Keyo 3:18 - Kafa Linguistics Project

¹⁸ “Boonoshiyoo ne gettemmon waayemminaꞌone. Neennaa Israꞌeelee ukkireenaꞌona Gibitsee taatoo waan hamiree, ‘Hibireenaꞌo Nuggishoo Doono Yeeri noonna danetone. Ebich keejje qemi gommon hamiree, barahoochaa no Nuggishoo Doono Yeerich deejjoon no deejjemmoyich daaggibe’ getote.

Keyo 3:18 ပူးပေါင်းရင်းမြစ်များ

Halloo 12:1

Ikke areddoon Doono Yeeri Abraamich ishichiye: “Ne showoochee, ne xibeenaꞌo waanee, ne nihoo kexoochee keyiree, neech ta bekkiyemmi showooch hambe.

Halloo 14:13

Aroochee muricciti ikke uro waaꞌi, tuneti mooyo bullin Hibiree asho Abraamich gettiye. Arooba Abraami beeto, Amooree asho Mamirichi goree gaꞌoochiye. Mamiri, bi maneenaꞌo Eshikoolinaa Aneerina gino tiyiyooba ikkottee gaacheyoyich, Abraamina tookkii wogoon giyiti asheenaꞌone.

Halloo 15:1

Ebi mooyoyee gubb, Doono Yeeri yaaꞌoona Abraamich ishichiye: “Abraamo, shattaahine. Ta neen gaachoochoommon quyemmo taane; neech ta immemmi wojjoo oogeti woddoone” iye.

Halloo 17:1

Abraami yixenaa yiixiye nati asho bi tunehooba, Doono Yeeri biich bekkeꞌi ishichiye: “Beshe Hakkechi Nuggishoo taane. Bulli aaboon ta getoyich deꞌa getibee beebe. Muricaallo tunebe.

Halloo 48:3

Yaaqobiyoo Yooseefich ishichiye: “Beshe Hakkechi Nuggishoo Kanaanee showooch beeti, Luuzaa taach bekkehe; taanoo aroochaa diiriye;

2 Kiinoo 30:12

Wottoo Doono Yeerichi qaaroommon, taatoonaa iraasheenaꞌona boonoshich gettiton boonoshi tuniyemmoyich, ikke mulloon boonoshich imona, Doono Yeeri Yihudee asheenaꞌo daggooch shuunee beehe.

Shoddo 110:3

Koyooch ne keyiyooba, ne asheenaꞌo boonoshi qelloon neech beshii immemminaꞌone; gurimaashe ne asheenaꞌo haree doshoo (caagibano) kindoommon, yaafeeti geppooch, ne waan woyemminaꞌone.

Keyo 10:3

Ebina Muusinaa Haroonina Faroon waan hammiꞌi ishichiyeete: “Hibireenaꞌo Nuggishoo Doono Yeeri ishichiye: ‘Ne qelloon ta aafooch yittiyaache ne geti beeyemmo aati wottooniye? Taach boonoshi goyinne maddemmoyich, ta asheenaꞌon gawukkibe.

Keyo 17:5

Doono Yeeriyoo Muusich ishichiꞌi wochiye: “Asheenaꞌoyee shiichi hambe. Israꞌeelee ukkireenaꞌoochee ikkikkeenaꞌon, ebiyoommon wotta Abbaayi aacon ne yexxeti ne gumboon yeshiree hambe.

Keyo 19:1

Israꞌeeleenaꞌo Refidiimee tiyiyeete. Gibitsee showoon gawukkii boonoshi kechitoyee gubb, keejjinnee agenee ikkinnee qemooba, Siini barahooch waaheete. Arooch shaggiꞌi, guudi ciinooch kaamboon geddii koteheete.

Keyo 25:22

Taabootee toommooch beeti gutte kiruubeenaꞌochi gutte daggooch, axaaxoon maariyee guufee tookk tuneechi, neenna danemmo taane. Israꞌeeleenaꞌoyich tunemmi ta geto bullin neech gettemmo taane.

Keyo 3:12

Yeeriyoo “Ta neenna tookki tunemmo taane. Neen wochaa daachiito ta tunee malletoo, ebine: Asheenaꞌon Gibitsee ne kichitoyee gubb, hini guudi toommoochaa taach goyinne maddemmo ittoshine” iye.

Keyo 3:16

“Hamiree Israꞌeelee ukkireenaꞌon kicibe; ‘Ittoshi qaabbechi niheenaꞌo Nuggishoo, biyoo Abrahami Nuggishoo, Yisaaqi Nuggishoo, Yaaqobi Nuggishoo Doono Yeeri taach bekkeꞌi ishichitone: “Ittoshi mooyon ciinneto taane; Gibitsaa ittoshi toommooch shaggiton beeggeto taane.

Keyo 30:36

Ebi aroochee giishechoon koyi buddino tunii qacichiree, danee duukkaanee miixee taabootee aafooch, neenna ta danemmi xaaꞌooch, kotiibe. Ittoshich oogeton yaafeeto tunemmone.

Keyo 30:6

Ebi deejjee gudoon neenna ta danaabeeti, axaaxoon maariyee guufo beeti, miixee taabootoyee aaf beeti maccillaatoyee maach kotiibe.

