Keyo 3:6 - Kafa Linguistics Project

⁶ Daakkiꞌi, “Ne nihoo Nuggishoo, Abrahami Nuggishoo, Yisaaqi Nuggishoo, Yaaqobi Nuggishoo taane” iye. Arooba Muusi Yeerina tookkii baroona danoon bi shattitoyich, bi aafoon oppehe.

Keyo 3:6 ပူးပေါင်းရင်းမြစ်များ

Halloo 12:1

Ikke areddoon Doono Yeeri Abraamich ishichiye: “Ne showoochee, ne xibeenaꞌo waanee, ne nihoo kexoochee keyiree, neech ta bekkiyemmi showooch hambe.

Halloo 12:7

Doono Yeeri Abraamich bekkeꞌi, “Hini showoon ne yaroyich immemmo taane” iye. Ebich Abraami biich bekketi Doono Yeerich goyinneya, are xaaꞌooch deejjee gudoon shuunehe.

Halloo 17:3

Abraamiyoo bi baroona showooch guufehe. Yeeriyoo biich ishichiye:

Halloo 24:12

Aroochee uro ishichii corootiye: “Ta doono Abrahami Nuggishoo, Doono Yeero, hanaach ta gommon kaachibe. Ta doono Abrahamich ne shoodoon bekkiibe.

Halloo 26:24

Aroobee xum Doono Yeeri biich bekkeꞌi ishichiye: “Ta ne nihoo Abrahami Nuggishoo taane. Shattaahine; ta neenna tookkaa beeto taane. Neen diiremmo taane; ta guuno Abrahamicha getiree ne shiijjereenaꞌon meechemmo taane” iye.

Halloo 28:13

Doono Yeeriyoo ebi daqqellee tookk neexee beehe; ishichiinoo iye: “Ne nihinihoo Abrahamichi Nuggishoo, ne nihoo Yisaaqichi Nuggishoo, Doono Yeeri taane. Hini ne qeyaabeeti showoon neennaa ne shiijjereenaꞌonoyich immemmo taane.

Halloo 28:17

Biyoo shattiꞌi, “Hini xaaꞌoo am shaahoon shattiihe! Hini Yeerichi kexoani, baroon tuneyaache; ebiyoo shimaajji kelloone” iye.

Halloo 31:42

Ta nihinihoo Abrahaminaa ta nihoo Yisaaqina goyinneti Nuggishoo taanna tookkii toono bi gaata, shokke kishooniye taan ne deejjesho. Tunebaani Yeeri ta iriteyoonaa ta aayonon ciinniꞌi, yiichi xum neen kaarehe” iye.

Halloo 32:9

Arooba Yaaqobi ishichii corootiye: “Ta nihinihoo Abrahamichi Nuggishoo Yeero, ta nihoo Yisaaqichi Nuggishoo Yeero, ‘Ne showoonaa ne xibeenaꞌona waan wotteree hambe. Tawoo neech gaawe mooyon tuniyemmo taane’ iti Doono Yeero,

1 Taateenaꞌo 18:36

Womikkee deejjee saato bedaa keemechi Eliyaasi giddeꞌi, “Abrahamichi Nuggishoo, Yisaaqichi Nuggishoo, Israꞌeelichi Nuggishoo Doono Yeero, ne, Israꞌeeleenaꞌo toommooch Nuggishoo ne tuno, tawoo ne guuno ta tuno, ebinoo ne qaaroona ta tuniyoo hanaach arichebe!

1 Taateenaꞌo 19:13

Eliyaasiyoo ebin waayeꞌi, bi aafoon bi tahoona oppeechii, kechii xaqqee gofee kellooch neexehe. Aroochee, “Eliyaaso, hiniich amooniye ne hallaa beeto?” ii beeti qaaroon waayehe.

Nehimi 9:9

“Gibits boonoshi beehooba no qaabbechinaꞌochi xuuxoon beeggehine; Ceelle baharoochaa boonoshi cookoon waayehine.

Asteeri 3:4

Ebinoo qemi qemona biich boonoshi gettitaanona, waayeyaanoone. Biyoo “Ta Ayihudo ta tunetoyich, Hamaanich goyinneyaache” iye. Boonoshiyoo “Mordokiyoosi mooyon Hamaani bi haaꞌiyemmo, aabichireeshiye?” ii worganeebee ebi mooyon biich gettiyeete.

Shoddo 132:2

Doono Yeeri neech bi wogoon, Yaaqobi goyinneebeeti Giidechi Nuggishoo neech ishichiꞌi bi mookkoon, gabibe:

Keyo 15:2

Doono Yeeri ta hakkoonaa ta shoddoonane; taach wodoon tunetone. Bi ta Nuggishoone; biin galletemmo taane; ta nihoo Nuggishoone; biin oogiyemmo taane.

Keyo 29:45

Israꞌeeleenaꞌo daggooch beeyemmo taane; boonoshi Nuggishoonoo tunemmo taane.

Keyo 3:16

“Hamiree Israꞌeelee ukkireenaꞌon kicibe; ‘Ittoshi qaabbechi niheenaꞌo Nuggishoo, biyoo Abrahami Nuggishoo, Yisaaqi Nuggishoo, Yaaqobi Nuggishoo Doono Yeeri taach bekkeꞌi ishichitone: “Ittoshi mooyon ciinneto taane; Gibitsaa ittoshi toommooch shaggiton beeggeto taane.

