Keyo 31:18 - Kafa Linguistics Project

¹⁸ Doono Yeeri Siini guudi toommoochaa Muusina tookkii bi yibbaatoon bi ciichitoyee gubb, bi yapheroona kooreeti, gutte yalle miixee xaqqeenaꞌon Muusich immiye.

Keyo 31:18 ပူးပေါင်းရင်းမြစ်များ

2 Taateenaꞌo 11:12

Aroochee Yoyaadi taatoochi bushoon kichiꞌi, gubbichoon ukiihe; wogee macaafoonoo biich immiye; taatoo bi tunoon awaajjiyeete; biinoo huuttiꞌi taatiiheete. Boonoshiyoo koppeebee, “Taatoo hume naton taatebe” ii cookiyeete.

Keyo 24:12

Aroochee Doono Yeeri Muusich ishichiye: “Guudi toommooch ta waan wobe. Hiniichoo yagibe. Tawoo Israꞌeeleenaꞌon ne dojjemmi sheeroonaa geteenaꞌonon ta kooriti yalle xaqqeenaꞌon neech immemmo taane” iye.

Keyo 24:18

Aroochee Muusi guudi toommooch kechiꞌi qubee daggooch giyiye. Guudi toommooch aabbe areddoonaa aabbe xumoonon yagiye.

Keyo 8:19

Kaayechinaꞌoo Faroonich “Hini mooyo Nuggishoo shuunoone” iyeete. Farooni mullo andoo muumoone. Doono Yeeri gettitoommon, Muusinaa Haroonina gettiton waayeyaanoone.

Erimiyaasi 31:33

“Tunebaani ebi are yemeenoyee gubb Israꞌeelee macceenaꞌona tookki ta giyemmi wogo ebine” iye Doono Yeeri. “Ta sheeroon boonoshi mullooch kotiyemmo taane; boonoshi mullee cilloochoo kooremmo taane; tawoo boonoshi Nuggishoo tunemmo taane; boonoshiyoo ta macceenaꞌo tunemminaꞌone.

Maatiyoosi 12:28

Tunebaani ta Yeerichi Ayaanee giidoona yinnoon yookkaabeeto ta tunegaata, illa Yeerichi taatittine ittoshi waan shaggetine.

Luqaasi 11:20

Tunebaani ta Yeerichi giidoona yinnoon yookkaabeeto ta tunegaata, illa Yeerichi taatittine ittoshi waan shaggetine.

2 Qorontoosi 3:3

No maddee naboona daneti Kiristoosichi koorichoo ittoshi tuno xalla arichetone; hini koorichoo bi kooreeto beeyechi Yeerichi Ayaanoonalli, qalemoona toonoone; ashi mullee toommoochalli, xareeti xaqqee toommooch toonoone.

Yibbaatoo 10:4

Iitoo kiceehooba, guudi toommoochaa, qaaqqee daggoochaa Doono Yeeri ittoshich bi gettiti, ebiyee aaf bi kooritoommi aashire geteenaꞌon arooch kooriye; Doono Yeeriyoo eboshin taach immiye.

Yibbaatoo 4:13

Biyoo ittoshi quyemmoyich bi immiti, biinnaa ittoshinochi daggooch beeti wogoon, ebiyoo aashire geteenaꞌon ittoshich gettiye. Ebi aroonoo gutte yalle xaqqeenaꞌo toommooch kooriye.

Yibbaatoo 5:22

“Doono Yeeri guudi toommooch kiceeti ittoshi asheenaꞌo bullich bi gettiti geteenaꞌo eboshine. Qaaqqee daggoochaa, quboonaa dunne manderoonochi daggoochaa bi qaaroon oogichiꞌi bi yibbaatehooba bi immiti geteenaꞌon gettiyani, baroon daakkaanoone. Eboshinoo gutte yalle xaqqeenaꞌooch kooriꞌi, taach immiye” iye.

Hibireena'o 9:4

Ebi are xaaꞌooch ixaano shookkeebeeti deejjee qiico beetone; ebi deejjee qiico aachoona dikkeetone; wotta bi guude gawo bulli aachoona dikkeeti wogee taaboote beetine; ebi taabootee daggooch mannoo beeti aachee qullo, atee waajjeti Haroonichi gumbeenaa Yeerichi sheeroo kooreeti gutte xaqqeenaꞌona beetinaꞌone.