Keyo 3:7 - Kafa Linguistics Project

⁷ Aroochee Doono Yeeri ishichiye: “Gibits beeti ta asheenaꞌochi xuuxoon beeggeto taane; boonoshin shuuniibeeti ukkireenaꞌo maacee manjoochee tiyitona, boonoshi cookiibeeti cookoon waayeto taane. Boonoshi xuuxoonoo digeneto taane.

Keyo 3:7 ပူးပေါင်းရင်းမြစ်များ

Halloo 16:11

Aroochee Doono Yeerichi maraakoo daakkiꞌi, “Ebiyoche, and xifeti neene; anaami bushoonoo shiyemmi neene; Doono Yeeri iriteyaꞌa ne cookoon bi waayetoyich, bushoochi shigoon, Ishmaꞌeeli geti shigiyemmi neene.

Halloo 18:21

Ebi boonoshi mooyo ta waayetoommon, iberoo bi tunoonaa tunee bi qayonon xiishoyich, boonoshi waan kindaaniye ta beeto” iye.

Halloo 21:17

Yeeri bushoochi eefon waayehe. Yeerichi maraakoo shimaayoochaa Haggaarin ceeggiꞌi ishichiye: “Haggaare, akkitine? Yeeriyoo ne bushoo eeppiti eefon waayetone. Ebich shattaahine.

Halloo 29:32

Liyiyoo xifaa anaami bushoon shiyahan. “Doono Yeeri ta iritoon beeggitone. Iberoon ebiyee bekk ta keno taan shunnemmone” iyan. Ebich bushoo shigoon, Roobeeli iyaa shigiihan.

Halloo 31:12

Taachoo ishichiye: ‘Emmisheenaꞌon shuggeebeeti emmishee baaddeenaꞌo bulli koorechinaꞌo, kushaakusheenaꞌonaa bureenaꞌona boonoshi tunoon ne aafoon kaachiree ciine. Ebi tuneto, Labaani ne toommooch bi tuniibeeto bullin ta beeggetoyichiye.

Halloo 31:42

Ta nihinihoo Abrahaminaa ta nihoo Yisaaqina goyinneti Nuggishoo taanna tookkii toono bi gaata, shokke kishooniye taan ne deejjesho. Tunebaani Yeeri ta iriteyoonaa ta aayonon ciinniꞌi, yiichi xum neen kaarehe” iye.

2 Saameeli 22:28

Xukketinaꞌon wodiihine; tunebaani geecechinaꞌon giishiihine.

2 Taateenaꞌo 13:4

Ebich Yoꞌakaazi Doono Yeerin qollehe. Doono Yeeriyoo Sooriyee taatoo Israꞌeeleenaꞌon neexxii hajjoon bi beeggitoyich, bi qolloon waayehe.

2 Taateenaꞌo 20:5

“Wotte hamiree, ta asheenaꞌon yaabii qeejjiibeeti taatoo Hiziqiyaasich ishichibe: ‘Ne qaabbechi Daawitichi Nuggishoo Doono Yeeri ishichiye: “Ne corootoon waayeto taane; ne acimoon beeggeto taane; neen woddiyemmo taane; keejjinnee qemooba, damba Doono Yeeri ta yaafee kexooch hammemmo neene.

Nehimi 9:9

“Gibits boonoshi beehooba no qaabbechinaꞌochi xuuxoon beeggehine; Ceelle baharoochaa boonoshi cookoon waayehine.

Shoddo 106:44

Ebi tunetaanoona boonoshi cookoon bi waayehooba, boonoshi xuuxoon beeggiye.

Shoddo 12:6

Doono Yeerichi gibenee qaaro xalloone; qaaqqee gudoochaa ukkeeꞌi, shabaatte wottoon xalleti, birewoommone.

Shoddo 142:3

Ta mullo qitiyooba, ta tuniyemmon ne ariihine; ta hammaabeeti gommooch ta etteenaꞌo taach shaachoon shaachiyeete.

Shoddo 145:19

Biin shattii beetinaꞌochi qaatoon ceechemmone; boonoshi cookoon waayeꞌi boonoshin wodiihe.

