Keyo 3:1 - Kafa Linguistics Project

¹ Muusi Miidiyamee qeeshoo, bi abboo Yotoorichi bageenaꞌonaa emmisheenaꞌonon quyee beehe. Biyoo ikke areddoon eboshin dabbiiꞌi barahee ciinooch, Yeerichi guudooch, Kooreeb shaggiye.

Keyo 3:1 ပူးပေါင်းရင်းမြစ်များ

1 Taateenaꞌo 19:19

Ebina Eliyaasi aroochee tiyii hammiꞌi, Shafaaxi bushoo Elisayi aaraa gutte kashee gattoona gochii bi beetaa, ciireexi aaraa guttinnoon aroo bi qelloona gochii bi beetaa danehe. Eliyaasi aroona besheebee bi iddimoon bi toommooch duppiye.

1 Taateenaꞌo 19:8

Tiyiꞌi maahe; uchiinoo iye. Aree giidoona Doono Yeerichi guudooch, Kooreeb beddaahaa, aabbe areddoonaa aabbe xumoonon qaxiriye.

Shoddo 106:19

Kooreebaa aachoochee maamon shuuneheete; wociitaa shuuneeti misiloyich goyinneheete.

Keyo 17:6

Tawoo Kooreebi guudooch beeti xaqqee toommoochaa ne aafooch neexemmo taane; xaqqoonoo yexe. Asheenaꞌo uchemmoyich aroochee aaco xuupphemmone” iye. Ebich Muusi Israꞌeelee ukkireenaꞌo aafoochaa ebin tuniihe.

Keyo 18:12

Ebiyee gubb, Muusichi abboo Yotoori micciibeeti deejjoonaa bare deejjeenaꞌonon Yeerich giddiihe. Aroochee Harooninaa Israꞌeelee ukkiroo bullina biinna tookkii Yeeri aafooch maayoon maaya waaheete.

Keyo 19:11

Sharittich qannibeete. Sharitta Doono Yeeri ta, asho bulli ciini beetaa, Siini guudooch kindemmo taane.

Keyo 19:3

Aroochee Muusi Yeerina daneya guudi toommooch kechiye. Doono Yeeriyoo are guudoochaa biin ceeggiꞌi ishichiye: “Yaaqobi yareenaꞌo tuneti Israꞌeeleenaꞌoyich ne gettemmo ebiniye:

Keyo 2:16

Ikke Miidiyamee qeeshoyich shabaatte maache bushiisheenaꞌo beeheete; eboshiyoo aachi oppo beetooch waaꞌi boonoshi nihoochi bageenaꞌonaa emmisheenaꞌonoyich aacon uchiya, aacon goonooch kittii ceechiyeete.

Keyo 2:18

Bushiisheenaꞌo boonoshi nihoo Reweel waan wottee waa boonoshi shagaa, “Hanaach aabichii yagaanoon kaatee waahote?” iye.

Keyo 2:21

Muusiyoo uroona tookkii beemoyich deꞌa iye. Reweeliyoo bi bushee Tsifoorin Muusich shaakkiihe.

Keyo 24:13

Ebich Muusi Israꞌeelee ukkireenaꞌoyich ishichiye: “Ittoshi waan wottaa no waammi wottoon hiniich beebote. Harooninaa Huurina ittoshina tookkii beetinaꞌone; ittoshinaa ittoshina daggooch kaaro tiyigaata, boonoshi waan hambote” iye. Muusiyoo biin gaacheebeeti Yaasina tookkii Yeerichi guudi toommooch kecha tiyiye.

Keyo 3:12

Yeeriyoo “Ta neenna tookki tunemmo taane. Neen wochaa daachiito ta tunee malletoo, ebine: Asheenaꞌon Gibitsee ne kichitoyee gubb, hini guudi toommoochaa taach goyinne maddemmo ittoshine” iye.

Keyo 3:5

Doono Yeeriyoo biich “Hach giddeyaahine; ne neexaabeeti xaaꞌoo yaafeeto bi tunetoyich, caammoon ne baatoochee kichibe” iye.