Keyo 4:1

Muusiyoo Doono Yeerich wochiꞌi, “Israꞌeeleenaꞌo ‘Doono Yeeri neech bekkeyaanoone’ getiree, taan iberiyoon, ta gettemmonoo waayoon boonoshi qayigaatoche?” iye.

Keyo 4:23

Taach bi goyinne maddemmoyich ta bushoon ne gawukkemmoyich gettoye; tunebaani ne, gawukkemmon qajjehine; ebich ne gutenee bushoon wuxemmo taane” itone’ gete” iye.

Keyo 4:24

Muusi Gibits hammiibee bi qeyiti ikke xaaꞌoochaa Doono Yeeri biinna daneꞌi biin wuxiya iye.

Keyo 4:31

Boonoshiyoo iberiiheete. Doono Yeeri boonoshich qaakkeebeeto bi tunoonaa boonoshi xuuxoon beeggito bi tunoonon waayeꞌi, Doono Yeerich yittiꞌi goyinneheete.

Keyo 5:1

Ebiyee gubb, Muusinaa Haroonina Faroon waan hammiꞌi, “Israꞌeelee Nuggishoo Doono Yeeri ‘Barahoochaa taach baaroon boonoshi baaremmoyich, ta asheenaꞌon gawukkibe’ itone” iyeete.

Keyo 5:3

Muusinaa Harooninoo wochiꞌi, “Hibireenaꞌo Nuggishoo noonna danetone. Keejje qemi gommon hamiree, barahoochaa no Nuggishoo Doono Yeerich deejjoon no deejjemmoyich daaggibe iyaꞌa qollaabeeto noone. Ebin no tuniyoo qayigaata, naxoona noon yexxemmone; woyee goraadoona no qitemmoyich tuniyemmone” iyeete.

Keyo 7:16

Aroochee biich ishichibe: Hibireenaꞌo Nuggishoo Doono Yeeri ishichiꞌi ne waan taan wochetone: ‘Barahoochaa taach goyinne maddeya boonoshi hammemmoyich, ta asheenaꞌon gawukkibe, ta getaa and beddaahaa taach deꞌa getaano neene.

Keyo 8:1

Aroochee Doono Yeeri Muusich ishichiye: “Faroon waan hamiree biich ishichibe: ‘Doono Yeeri ishichiye: “Taach boonoshi goyinne maddemmoyich, ta asheenaꞌon gawukkibe.

Keyo 8:20

Aroochee Doono Yeeri Muusich ishichiye: “Yaach maaddoona Faroon waan hamiree, aacooch bi hami beetaa, biinna danebe. Biichoo ishichi gete: ‘Doono Yeeri ishichiye: “Taach boonoshi goyinne maddemmoyich, ta asheenaꞌon gawukkibe.

Keyo 8:23

Ta asheenaꞌon ne asheenaꞌoyee bariyemmo taane. Ebi worganikkiti malletoo yaach tunemmone” itone’ gete” iye.

Keyo 9:1

Aroochee Doono Yeeri Muusich ishichiye: “Faroon waan hamiree biich ishichibe: ‘Hibireenaꞌo Nuggishoo Doono Yeeri ishichiye: “Taach boonoshi goyinne maddemmoyich, ta asheenaꞌon gawukkibe.

Keyo 9:13

Aroochee Doono Yeeri Muusich ishichiye: “Haree maaddoona tiyiree, Faroon waan hambe. Biichoo ishichibe: ‘Hibireenaꞌo Nuggishoo Doono Yeeri ishichiye: Taach boonoshi goyinne maddemmoyich ta asheenaꞌon gawukkibe.

Isiyaasi 64:5

Ne gommon gabii beetinaꞌon, emiroona tate mooyon tunii beetinaꞌonoo gaachaabeeto neene; tunebaani no axaaxoon shuunoon kuxaache iyone; newoo ebich noon kaarehine; ishigaata no wodemmo aabichireeshiye?

Erimiyaasi 2:2

“Hamiree Yerusaalemi asheenaꞌochi waamooch awaajjibe; Doono Yeeri ishichiye gete: ‘Bushaa ne beehooba gibeneeti ne tunoon, woꞌee shunoommi ne shunoon, barahoochaa, amoonolla shakkiyaani showoochaa, taan ne dabboon shalligiyoye.

Erimiyaasi 2:6

‘Gibitsee showoochee noon deebiti, shuuꞌi showoona, barahoonaa oppechi showoona, wotta amichaalli showoonaa dunne manderoona, koniyoona aroona besheyaani showoona, arooch asho koteyaani showoonoo, noon yaabiti Doono Yeeri aaye?’ getaaneenaꞌone.

Erimiyaasi 26:5

wochii wochii ittoshi waan ta deejjiti ta maddechinaꞌo tuneti keemechinaꞌochi qaaroonoo waayoon qajjito ittoshine; andoo waayo ittoshi qayigaata,

Haddoo 17:4

Ebi gumbeenaꞌon ittoshina tookkaa ta daneebeeti danee duukkaanee daggooch, taabootee aafooch gede.

Yaasi 1:17

bulli mooyona Muusich deꞌa no getoommon, neechoo deꞌa gettemmo noone. Ne Nuggishoo Doono Yeeri baach Muusina tookkii bi tunoommon, neenna tookki tunebe.