Keyo 3:12 - Kafa Linguistics Project

¹² Yeeriyoo “Ta neenna tookki tunemmo taane. Neen wochaa daachiito ta tunee malletoo, ebine: Asheenaꞌon Gibitsee ne kichitoyee gubb, hini guudi toommoochaa taach goyinne maddemmo ittoshine” iye.

Keyo 3:12 ပူးပေါင်းရင်းမြစ်များ

Halloo 15:1

Ebi mooyoyee gubb, Doono Yeeri yaaꞌoona Abraamich ishichiye: “Abraamo, shattaahine. Ta neen gaachoochoommon quyemmo taane; neech ta immemmi wojjoo oogeti woddoone” iye.

Halloo 15:8

Tunebaani Abraami “Nuggishoo Doono Yeero, hini showoon woraashemmo ta tunoon amoona ariyehote?” iye.

Halloo 26:3

Giisheche yemeenoon hini showooch kotebe. Ta neenna tookki tunemmo taane; neen diiremmo taane. Hini showoo bullin neennaa ne shiijjereenaꞌonoyich imiree, ne nihoo Abrahamich ta wogeti wogoon ceechemmo taane.

Halloo 31:3

Arooba Doono Yeeri Yaaqobin “Ne nihoo showooch, ne xibeenaꞌo waan wotteree hambe. Ta neenna tookki tunemmo taane” iye.

2 Taateenaꞌo 19:29

“Hiziqiyaaso, ebi neech malletoo tunebe: Hini natooch bi aalla colleton, gubbi natooch bi ochoon maayemmo ittoshine; aroochee keejjinnee natooch maayoon shoohiree qeccemmo ittoshine; woyinoonoo bechiree, bi aafoon maci maayemmo ittoshine.

1 Kiinoo 9:20

Aroyee aaf, kellechinaꞌo toommooch ukkiroo Elazaari bushoo Finihaasine; Doono Yeeriyoo biinna tookkii tunee beehe.

Shoddo 86:17

Doono Yeero, taan ne gaachoonaa ne goggiyoonon, taan shixxii beetinaꞌo beegiree yeellemmoyich, taan gaawe aafoona ne ciinni malletoon taach bekkiibe.

Keyo 18:5

Muusichi abboo Yotoori Muusi mecheenaa bi gutte anaami bushiisheenaꞌonon yechiꞌi, kaamboon geddii boonoshi koteti barahooch, Yeerichi guudi gaꞌooch beeti Muus waan waahe.

Keyo 3:1

Muusi Miidiyamee qeeshoo, bi abboo Yotoorichi bageenaꞌonaa emmisheenaꞌonon quyee beehe. Biyoo ikke areddoon eboshin dabbiiꞌi barahee ciinooch, Yeerichi guudooch, Kooreeb shaggiye.

Keyo 3:13

Muusiyoo Yeerich “Israꞌeeleenaꞌo waan hamiree, ‘Ittoshi qaabbechi niheenaꞌo Nuggishoo ittoshi waan taan wochee deejjitone’ ta getaa, ‘Bi shigo konine?’ ii boonoshi echegaata, ama getireeshiye ta wochemmo?” iye.

Keyo 33:14

Doono Yeeriyoo “Ta neenna tookki hammemmo taane; neenoo kashiyemmo taane” iye.

Keyo 4:12

Illa and tiyiree hambe. Tawoo ne noonooch tunemmo taane; ne gettemmon ta neech arichiyemmo taane” iye.

Keyo 4:15

Newoo biich gettemmo neene; bi gettemmi mooyon biich gettemmo neene. Ne noonoonaa bi noonoonooch tunemmo taane; amoon ittoshi tuniyemmo gaata ta ittoshich arichiyemmo taane.

Keyo 8:27

Bi nooch gettii beetoommon, no Nuggishoo Doono Yeerich deejjoon deejjoyich, keejje qemi gommon barahooch hamo nooch qaawiihe” iye.

Isiyaasi 37:30

“Hiziqiyaaso, ebi neech malletoo tunebe: Hini natooch bi aalla colleton, gubbi natooch bi ochoon maayemmo ittoshine; aroochee keejjinnee natooch maayoon shoohiree qeccemmo ittoshine; woyinoonoo bechiree, bi aafoon maci maayemmo ittoshine.

Isiyaasi 41:10

Ta neenna tookkaa ta tunetoyich, shattaahine; ne Nuggishoo ta tunetoyich, keqqiyaahine; ta neen kupphiyemmo taane; neen gaachemmo taane; cadiqe ta mochoona neen deggemmo taane.

Isiyaasi 43:2

Aachi daggoona ne beshaa beegaata, ta neenna tookki tunemmo taane; ooge aachi daggoona ne beshaa beegaata, aacinaꞌo neen qooxaachemminaꞌone; qaaqqee daggoona ne beshaa beegaata, neen michaachemmone; qaaqqee aaxxo neen michaachemmone.