Keyo 33:6

Ebich asheenaꞌo boonoshi geddiibeeti shashoon Kooreebi guudoochaa kichiyeete; aroyee gubb gedaaneenaꞌone.

Keyo 4:18

Muusi Miidiyamee showooch bi beetaa, Doono Yeeri biich, “Neen wuxiya qaawiibee echeti asheenaꞌo bulli qititinaꞌone; wotteree Gibits hambe” iye. Muusi bi abboo Yotoor waan wottee hammiꞌi, “Ta xibeenaꞌo kashoona boonoshi beemon Gibits hamiree ta beeggemmoyich, taan daaggibe” iye. Yotooriyoo “Diggoona hambe” iꞌi daaggiye.

Keyo 4:27

Ebiyooba Doono Yeeri Haroonich “Muusina danoyich barahooch hambe” itone. Biyoo tiyii hammiꞌi, Yeerichi guudoochaa Muusina danehe; daneꞌi shummiye.

Amootsi 1:1

Uziyaahi Yihudee taatoo, Yehoꞌashi bushoo Yeroboꞌamiyoo Israꞌeelee taatoo tuneꞌi boonoshi beehooba, ebiyoo showee qewoyee gutte natoyee aaf, Teqoꞌa beeti qiddeenaꞌo daggoochee ikkoo tuneti Amootsich Doono Yeeri yaaꞌoona Israꞌeeleenaꞌochon bekkiihe.

Milikiyaasi 4:4

Beshe Mawe Doono Yeeri ishichiye: “Israꞌeeleenaꞌo bullich bi tunemmoyich, Siini guudoochaa ta guuno Muusich ta immeti sheereenaꞌon, qociyeenaꞌonaa doyeenaꞌonon gabibote.

Haddoo 10:29

Muusiyoo Miidiyamee asho tuneti, bi abboo Reweeli bushoo Hobaabich ishichiye: “Doono Yeeri ‘Ittoshich immemmo taane’ bi iti xaaꞌooch hammaabeeto noone. Doono Yeeri Israꞌeeleenaꞌoyich gaawe mooyon tuniyoyich gibenikkitone; noonna tookki hambe. Nowoo gaawe mooyon neech tuniyemmo noone” iye.

Haddoo 10:33

Asheenaꞌo Doono Yeeri guudoochee tiyii keejje qemi gommon qaxiriyeete. Doono Yeeri wogee taabooto boonoshi kashemmi xaaꞌoon qaawiibee, ebi keejje qemi gommon boonoshi aafooch shiichiye.

Luqaasi 2:8

Arooba are showooch xumoona bagoon quyeebee gaddooch qeyiibeeti qiddeenaꞌo beetinaꞌone.

Mishiraachechinaꞌo 7:30

“Muusi arooch aabbe naton bi kotetoyee gubb, Siini guudi gaꞌooch beeti baraheexi tusho qaaqqoo tuneꞌi aaxxeebeeti qaaqqee aaxxee daggoochaa maraakoon beeggiye.

Yibbaatoo 1:2

Kooreebi guudoochee tiyiꞌi Qadeesh Barina shagoyich, Seyiri guudona daammiibeeti gommona hamigaata aaraa ikke qemi gommone.

Yibbaatoo 1:6

“Kooreebi guudi baatooch no beetaa, no Nuggishoo Doono Yeeri nooch ishichitone: ‘Meeti aaboon hiniich yagito ittoshine.

Woraaferasheenaꞌo 4:11

Arooba Qeenee asho Hebeeri, Muusichi abboo Hobaabichi shiijjereenaꞌo tuneti Qeeneenaꞌo waanee bariꞌi hammii, bi duukkaanoon Qedeeshi katinooch, Tsananimi bakkooch beeti ikke ooge michi gaꞌooch xogitone.

1 Saameeli 16:11

Aroochee Saameeli Iseyin “Ne bushiisheenaꞌo eboshi baachiye?” iye. Iseyiyoo “Bullichi guuchoo hiniich waataanoone. Biyoo bagee quyoochiye bi beeto” iye. Saameeliyoo “Eke ne wochetaa wobe; bi waammi wottoon koteree maayoon maataachemmo noone” iye.