Keyo 3:14 - Kafa Linguistics Project

¹⁴ Yeeriyoo Muusich “Ta Halla Taane; ‘Halla Taane getteebeeto ittoshi waan taan wochee deejjitone’ gete” iye.

Keyo 3:14 ပူးပေါင်းရင်းမြစ်များ

Iyoobi 11:7

“Yeerichi maacee mooyon maqqiꞌi ariyoon hakkenne? Beshe Hakkechi Yeerichi moochi ciiroon ariyoon hakkenne?

Shoddo 68:4

Yeerich shoddebote; galletee shoddoon bi shigoyich shoddebote; qubee toommona hammii beetoyich, gommon qanniibote; bi shigo Doono Yeerine; bi aafoochaa emiribote.

Shoddo 90:2

Guudinaꞌo shuuneyaan beetaa, showoonaa alemoona halleyaan beetaa, bulli aaboochee bulli aabooch ne, Nuggishoo neene.

Keyo 15:3

Doono Yeeri koyechone; bi shigoo Doono Yeerine.

Keyo 23:21

Gaawichi elleree bi gettii beeton waayebe. Bi toommooch hukkoon shuuneyaahine. Ta shigo bi toommooch beeto bi tunetoyich, bi toommooch hukkoon ne shuunegaata, neen maaraachemmone.

Keyo 3:13

Muusiyoo Yeerich “Israꞌeeleenaꞌo waan hamiree, ‘Ittoshi qaabbechi niheenaꞌo Nuggishoo ittoshi waan taan wochee deejjitone’ ta getaa, ‘Bi shigo konine?’ ii boonoshi echegaata, ama getireeshiye ta wochemmo?” iye.

Keyo 6:2

Yeeriyoo daakkiꞌi Muusich ishichiye: “Ta, Doono Yeeri taane.

Keyo 6:3

Beshe Hakkechi Nuggishoo ta tunoon arichiyoona, Abrahamich, Yisaaqich, Yaaqobichoo bekketo taane. Tunebaani Doono Yeeri ii beeti ta shigoona boonoshich bekkeyaano taane.

Isiyaasi 42:8

“Ta, Doono Yeeri taane; ta shigo ebine; ta oogoon baroo konichona imaachemmo taane; ta galletoonoo shahalloyich imaachemmo taane.

Isiyaasi 44:6

Israꞌeelee Taatoonaa Biishee Wodiyechona tuneti Doono Yeeri, Beshe Mawe Doono Yeeri, ishichiye: “Ta, shiichoo taane; ta taco taane; tayee bare nuggishoo aalloone.

Maatiyoosi 18:20

Ebiyoo guttoo woyee keemo tuneꞌi ta shigoona boonoshi kicee beetooch boonoshina tookkaa ta beetoyichiye” iye.

Yowannisi 8:24

Ittoshich ‘Ittoshi axaaxoona qitemmo ittoshine’ iyoye. Ebiyo, ta koni ta gaata ta tunoon ariiꞌi iberiyoo ittoshi qayigaata, ittoshi axaaxoona qitemmo ittoshi tunetoyichiye” iye.

Yowannisi 8:28

Ebich Yesuusi boonoshich “Ashi Bushoon kichii ittoshi yoodiyooba, ta aroo ta tunoon, wotta ta gettaabeeto ta Nihoo gettiton baachalli, ta qelloona amoonolla ta tuniyee qayon arooba ariyemmo ittoshine.

Yowannisi 8:58

Yesuusiyoo “Iberoon ittoshich gettoye: Abrahami shiijjoyee aaf, ta beeto taane” iye.

2 Qorontoosi 1:20

Yeeri nooch gibenikkiti gibeno bulli Kiristoosinane eeha bi getteeto; ebichiye Yeerichi oogee yiiroyich Kiristoosina ameena no ii beeto.

Hibireena'o 13:8

Yesuus Kiristoosi yiichoo, hanaachoo, bulli yemeenoonoo biine.

Yaaꞌoo 1:17

Biin ta beegiyooba, qititi ashoommon shaahaꞌa bi baatooch dihiyo. Biyoo bi qanne kishoon ta toommooch kotiihe; ishichiinoo iye: “Shattaahine! Shiichoonaa Tacona taane.

Yaaꞌoo 1:4

Yowannisi waanee, Isiyee showooch beeti shabaatte kittinnee guuphinaꞌoyich: Andoo beeti, aafoo beeti, gubboo beeyemmi Yeer waanee, Yeerichi taatee qeechi aafooch beeti shabaatte ayaaneenaꞌo waanee,

Yaaꞌoo 1:8

“Ta Alfoonaa Oomeegoona, andoo beeti, aafoo beeti, gubboo beeyemmi, Beshe Hakkechi Nuggishoo taane” iye Doono Yeeri.

Yaaꞌoo 4:8

Ebi kashechi awudde halleenaꞌo boonoshi ikkikkoyich shiritti shiritte qoshoo beetone; boonoshi achee guudoonaa boonoshi qoshee maacinooch aafo ceennitone. Boonoshiyoo “Aafoo beeti, andoo beeti, gubboo beeyemmi, Beshe Mawe Doono Yeeri yaafoo, yaafoo, yaafoone” iibee areddoonaa xumoonon kasheyaaneenaꞌone.