Isiyaasi 7:14

Ebich Doono Yeeri bi qelloona malletoon ittoshich immemmone. Ebiyoche gidiidee yeqqefemmine; anaami bushoonoo shiyemmine; bi shigoonoo Amanuꞌeeli getiree shigiyemmine.

Erimiyaasi 1:8

Neen wodiyoyich neenna tookki tunemmo ta tunetoyich, asheenaꞌon shattaahine” iye Doono Yeeri.

Haddoo 16:28

Aroochee Muusi ishichiye: “Ebi shuunoo bullin ta shuunemmoyich taan wocheto, Doono Yeeri tunoon, ta qelloona tunee bi qayon ebina ariyemmo ittoshine.

Haddoo 23:21

Gubbich, Yaaqobi toommooch shaggemmi gonde mooyo bekkeyaanoone; Israꞌeel waanoo shaggemmi duꞌo aalloone. Boonoshi Nuggishoo Doono Yeeri boonoshina tookkii beetone; taatoyich ilileebeeti ililoo boonoshi daggoochiye.

Maariqoosi 16:20

Boonoshiyoo kechii bulli xaaꞌooch hammiꞌi Yesuusichi wochoon gettiyeete. Hammii boonoshi beetaa, Doono boonoshin gaachee beehe; bi immiibeeti malletoona boonoshi gettiibeeti qaaroon manjii beehe.]

Mishiraachechinaꞌo 11:21

Doono boonoshina tookkii tuneꞌi bi giidoona boonoshin gaachehe; arooba meeti asheenaꞌo boonoshi mulloon Yesuusi toommooch tooꞌiiꞌi Doono waan wotteheete.

Mishiraachechinaꞌo 7:7

Tunebaani guuno tuniiree hajjemmi are showee asheenaꞌochi toommooch nallemmo taane; ebiyee gubb, ne yaroo keyiree hini xaaꞌoochaa taach goyinnemmone’ iꞌi gettiye.

Roomi 8:31

Illa ebi mooyichon ama gettehone? Yeeri noonna tookkii bi tunegaata, noon koyi wochemmo konine?

Yibbaatoo 31:23

Aroochee Doono Yeeri Nuuni bushoo Yaasin iraashiiꞌi biich ishichiye: “Boonoshich imma ta wogeti showooch Israꞌeeleenaꞌon giijjemmo ne tunetoyich, kupphebe; maac kuxoonoo tunebe. Tawoo neenna tookki tunemmo taane” iye.

Hibireena'o 13:5

Ittoshi beemo gijjee shunona tunaaye; ittoshich beeto baach beddiye. Yeeri bi qelloona “Neen gawukkaache; ciroona neen qayaache” itone.

Yaasi 1:5

Kashoona ne beemmi yemeeno bullin koniyoona neen koyi wochemmo aalloone. Muusina tookkii ta tunetoommon, neenna tookki tunemmo taane. Neen dufaachemmo taane; neen qayaachemmo taane.

Woraaferasheenaꞌo 6:12

Doono Yeerichi maraakoo biich bekkeꞌi, “Giidechi ginee anaamocho, Doono Yeeri neenna tookkiiniye” iye.

Woraaferasheenaꞌo 6:16

Doono Yeeriyoo wochiꞌi, “Iberoon ta neenna tookki tunemmo taane. Miidiyameenaꞌon ikke ashoon wuxoommon wuxi aalliyemmo neene” iye.

Woraaferasheenaꞌo 6:17

Biyoo wochiꞌi, “Ishigaata, ne aafooch gidoon daneto ta tunegaata, taanna tookkaa yibbaataabeeto iberoon Doono Yeeri ne tunoyich malletoon taach bekkiibe.

Woraaferasheenaꞌo 6:21

Doono Yeerichi maraakoo bi kisheexi gumbee cilloona meenonaa koshonon tupphehe. Qaaqqoo are xaqqoochee kechiꞌi, meenonaa koshonon michiye. Aroochee Yeerichi maraakoo bi aafoochee shiwirimiye.

Woraaferasheenaꞌo 7:11

Aroochaa boonoshi yibbaatoon waayemmo neene. Ebiyee gubb, are kaambo beetooch hammii koyoyich ne mochoo kupphemmone” iye. Ebich Geediyooni bi naayo Furaahina tookkii ginee naayinaꞌochi kaambee gocooch hammiye.

1 Saameeli 14:10

Tunebaani ‘No waan wobote’ boonoshi getigaata, ebi Doono Yeeri boonoshin no kishooch beshiiꞌi bi immi malletoo bi tunetoyich, boonoshi waan hammemmo noone” iye.