeete; boonoshi katemi katemeexi geeneenaꞌonaa nallechinaꞌona boonoshina tookki wobeete. Ebina no toommooch kinditi, no Nuggishoochi kaaree shiixxoo no waanee wokkemmone” iyeete.

Shoddo 106:45

Boonoshich bi wogoon gabiye; beshaa beshe bi shoodoommona boonoshin ariqqehe.

Shoddo 74:18

Doono Yeero, aabichii etto cooqqiriibeeto gaata, mullaalli asheenaꞌo ne shigoon hoxeebeeto gaatoo, ciine.

Shoddo 78:38

Ebi tunetaanoona bi boonoshich ariqqehe; boonoshi axaaxoon maariyani boonoshin aalliyaanoone. Bi kaaroon meeti aaboon shuuchehe; kupphe bi kaaro bullin kindiyaanoone.

Shoddo 85:3

Ne kaaree shiixxoo bullin wokkiimmo neene; kupphe ne kaaroochee wottemmo neene.

Shoddo 90:13

Doono Yeero, noon ne kaare beeyemmo aati wottooniye? Ne guuno no waan wotteree, nooch ariqqebe.

Keyo 32:14

Doono Yeeriyoo bi gaboon shaddiꞌi, bi asheenaꞌo toommooch deeba bi gabiti mooyon deebaanoon qajjiye.

Keyo 33:13

Gidoon daneto ta tunegaata, neen ta ariyemmonaa ne aafoochaa gaawe aafoona ciiche ta beeyemmonoyich, and ne gommon taach ne bekkiyemmoyich neen qollehoye. Wotta hini aagetoo ne aagetoo bi tunoon gabibe” iye.

Isiyaasi 64:7

Ne aafoon no waanee ne wochitoyich, no axaaxee daggooch noon ne qajjetoyich, ne waan corootiibeeto aalloone; neenna yesheya qaawiibeeto aalloone.

Isiyaasi 64:8

Tunetaa Doono Yeero, ne, no Nihoo neene; no, nuuqqoo noone; newoo noon hacheto neene; no bulli ne kishee shuunoo noone.

Erimiyaasi 28:16

Ebich Doono Yeeri ishichiye: ‘Showee toommoochee neen aalliyemmo taane; Doono Yeeri ta toommooch hukkoon ne yibbaatetoyich, hini natooch qitemmo neene’ itone” iyo.

Hiziqeeli 20:14

Tunebaani boonoshi ciinnii beetaa ta kichiti aageteenaꞌo aafoochaa ta shigo qallayeyaachemmoyicha iyaꞌa ebin tuniyaano taane.

Hiziqeeli 20:22

Tunebaani boonoshi ciinnii beetaa ta kichiti aageteenaꞌo aafoochaa ta shigo qallayeyaachemmoyicha iyaꞌa ebin tuniyaanoon ta mochoon gubb wochiyo.

Hiziqeeli 20:9

Tunebaani boonoshina tookkii beeti aageteenaꞌo aafoochaa Israꞌeeleenaꞌoyich bekkaꞌa boonoshin Gibitsee kichoyich ta gibenikkitoyich, ta shigo qallayeyaachemmoyicha iyaꞌa ta shigoyich ebin tuniyaano taane.

Yoꞌeeli 2:17

Doono Yeerich maddeebeeti qeesheenaꞌo, deejjee gudoonaa yaafee kechi godoonochi gutte daggoochaa eefeete! “Doono Yeero, ne hajjee asheenaꞌoyich ariqqebe. Aageteenaꞌo ‘Boonoshi Nuggishoo aaye?’ geti boonoshi coonemmonaa hoxemmonoyich tuniyaahine” geteete.

Amootsi 7:3

Ebich Doono Yeeri bi gaboon shaddiꞌi, “Ishigaata, illa ebi ne beeggeti mooyo tuneyaachemmone” iye.

Amootsi 7:6

Ebich Doono Yeeri bi gaboon shaddiꞌi, “Ishigaata, ebiyoo wotta tuneyaachemmone” iye.

Yoonaasi 3:9

Diqqich Yeeri nooch ariqqeree bi kaaree shiixxoochee wottemmo tunemmone; nowoo qitaanoon wodemmo noone” ii beetone.

Zakaariyaasi 8:14

Beshe Mawe Doono Yeeri ishichiye: “Ittoshi qaabbechinaꞌo taan oogichii boonoshi ippiihooba ikke amoonolla ayinaanoon boonoshi toommooch gondoon tuniiya maacceto taane.

Haddoo 14:19

Gibitsee ne kichitoochee tiijjaa hanaach beddaahaa, boonoshi axaaxoon ne maaroommon, ne ariqqee woddoommonoo hini asheenaꞌochi axaaxoon ne maaremmoyich neen qollehoye” iye.

Haddoo 16:21

“Boonoshi bullin ikke wottoona ta aalliyemmoyich, hini iiteenaꞌo daggoochee wohote” iye.

Yibbaatoo 32:36

“Boonoshi giidoo qayon, guuno tuneba doono, koniyoona echee qayon bi beegiyooba, Doono Yeeri bi asheenaꞌoyich nallemmone; bi guuninaꞌoyichoo ariqqemmone.

Yibbaatoo 9:28

Ebi tuno qayigaata, noon kichaa ne deebeti showooch beeti asheenaꞌo, “Doono Yeeri boonoshich imma bi gibenikkiti showooch boonoshin daamon bi mawiitoyich, boonoshinoo bi shixxitoyich, wuxiya barahooch daammite” gettemminaꞌone.

Yaasi 7:26

Hanaach beddaahaa bekkeebeeti, ooge xaqqee gutoon aree toommooch gutiyeete. Ebina Doono Yeeri bi kaaree shiixxoochee wottehe. Ebich hanaach beddaahaa, ebi are xaaꞌoo Akoori Bamboo getteehe.

Yaasi 7:9

Kanaaneenaꞌonaa hini showee daggeexi asheenaꞌo bullina ishin waayeree noon giichemminaꞌone; noon wuxi aalliyemminaꞌone. Illa ooge ne shigoyicha getiree amooniye ne tuniyemmo?” iye.

1 Saameeli 12:22

Doono Yeeri ittoshin bi asho tuniiya shunnito bi tunetoyich, Doono Yeeri ooge bi shigoyicha getiree, bi asheenaꞌon qayaachemmone.