Shoddo 22:24

Aroo xukketochi xukkoon qallayii hoxeyaanoone; bi aafoonoo bi waanee badd wochaanoone; tunebaani bi waan bi cookiyooba waayehe.

Shoddo 34:4

Doono Yeer waan corootiyo; biyoo ta corootoon waayehe; ta shattaabeeti mooyo bulliichee taan wodiihe.

Shoddo 34:6

Ebi iritecho cookiye; Doono Yeeriyoo waayehe; bi iritoo bulliichee biin wodiihe.

Shoddo 35:22

Doono Yeero, ebin beeggeto neene; cikki qajjaahine; ta Doonocho, tayee wokkaahine.

Shoddo 9:14

Ebin ne tuniigaata, Tsiyooni addibaaboochaa ne galleto bullin gettemmo taane; taan ne wodiyoona emiremmo taane.

Keyo 1:11

Ebich boonoshin xuuxiibee magge shuunoon shuuniyemmi ukkireenaꞌon boonoshi toommooch ukkiriiheete. Israꞌeeleenaꞌo, taatoyich maayoonaa baribare mooyona kiceyemmi, Fitoominaa Ramisesina getteebeeti katemeenaꞌon shuuneheete.

Keyo 1:8

Meeti nato beshetoyee gubb, Yooseefi mooyon ariyaani bare taatoo Gibits taatehe.

Keyo 22:23

Xuꞌoon boonoshi toommooch ittoshi shuunetaa ta waan boonoshi cookigaata, iberoon boonoshi cookoon waayemmo taane.

Keyo 33:13

Gidoon daneto ta tunegaata, neen ta ariyemmonaa ne aafoochaa gaawe aafoona ciiche ta beeyemmonoyich, and ne gommon taach ne bekkiyemmoyich neen qollehoye. Wotta hini aagetoo ne aagetoo bi tunoon gabibe” iye.

Keyo 5:10

Aroochee guuninaꞌo toommooch ukkireti Gibitsee ukkireenaꞌonaa shuunoon ciinnii shuuniyoyich kaacheti Israꞌeelee ukkireenaꞌona hammiꞌi asheenaꞌoyich ishichiyeete: “Farooni ishichitone: ‘Ebiyee bekk amee maayi tullolla ittoshich icheyaachemmone.

Keyo 5:6

Ebi arooba Farooni, guuninaꞌo toommooch ukkireti Gibitsee ukkireenaꞌonaa shuunoon ciinnii shuuniyoyich kaacheti Israꞌeelee ukkireenaꞌonoyich ishichiye:

Isiyaasi 63:9

Boonoshi xuuxoona xuuxehe; bi aafeexi maraakoo boonoshin wodiihe; bi shunoona, bi ariqqoonoo boonoshin biishehe; wonnee yemeeno bullin boonoshin tiijjii shaaggiye.

Haddoo 20:16

Tunebaani Doono Yeer waan no cookaa, no cookoon waayehe; maraakoonoo wocheꞌi, Gibitsee noon kichiye. “ ‘Ebiyoche and ne showee daarooch beeti Qadeesh koteto noone.

Mishiraachechinaꞌo 7:34

Gibits beeti ta macceenaꞌochi xuuxoon manjii beeggaꞌa, kachaa kashoon mucceꞌi boonoshi gaashiron waayaꞌa, boonoshin wodiiya kindito taane. Andoo tibe! Gibits neen wochemmo taane’ iye.

Hibireena'o 4:15

Axaaxoon baach shuuneyaachalli, bulli gommona noochoommon daabiloosi biin gondoon shuuniiya qiiccetaa beeggitone; ebich no maraato biich waayeyaani, qeeshee guudo toonoone.

1 Saameeli 9:16

“Yaach ebi saatooch Biiniyaamee showoochee tuneti ikke uroon ne waan deejjemmo taane. Ta asheenaꞌo tuneti Israꞌeeleenaꞌo toommooch iraashoo bi tunemmoyich, bi shimbooch zayitoon huute. Biyoo ta asheenaꞌon Filsixeemeenaꞌo kishoochee wodiyemmone. Ta asheenaꞌochi xuuxoon beeggeto taane; boonoshin ta gaachemmoyich boonoshi cookiibeeti cookoon waayeto taane” itone.