Keyo 30:1 - Kafa Linguistics Project

¹ “Ixaano shookkeyemmi deejjee gudoon geellee mixoochee shuunebe.

Keyo 30:1 ပူးပေါင်းရင်းမြစ်များ

1 Taateenaꞌo 6:20

Ebi Yaafe Xaaꞌeexi Yaafee gidoo hiye hiroo, bi maaco hiye hiroo, bi neexo hiye hiroone; ebinoo xalle aachoona dikkehe; wotta yigee mixoochee shuuneeti deejjee gudoon aachoona dikkehe.

1 Taateenaꞌo 6:22

Yaafee kechi maaco bullin aachoona dikkehe; maaci Yaafe Xaaꞌeexi Yaafee ciinooch beeti deejjee gudee achoo bullinoo aachoona dikkehe.

1 Taateenaꞌo 7:48

Solomooni Doono Yeerichi yaafee kexoyich tunemmi qiiceenaꞌo bulli shuuneyemmoyich tuniihe; eboshiyoo: Aachee deejjee gudo; yaaree kosho kotemmi aachee madelloo;

1 Kiinoo 28:18

Wotta daakkiꞌi, xalle aachoochee shuuneyemmi ixaanee deejjee gudoonaa Doono Yeerichi wogee taabootoon boonoshi qoshoona qeremmi kiruubeenaꞌochi gaarina shuuneyemmi aachee qeelloon immiye.

1 Kiinoo 6:49

Tunebaani Harooninaa bi shiijjeroona micciibeeti deejjee gudoonaa ixaanee deejjee gudoonooch deejjoon giddii beeheete. Boonoshiyoo Yaafe Xaaꞌeexi Yaafoochaa maddeebeeti maddoonaa Yeeri Israꞌeeleenaꞌochi axaaxoon bi maaremmoyich giddeebeeti deejjoonochi toommooch ukkireenaꞌone. Ebin Yeerichi guuno Muusi gettitoommon tuniiꞌi shuunee beeheete.

2 Kiinoo 26:16

Tunebaani Uziyaahi kupphe taatoo bi tunetoyee gubb, geeciye. Ebi bi geecoo bi dihoyich naboo tunehe. Biyoo bi Nuggishoo Doono Yeerin xuqqiye. Ixaanee deejjee gudoochaa ixaanoon shookka Doono Yeerichi yaafee kexooch giyiye.

Keyo 30:10

Harooni natooch ikke wottoon axaaxoon maariyoyich deejjeeti gijjee damoochee daami, ixaanee deejjee gudee awudde qareenaꞌooch huute. Nati natona ebi axaaxoon maariyee deejjee doyoo gubbi ittoshi shiijjeroo bulliich beddaahaa, tunebe. Ebi ixaanee deejjee gudo Doono Yeeri taach oogeti yaafoone” iye.

Keyo 30:2

Ebi gudo bi gidoo ikke hiroo, bi maaco ikke hiroo tunebe; awudde bi naaboo bulli tato tunebe; bi neexoo gutte hiroo tunebe. Ebi are deejjee gudee awudde shuutoona beeti qareenaꞌo tookkii ikkochee shuuneetinaꞌo tunebeete.

Keyo 31:8

ebiyoo madelloon bi qiiceenaꞌona tookki, xalle aachoochee shuuneeti aachee maqirajjoon bi qiico bullina tookki, ixaano shookkeebeeti deejjee gudoon,

Keyo 35:15

ixaanee deejjee gudoon, bi yareenaꞌon, bi huutee zayitoonaa cinnechi bi ixaanoonon; yaafee duukkaanee kelloyich tunemmi maccillaatoon;

Keyo 39:38

aachoochee shuuneeti, ixaanee deejjee gudo, huutee zayito, cinnechi ixaano; duukkaanee kelloyich tunemmi maccillaatoo;

Keyo 40:5

Aachoochee shuuneeti, ixaano shookkeyemmi deejjee gudoon miixee taabootoyee aaf kotiibe. Yaafee duukkaanee kellooch maccillaatoon gede.

Hiziqeeli 41:22

Mixoochee shuuneti deejjee gudee neexo keejje hiroo, bi gidoo gutte hiroo, bi maaco gutte hiroone; bi shuutoo, bi baatoonaa bi naaboona mixoochee shuuneetone; biyoo taach “Ebi Doono Yeeri aafooch beeti madelloone” iye.

Leweenaꞌo 4:18

Wotta are damoochee daamiree, danee duukkaanee daggooch, Doono Yeeri ta aafooch beeti, deejjee gudee qareenaꞌon huute. Echeti damoon micciibeeti deejjoo giddeebeeti, danee duukkaanee kellooch beeti deejjee gudee xepphooch ukkibe.

Leweenaꞌo 4:7

Wotta are damoochee daamiree danee duukkaanee daggooch, Doono Yeeri ta aafooch beeti, gaawe cinnechi ixaano geddeebeeti deejjee gudee qareenaꞌon huute. Echeti damoon micciibeeti deejjoo giddeebeeti, danee duukkaanee kellooch beeti deejjee gudee xepphooch ukkibe.

Haddoo 3:31

Taabootoon, madelloon, maqirajjoon, deejjee gudeenaꞌon, Yaafe Xaaꞌoochaa maddoyich gaacciibeeti qiiceenaꞌon, Yaafe Xaaꞌeexi Yaafee gimooch beeti maccillaateenaꞌonaa eboshina tookkii maddoyich gaacciibeeti qiico bullinon quyemminaꞌone.

Haddoo 4:11

“Aroochee, aachee deejjee gudee toommooch shimaayite qoreddoon oppebeete; gaawichaa qucheti gooqqoona kaafeete; yareenaꞌonoo boonoshi xaaꞌooch giijjibeete.

Hibireena'o 9:4

Ebi are xaaꞌooch ixaano shookkeebeeti deejjee qiico beetone; ebi deejjee qiico aachoona dikkeetone; wotta bi guude gawo bulli aachoona dikkeeti wogee taaboote beetine; ebi taabootee daggooch mannoo beeti aachee qullo, atee waajjeti Haroonichi gumbeenaa Yeerichi sheeroo kooreeti gutte xaqqeenaꞌona beetinaꞌone.

Yaaꞌoo 8:3

Bare maraakoo ixaano shookkeebeeti aachee qiicoon yechii waaꞌi, deejjee gudee gaꞌooch neexehe. Taatee qeechi aafooch beeti, aachoochee shuuneeti deejjee gudee toommooch yaafeenaꞌo bullichi corootoona tookki bi giddiyemmi dofee ixaano biich ichehe.