17 Doono Yeeri Muusich ishichiye:
Aroochee Huraami ooge gamini goonoon gooshoochee shuunehe. Ebi goonoo guude gawo tuneechii hachi bi noonoochee okki bi noonooch beddaahaa aashire hiroo, bi neexo uuche hiroo, bi guude gawo shaashe hiroone.
Huraami aashire gishiishi gooneenaꞌon gooshoochee shuunehe. Ebiyoo ikke goonee kotoyich ikke giishi goonoon getone. Ebi gishiishi gooneenaꞌo bulli maaco awudde hiroone. Eboshiyoo shimitte balle neetiree aacon yechii beetinaꞌone.
Aroochee wotta aashire gishiishi gooneenaꞌon shuuniiꞌi uuchoon deshi-waan, uuchoon dambi-waan kotiihe. Ebi gishiishi gooneenaꞌo micciibeeti deejjoyich giddeebeeti gijjeenaꞌochi meeno aroochaa macheyemmi gooneenaꞌone; ooge gamini goonooch beeti aaco qeesheenaꞌo aroochee machemmi aacone.
Axaaxoon maariibeeti gijjoon Israꞌeeleenaꞌo waanee deꞌiree danee duukkaanee maddee shuunooch heechiibe. Doono Yeeri ta aafooch Israꞌeeleenaꞌoyich boonoshi axaaxoon maariyoyich shalligichoo tunemmone” iye.
“Machee aaco koteebeeti gafetoon bi kotoona tookki gooshoochee shuunebe. Danee duukkaanoonaa deejjee gudoonochi gutte daggooch kotiibe. Aroochoo aacon gede.
Betsaleeli micciibeeti deejjoo giddeebeeti deejjee gudoon geellee mixoochee shuunehe. Ebi deejjee gudo bi gidoo uuche hiroo, bi maaco uuche hiroo, bi neexoo keejje hiroo tuneechii, awudde bi naaboo tatoone.
Betsaleeli danee duukkaanee kellooch maddeebeeti genneenaꞌo deebiti, gooshee heeraawoochee machee aaco koteebeeti gafetoonaa bi kotoonon, shuunehe.
