Keyo 32:10 - Kafa Linguistics Project

¹⁰ Eke ne qayaa, kupphe ta kaaroon boonoshi toommooch kindii aaxxiiree, boonoshin aalliibona. Aroochee neennaa ne shiijjereenaꞌonon oogeti aagetoon tuniyemmo taane” iye.

Keyo 32:10 ပူးပေါင်းရင်းမြစ်များ

Halloo 12:2

“Meeti shiijjereenaꞌon neech ta imaa, boonoshiyoo aricheti aagetoon tunemminaꞌone. Neen diiremmo taane; ne shigoonoo aricheto tuniyemmo taane. Ebich meeti asheenaꞌo neenna diireyemminaꞌone.

Shoddo 106:23

Boonoshin aalliyoochee bi kaaro wottemmoyich, bi kaacciti Muusi bi aafooch bi neexeyaan gaata, boonoshin aalliyesho bi tunoon gettiye.

Keyo 22:24

Ta kaaree shiixxoon kindiiree, goraadoona ittoshi qitemmoyich tuniyemmo taane; ittoshi mecheenaꞌo xuumeenaꞌo, ittoshi bushiisheenaꞌoo nihaalleenaꞌo tunemminaꞌone.

Keyo 32:11

Tunebaani Muusi bi Nuggishoo Doono Yeerichi ariqqoon qolleebee ishichiye: “Doono Yeero, ooge ne hakkoonaa giidechi ne mochoona Gibitsee ne kichiti, ne asheenaꞌo toommooch ebi shaahoon oogichaa amoyich kaarenne?

Keyo 32:19

Muusi kaambooch katinnii, ebi maamonaa capphii duubbiibeeti asheenaꞌonon beeggiꞌi, oogeton ippee shinehe; bi kishooch beeti yalle xaqqeenaꞌon, guudi baatoochaa ceqqeꞌi kewucciye.

Keyo 33:3

Ejjoonaa eeyona xuupphiibeeti showooch hambote. Tunebaani babberoo ittoshi tunetoyich, gommoochaa ittoshin ta aalliyaachemmoyich, ittoshina tookki hamaachemmo taane” iye.

Erimiyaasi 11:14

“Newoo ebi asheenaꞌoyich corootiyaahine; boonoshi iritooba ta waan boonoshi corootigaata, waayeyaachemmo ta tunetoyich, boonoshi naboyich cookiyaahine, corootishoo gettaahine.

Erimiyaasi 14:11

Doono Yeeri taach ishichiye: “Hini asheenaꞌochi diggittinoyich qolleyaahine;

Erimiyaasi 15:1

Aroochee Doono Yeeri taach ishichiye: “Muusinaa Saameelina ta aafooch neexetaanona ta mullo hini asheenaꞌo waan wotteyaachemmone. Ta aafoochee daachiibe; hambeete.

Erimiyaasi 7:16

“Erimiyaaso, boonoshich ne corootiibeeti corootoon waayeyaachemmo ta tunetoyich, hini asheenaꞌoyich ta waan corootiyaahine; ne qaaroon oogichi cookiree boonoshich qolleyaahine; boonoshin shoobba giyaahine.

Hiziqeeli 20:13

“ ‘Tunebaani Israꞌeelee macceenaꞌo barahoochaa ta toommooch tiyiyeete; asho bi ceechigaata kashoona bi beeyemmi ta qociyoona beemon qajjiyeete; ta getoonoo hamaaneenaꞌone; ta shambetoonoo ciroona eeꞌiiheete. Ebiyooba boonoshin aalliyoyich, ta kaaroon barahoochaa boonoshi toommooch kindiiya gabiyoye.

Haddoo 14:12

Boonoshin kupphe biiyoona yexxemmo taane; boonoshin aalliyemmo taane. Neen boonoshiyee beshe meetinaꞌonaa hakkechinaꞌonoyich nihoo tuniyemmo taane” iye.

Haddoo 16:21

“Boonoshi bullin ikke wottoona ta aalliyemmoyich, hini iiteenaꞌo daggoochee wohote” iye.

Haddoo 16:22

Muusinaa Haroonina baroona showooch guufeechii, “Nuggishoo Yeero, asho kasho bulli Nuggishoocho, ikke uro shuuneti axaaxoona iiteenaꞌo bullin kaarenne?” iyeete.

Yibbaatoo 9:14

Ne qayaa boonoshin hidi aalliibona; boonoshi shigoonoo showee toommoochee aalliibona. Neennaa ne shiijjeroonon boonoshiyee beshe meetonaa giidechona tuneti aagetoon tuniyemmo taane’ iye.

Yibbaatoo 9:19

Doono Yeeri oogichii kaareꞌi ittoshin aalliiya bi itoyich, tawoo bi kaaree shiixxoon shattoye. Tunebaani Doono Yeeri arooboo ta qolloon waayehe.

Yaaqobi 5:16

Ebich ittoshinaa ittoshina ittoshi axaaxoon aannibote; ittoshi biiyoochee ittoshi wodemmoyich ikkoo baroyich corootibe; cadiqe ashi corooto giidechi shuunoon shuunee beetone.