Keyo 30:12 - Kafa Linguistics Project

¹² “Israꞌeeleenaꞌon ne haddiyooba, asho bi ikkikkoona bi kashoyich biisho tunemmi biishee gijjoon Doono Yeerich qoce. Ebiyoo boonoshin ne haddiyooba, naxo boonoshi toommooch bi shagaachemmoyichiye.

Keyo 30:12 ပူးပေါင်းရင်းမြစ်များ

1 Kiinoo 21:1

Sheexaanoo Israꞌeeleenaꞌo toommooch tiyiꞌi, Daawiti Israꞌeeleenaꞌon haddiyemmoyich tuniihe.

1 Kiinoo 21:12

“Keejje nati shaacoo ne showooch giba? Woyee keejje agenee wottoon ne etteenaꞌo neen yoohi dabbi beetaa, boonoshi aafoochee woci beeyenne? Woyee keejje qemi wottoon Doono Yeerichi goraadoona, ebi geto qeqqichiibeeti biiyoona wuxii aalliibeeti maraakoon Israꞌeelee showoo bulliich deejjiba? Ebi mooyon gaawichi gabiree taach ne getee, taan wocheto waan daambona” iye.

1 Kiinoo 21:14

Ebina Doono Yeeri Israꞌeeleenaꞌo toommooch qeqqichiibeeti biiyoon deejjiye; Israꞌeeleenaꞌo daggoochee shabe hume asheenaꞌo ciireheete.

1 Kiinoo 21:3

Tunebaani Yoꞌaabi ishichiye: “Doono Yeeri bi asheenaꞌo haddoon andichoyee balle kishoon beshiibe; taatoo ta doonocho, bulliyona ne guuninaꞌo tooneenaꞌone? Taatoo ta doonocho, ebin tuniyoona Israꞌeeleenaꞌon xuꞌechinaꞌo ne tuniyemmo amoyichiye?” iye.

1 Kiinoo 27:24

Tseruuyi bushoo Yoꞌaabi haddoon wonniye. Tunebaani ciichaanoone. Boonoshi haddeyee naboona Israꞌeeleenaꞌo toommooch kaaro kindiye. Ebich boonoshi haddoo taatoo Daawitichi mazgabooch giyaanoone.

2 Kiinoo 24:6

Ebich taatoo boonoshi wulloo Yoyaadin ceeggiꞌi, “Israꞌeelee iiteenaꞌo miixee duukkaanoyich boonoshi qoccemmi, Doono Yeerichi guuno Muusi gettiti gibiroon, Yihudee asheenaꞌonaa Yerusaalemi asheenaꞌona waanee boonoshi kichiyemmoyich Leweenaꞌon kupphiyoo ne qajjeto amoyichiye?” iye.

2 Kiinoo 24:9

Doono Yeerichi guuno Muusi Israꞌeeleenaꞌo qoccemmoyich barahoochaa bi gettiti gijjoon Doono Yeerich boonoshi deebemmoyich Yihudee showoonaa Yerusaaleminooch awaajjoon gettiyeete.

Iyoobi 33:24

ebi are maraakoo biich ariqqeree Yeerich, ‘Maash bi hammemmoyich tuniyaahine; ta biin biisheree wodiyemmo taane’ bi getigaata,

Iyoobi 36:18

Gaanno neen bi dachaachemmoyich, xucco neen bi muriciyaachemmoyich, ne qelloon ariibe!

Shoddo 49:7

Asho bi manoon biishoon, woyee bi kashee gatiyoon Yeerich qocon, hakkaache.

Keyo 30:11

Aroochee Doono Yeeri Muusich ishichiye:

Haddoo 31:49

Muusich ishichiyeete: “Ne guuno no, no kishooch beeti ginee naayinaꞌon haddito noone. No haddaa ikkolla shappito aalloone.

Haddoo 31:50

Ebich no ikkikkoona no daneti aachee qiicoon, aachee allubboon, aachee shagaamoon, axxaamittoon, waajji aachoonaa qettee aachoonon, no kashoon Doono Yeeri aafoochaa maariyoyich, Doono Yeerich wojjoo deebeto noone” iyeete.

Maatiyoosi 20:28

Ashi Busholla wocheyoonaa bi kashoon meetinaꞌochi keroyich deejjoonoyich waahalli, boonoshi biich wocheebeete iꞌi waataanoone” iye.

Maariqoosi 10:45

Ashi Busholla wocheyoonaa bi kashoon meetinaꞌochi keroyich deejjoonoyich waahalli, boonoshi biich wocheyemmoyich waataanoone” iye.

1 Ximootiyoosi 2:6

Asho bullin biisheree wodiiya bi kashoon deejjito biine. Ebiyoo tate yemeeno shagiyooba Yeerichi wodiyee shuunoon bekkiibeeti miixittinoone.