Keyo 28:30 - Kafa Linguistics Project

³⁰ Doono Yeeri ta aafooch bi giddeebeeti aabo bulliich, Harooni mullee kaamooch boonoshi tunemmoyich, Uriimoonaa Tumiimoonon bi geteexi kiisooch gede. Ebina Harooni ta daaggoo echeebeeti, geteexi kiisoon Doono Yeeri ta aafooch bulli aaboon shaage.

Keyo 28:30 ပူးပေါင်းရင်းမြစ်များ

Iziri 2:63

Uriimoonaa Tumiimoona Yeerin echeebeeti qeeshoo danemmi wottoon, oogichii yaafeeti maayoochee boonoshi maataachemmoyich showee iraashoo gettiye.

Nehimi 7:65

Uriimoonaa Tumiimoona Yeerin echeebeeti qeeshoo danemmi wottoon, oogichii yaafeeti maayoochee boonoshi maataachemmoyich showee iraashoo gettiye.

Keyo 28:29

“Harooni Yaafe Xaaꞌooch bi giyiyooba, Doono Yeeri ta daaggoo echeebeeti, geteexi kiisooch beeti, Israꞌeelee yoodeenaꞌochi shigoon bi mullee kaamooch tuniibe. Ebina Doono Yeeri ta, ta asheenaꞌon bulli aaboon shalligemmo taane.

Leweenaꞌo 8:8

Geteexi kiisoon bi toommooch geddiye. Ebi geteexi kiisooch Uriimoonaa Tumiimoonon geddiye.

Zakaariyaasi 6:13

Doono Yeerichi yaafee kexon haggemmo biine. Taatee oogoon deꞌiree, taatee qeenooch koteechi bi asheenaꞌon qeejjemmone; bi taatee qeechi gaꞌoochoo qeeshoon tunemmone. Guttiyona ikkittinoona, diggoona shuunemminaꞌone’ itone gete.

Haddoo 27:21

Qeeshoo Elazaari Uriimoona ta daaggoon ariibeeto bi tunetoyich, biyoo Elazaarina degeebe. Biinnaa Israꞌeelee iitoo bullina Elazaarichi getoona keyeete; bi getoonoo gibeete” iye.

2 Qorontoosi 12:15

Ta ittoshicha iyaꞌa taach beeto bullin qayaa ta qelloonona beshii ta imigaata, taan oogeton emirikkiye. Illa ebi shaahoon ittoshin ta shunnaa beetaa, taan ittoshi shunniibeeto ebiyoommi giishecheeniye?

2 Qorontoosi 7:3

Ta ishichaabeeto, ittoshi toommooch nalloyich toonoone; shiichaꞌa ta gettetoommon, oogichaa ittoshin shunnaa no beetoyich, no qititaa, kashoonoo no beetaa, ittoshiyee baraachemmo noone.

Yibbaatoo 33:8

Lewi yoodoochon ishichiye: “Ne Tumiimoon Lewich, ne Uriimoon bi qelloon neech beshiiꞌi immitoyich imbe. Masaahaa boonoshin phirehine; Meriibi aacoochaa boonoshina tookkaa hayehine.

Hibireena'o 2:17

Ebich asheenaꞌochi axaaxoon maariyoyich, Yeerich bi maddoona ariqqechonaa gibeneetona tuneti qeeshee guudo bi tunemmoyich, mooyo bullina bi maneenaꞌon shaahoo biich qaawiitone.

Hibireena'o 4:15

Axaaxoon baach shuuneyaachalli, bulli gommona noochoommon daabiloosi biin gondoon shuuniiya qiiccetaa beeggitone; ebich no maraato biich waayeyaani, qeeshee guudo toonoone.

Hibireena'o 9:12

ikke wottoon ciichiꞌi, shimaayooch beeti Yaafe Xaaꞌeexi Yaafooch emmisheenaꞌonaa gubbeneenaꞌonochi damoona tuneyaanoon, bi hajjee damoona giyiye; arooch giyiꞌi bulli yemeenoon axaaxoochee biicheyoon nooch daniihe.

Hibireena'o 9:24

Kiristoosi ashi kishoona shuuneeti Yaafe Xaaꞌooch, ebiyoo ibere yaafe xaaꞌeexi shaahiyoona tuneti xaaꞌooch giyaanoone; tunebaani shimaayooch giyiichii, and noocha iꞌi Yeeri aafooch giddetone.

Woraaferasheenaꞌo 1:1

Yaasi qititoyee gubb, Israꞌeeleenaꞌo “No daggoochee shiichi hamiree Kanaaneenaꞌon koni koya?” ii Doono Yeerin echeheete.

Woraaferasheenaꞌo 20:18

Israꞌeeleenaꞌo tiyiꞌi Beeteeli hammiyeete; boonoshiyoo “No daggoochee Biiniyaami yoodee asheenaꞌon shiichiree koni koya?” iꞌi Yeerin echeheete. Doono Yeeriyoo “Yihudi shiichiree hambe” iye.

1 Saameeli 28:6

Biyoo Doono Yeer waan corootiye. Doono Yeeriyoo gumona woyee Uriimoona woyee keemechinaꞌona biich wochemmon qajjiye.