Keyo 28:3 - Kafa Linguistics Project

³ Bariti hakkoo boonoshich bi beeyemmoyich ta tuniiti, kishee shuunee ariyechi asho bullin ceegiree, Harooni qeeshoo tuneree taach maddeya bi yaafeyemmoyich, ebi tahoon boonoshi shuunemmoyich gete.

Keyo 28:3 ပူးပေါင်းရင်းမြစ်များ

1 Taateenaꞌo 7:14

Huraami Nifitaali yoodeexi, ikke xuume ureechi bushoone. Bi nihoo gooshukkechi, Xiroosee ashoone. Huraamichoo gooshukkee ariyoo, shalligoonaa mulloona beetone. Biyoo taatoo Solomoon waan waaꞌi, biich icheti shuunoo bullin shuunehe.

Keyo 35:10

“Ittoshi daggoochee shuunee ariyechi asho bulli waaree, Doono Yeeri gettito bullin shuunebe.

Keyo 35:25

Shuunee ariyechi maacheenaꞌo bulli boonoshi yokketi, shimaayito, dameroonaa ceelloona tuneti woshiqoon, wotta muttee tuppoochee ciciiꞌi boonoshi yokketi woshiqoon deebiyeete.

Keyo 35:30

Aroochee Muusi Israꞌeeleenaꞌoyich ishichiye: “Ebiyoche, Doono Yeeri Yihudi yoodoochee tuneti Huuri bushoochi bushoo, Uriyi bushoo Betsaleelin kaaccitone.

Keyo 35:31

Doono Yeeri bi Ayaanoona bi ceennemmoyich tuniitone; kishee shuunoo tuneti mooyo amoyichona hakkoon, ariyoonaa mulloonon biich immitone.

Keyo 35:35

Kishee shuunee ariyechinaꞌo, shuunee qoppechinaꞌo, shimaayito, dameroonaa ceelloona tuneti woshiqoona, wotta muttee tuppoochee ciciitaa yokkeeti woshiqoona shashiyechinaꞌonaa shippechinaꞌona tuneree boonoshi shuunemmoyich, hakkoon boonoshich immitone. Boonoshiyoo shuunoo aabinona shuunechinaꞌonaa qoppechinaꞌonane.

Keyo 36:1

“Ebich Betsaleeli, Oholiyaabi, wotta yaafee duukkaanee shuunoo bullin aabichiree boonoshi shuunemmo gaata Doono Yeeri hakkoonaa ariyoonon boonoshich immiti, ariyechi asheenaꞌo bulli Doono Yeeri gettitoommi gommona shuunoon shuunemminaꞌone” iye.

Keyo 36:2

Aroochee Muusi, Betsaleelinaa Oholiyaabinon, ebiyoommon wotta Doono Yeeri shuunoon boonoshi shuunemmoyich hakkoon immiti, boonoshi mullo tiyiti, shuunee ariyechi asho bullin ceeggiye.

Shaahiyoo 2:6

Shalligoon immiibeeto Doono Yeerine; ariyoonaa goommii deꞌona daneebeeto bi waaneeniye.

Isiyaasi 11:2

Doono Yeerichi Ayaano, shalligoonaa gabii deꞌonochi Ayaano, ciicoonaa hakkoonochi Ayaano, ariyoonaa Doono Yeerin shatonochi Ayaano, bi toommooch kotemmone.

Efesooni 1:17

Oogee yiirecho tuneti Nihoo, biyoo no Doono Yesuus Kiristoosichi Nuggishoo biin ariyoona shalligechon ittoshin tuniyemmi, biin ittoshich bekkiyemmi Yaafe Ayaanoon ittoshich bi immemmoyich qollaabeeto taane.

Yibbaatoo 34:9

Muusi bi qitoyee shiichiꞌi, bi kishoon Nuuni bushoo Yaasichi shimbooch kotiiꞌi, bi keroon bi ukkiriitoyich, Yaasi shalligee Ayaanoona ceennitone. Israꞌeeleenaꞌo, Doono Yeeri Muusich gettitoommon tuniiꞌi, bi getoon waayeheete.

Yaaqobi 1:17

Gaawe wojjoo bulli, beshaa beshiti diiroo bulliyoo bi waabeeto damba shimaayoochee, bekkeenaꞌochi Nihoo waaneeniye. Bi waan yiirittoochoommon guudo woyee shaddeyoo aalloone.