Keyo 33:20

Tunebaani koniyoona taan beegiree kashoona beemon hakkaachemmo bi tunetoyich, taan aafoona ciinon hakkaachine” iye.

Keyo 4:5

Doono Yeeriyoo Muusich “Ebin ne tuniyemmo, boonoshi qaabbechi niheenaꞌo Nuggishoo, Abrahami Nuggishoo, Yisaaqi Nuggishoo, Yaaqobi Nuggishoo Doono Yeeri ta, neech bekketo ta tunoon boonoshi iberiyemmoyichiye” iye.

Erimiyaasi 24:7

Ta, Doono Yeeri ta tunoon ariyemmi mulloon boonoshich immemmo taane; boonoshi ceeni mulloona ta waan wottemminaꞌo boonoshi tunetoyich, ta asheenaꞌon tunemminaꞌone; tawoo boonoshich Nuggishoo tunemmo taane.

Erimiyaasi 31:33

“Tunebaani ebi are yemeenoyee gubb Israꞌeelee macceenaꞌona tookki ta giyemmi wogo ebine” iye Doono Yeeri. “Ta sheeroon boonoshi mullooch kotiyemmo taane; boonoshi mullee cilloochoo kooremmo taane; tawoo boonoshi Nuggishoo tunemmo taane; boonoshiyoo ta macceenaꞌo tunemminaꞌone.

Erimiyaasi 32:38

Boonoshiyoo ta asheenaꞌon tunemminaꞌone; tawoo boonoshich Nuggishoon tunemmo taane.

Hiziqeeli 11:20

Ebich ta qociyoommona shaaddemminaꞌone; ta getonoo quyemminaꞌone; aroyichoo deꞌa gettemminaꞌone; boonoshiyoo ta asheenaꞌon tunemminaꞌone; tawoo boonoshi Nuggishoon tunemmo taane.

Zakaariyaasi 8:8

Yerusaalem boonoshi beeyemmoyich boonoshin wochi deebemmo taane. Boonoshiyoo ta asheenaꞌo tunemminaꞌone; tawoo gibeneeti, cadiqe boonoshi Nuggishoo tunemmo taane” iye.

Maatiyoosi 17:6

Ishin waayeti keejje bi dabbeenaꞌo oogichiꞌi boonoshi keqqitoyich, baroona showooch guufeheete.

Maatiyoosi 22:32

Ebiyoo ‘Ta Abrahamichi Nuggishoo, Yisaaqichi Nuggishoo, Yaaqobichi Nuggishoo taane’ ii beetone. Illa kashechinaꞌochi Nuggishoani qititinaꞌochi Nuggishoo toonoone” iye.

Maariqoosi 12:26

Qititinaꞌochi timon, Yeeri tushee qaaqqee daggoochaa Muusich amoon bi gettito gaata, Muusi kooriti macaafoochee shemmeyaachote? Ebiyoo ‘Ta Abrahamichi Nuggishoo, Yisaaqichi Nuggishoo, Yaaqobichi Nuggishoo taane’ ii beetone.

Luqaasi 20:37

Wotta qititinaꞌochi timon Muusiyolla ittoshich arichiitone; ebinoo bi arichiito, tushee qaaqqee gaꞌooch neexee bi beetaa tuneti mooyon bi kooriyooba, Doonon ‘Abrahamichi Nuggishoo, Yisaaqichi Nuggishoo, Yaaqobichi Nuggishoo’ iꞌi bi getonane.

Luqaasi 5:8

Simoon Pheexiroosi ebin beeggiꞌi Yesuusichi baatooch dihiꞌi, “Ta Doonocho, tayee wohe! Axaaxecho taane” iye.

Mishiraachechinaꞌo 7:34

Gibits beeti ta macceenaꞌochi xuuxoon manjii beeggaꞌa, kachaa kashoon mucceꞌi boonoshi gaashiron waayaꞌa, boonoshin wodiiya kindito taane. Andoo tibe! Gibits neen wochemmo taane’ iye.

Yibbaatoo 6:3

Ebich Israꞌeeleenaꞌote, ebi ta getoon elle waayebote. Quyeshoo getote. Ebin ittoshi tuniigaata, mooyo ittoshich kaamemmone; ittoshi qaabbechinaꞌochi Nuggishoo Doono Yeeri gibenikkitoommon, ejjoonaa eeyona xuupphiibeeti showoochaa oogichi meettemmo ittoshine.

Hibireena'o 11:16

Tunebaani beshoon, ebiyoo shimaajji xaaꞌoon qaatii beeheete. Ebich Yeeri boonoshi beeyemmi katemoon boonoshich qanniitone. Ebich Yeeri boonoshi Nuggishoo getaa ceekkoyich yeelleyaache.

Hibireena'o 12:21

Bekkeebeeti mooyo oogichii shattiito bi tunetoyich, Muusi “Oogeton shattaꞌa qewaabeeto taane” itone.

Yaaꞌoo 1:17

Biin ta beegiyooba, qititi ashoommon shaahaꞌa bi baatooch dihiyo. Biyoo bi qanne kishoon ta toommooch kotiihe; ishichiinoo iye: “Shattaahine! Shiichoonaa Tacona taane.

Woraaferasheenaꞌo 13:22

Manuuhiyoo bi mechech “Doono Yeerin no beeggetoyich, no qitoo xiisheeti mooyone” iye.