Keyo 3:4 - Kafa Linguistics Project

⁴ Ebi mooyon ciinna Muusi giddoon beeggiꞌi, Doono Yeeri kuchee daggoochaa, “Muuso, Muuso!” iꞌi biin ceeggiye. Muusiyoo eekkehe.

Keyo 3:4 ပူးပေါင်းရင်းမြစ်များ

Halloo 22:1

Ebi mooyinaꞌo tunetoyee gubb, Yeeri Abrahamin biich deꞌa bi getonaa getti bi qayonon beegga qaawiye. Ebich “Abrahamo!” ii ceeggiye. Abrahamiyoo eekkehe.

Halloo 22:11

Tunebaani Doono Yeerichi maraakoo shimaayoochaa “Abrahamo, Abrahamo!” ii ceeggiye. Abrahamiyoo eekkehe.

Halloo 28:16

Yaaqobiyoo tokketoochee tiyiꞌi, “Iberoon Doono Yeeri hini xaaꞌooch beetone; tunebaani ta ebin ariyaano taane” iye.

Halloo 46:2

Yeeri yaaꞌoona Israꞌeelich xum bekkeꞌi, “Yaaqobo, Yaaqobo” iye. Biyoo eekkehe.

Shoddo 62:11

Yeeri ikke wottoon gettiye; tawoo ebin gutte wottoon waayehoye; giidoo Yeerichone.

Keyo 19:3

Aroochee Muusi Yeerina daneya guudi toommooch kechiye. Doono Yeeriyoo are guudoochaa biin ceeggiꞌi ishichiye: “Yaaqobi yareenaꞌo tuneti Israꞌeeleenaꞌoyich ne gettemmo ebiniye:

Keyo 3:2

Aroochaa Doono Yeerichi maraakoo kuchoo cobbcobbimii aaxxeebeeti qaaqqee daggoochaa biich bekkehe. Muusiyoo kuchoon qaaqqoo yechito bi tunetaanoona, micaano bi tunoon beeggiye.

Keyo 33:12

Muusiyoo Doono Yeerich ishichiye: “ ‘Hini asheenaꞌon yaabibe’ ito neene; tunebaani taanna tookki konin ne daachiyemmo gaata taach arichiyaano neene. Wotta ‘Neen, ne shigoona ariito taane; ta aafoochaa gidoon daneto neene’ ito neene.

Keyo 4:5

Doono Yeeriyoo Muusich “Ebin ne tuniyemmo, boonoshi qaabbechi niheenaꞌo Nuggishoo, Abrahami Nuggishoo, Yisaaqi Nuggishoo, Yaaqobi Nuggishoo Doono Yeeri ta, neech bekketo ta tunoon boonoshi iberiyemmoyichiye” iye.

Leweenaꞌo 1:1

Doono Yeeri danee duukkaanee daggoochaa Muusin ceeggiꞌi ishichiye:

Mishiraachechinaꞌo 10:13

Areegaata “Pheexirooso, tiyi eboshin guuriree mame” ii beeti qaaroon waayehe.

Mishiraachechinaꞌo 10:3

Ikke areddoon yiixiye saati bedooch Yeerichi maraakoo “Qorinelooso!” iibee bi waan bi giyii beetaa, yaaꞌoon xallayii beeggiye.

Mishiraachechinaꞌo 9:4

Sawuli bekkech showooch dihiichii, “Sawulo, Sawulo! Taan ne duꞌiibeeto amoyichiye?” iibeeti qaaroon waayehe.

Yibbaatoo 33:16

showee colliibeeti gaawe mooyo bullina, micciibeeti tushoochaa bekketi Doono Yeerichi gaawe aafoona ciinneyoona, ebi bulli mooyona Yooseefichi shiijjereenaꞌo diireebeete; ebiyoo bi maneenaꞌo daggooch iraashoo bi tunetoyichiye.

1 Saameeli 3:10

Doono Yeeri waa arooch neexeꞌi, aafichoommon “Saameelo! Saameelo!” iꞌi ceeggiye. Saameeliyoo “Ne guuno ta, waayaabeeto taane; gete” iye.

1 Saameeli 3:4

Doono Yeeri “Saameelo! Saameelo!” iꞌi ceeggiye. Saameeliyoo eekkehe.

1 Saameeli 3:6

Doono Yeeri wochinnoon Saameelin ceeggiye. Aroyee aaf Doono Yeeri biich yibbaatee ariyaano bi tunetoyich, Saameeli Doono Yeerin batt ariyaanoone. Ebich tiyii Eeli waan hammiꞌi, “Taan ne ceeggetoyich, ebiyoche waato taane” iye. Eeliyoo wochiꞌi, “Ta bushoocho, ta neen ceegaano taane. Wotteree tokketebe” iye.

1 Saameeli 3:8

Doono Yeeri Saameelin keejjinnoon ceeggiye. Biyoo tiyii Eeli waan hammiꞌi, “Taan ne ceeggetoyich, ebiyoche waato taane” iye. Areegaata Eeli, bushoon ceeggiibeeto Doono Yeeri bi tunoon ariihe.