Keyo 28:12 - Kafa Linguistics Project

¹² Israꞌeelee yoodeenaꞌochi shalligichee xaqqeenaꞌo boonoshi tunemmoyich, ebi gutte aaxxe xaqqeenaꞌon gutte gogee toommeexi, efoodee kaꞌeenaꞌona tookki yeshiibe. Doono Yeeri ta aafooch shalligichoo tunemmi, ebi shigeenaꞌon Harooni bi gogooch shaage.

Keyo 28:12 ပူးပေါင်းရင်းမြစ်များ

Iyoobi 31:36

Ebi aroon ta gogooch shaaggesho taane; gubbichoochoommon ta qellooch ukesho taane;

Shoddo 89:19

Gibeneeti ne guunoyich wonna ishichaꞌa yaaꞌoona getteto neene: “Ikke ginee anaamon gaachehoye; asheenaꞌo daggoochee ta kaaccetoyich oogoon immehoye.

Keyo 12:14

“Ebi aaboon shalligee aaboon tuniibote. Gubbi ittoshi shiijjeroo bulliich beddaahaa, kuxaanoon Doono Yeeri taach doyoon tuniiree bulli yemeenoon baaribote.

Keyo 13:9

Doono Yeeri giidechi bi mochoona Gibitsee neen bi kichitoyich, Doono Yeerichi sheeroo ne noonooch bi tunemmoyich, ne kishooch beeti malletoommon, ne barooch beeti shalligichoommonoo tunebe.

Keyo 28:11

Qiicii shuunoon ariibeeti asho maatemoon bi qiicoommon, Israꞌeelee yoodeenaꞌochi shigoon ebi gutte xaqqee toommooch qiiciree kooribe. Aroochee ebi xaqqeenaꞌon aachee qebbooch gede.

Keyo 28:29

“Harooni Yaafe Xaaꞌooch bi giyiyooba, Doono Yeeri ta daaggoo echeebeeti, geteexi kiisooch beeti, Israꞌeelee yoodeenaꞌochi shigoon bi mullee kaamooch tuniibe. Ebina Doono Yeeri ta, ta asheenaꞌon bulli aaboon shalligemmo taane.

Keyo 28:7

Aafinaa gubbinon yeshiyoyich, gutte gogee toommeexi kaꞌecho tunebe.

Isiyaasi 12:2

Yeeri taan wodiyechone; biin ta gibenaa beetoyich, shataache; Nuggishoo Doono Yeeri ta hakkoonaa ta shoddoonane; biyoo taan wodiyechone” gettemmo neene.

Isiyaasi 62:6

Yerusaaleme, qayechinaꞌon ne uxereenaꞌooch kotiito taane; boonoshiyoo xumoonaa areddoonon ciroona cikkaachemminaꞌone; Doono Yeer waan cookii beetinaꞌote, ciroona kasheyaahote.

Isiyaasi 9:6

Gaggeroo nooch shiijjetone; anaami bushoo nooch ichetone; taatittino bi kishooch tunemmone. Bi shigoo Worganikkiti Ciiccecho, Beshe Hakkechi Nuggishoo, Bulli Yemeenee Nihoo, Diggee Ukkiroo, getteyemmone.

Leweenaꞌo 24:7

Koshona tookki shalligichee qoodoyich tuneree, Doono Yeeri taach qaaqqooch michaa giddeebeeti deejjoon bi tunemmoyich, xalle ixaanoon yaari yaarooch gede.

Haddoo 16:40

Ebin bi tuniito, qeeshoo woyee Haroonichi shiijjeroo tunetaano, Doono Yeeri aafooch ixaanoon shookka bi giddeyaachemmoyich, gidderee, Qoraahinaa bi guuphinaꞌonochi daannoon bi deꞌaachemmoyich, Israꞌeeleenaꞌoyich shalligichoo bi tunemmoyichiye. Ebi bullin bi tuniito, Doono Yeeri Muusina biich bi gettitoommoniye.

Haddoo 31:54

Muusinaa qeeshoo Elazaarina aachoon humee iraasheenaꞌonaa ballee iraasheenaꞌona waanee deqqiꞌi, Doono Yeeri aafoochaa Israꞌeeleenaꞌo gabeyemmoyich danee duukkaanooch giijjiyeete.

Luqaasi 1:54

Wonna no qaabbechinaꞌoyich bi gettitoommon, ‘Abrahaminaa bi yareenaꞌonoyich bulli yemeenooch ariqqemmo taane’ ii Yeeri bi gibenikkiti gibenoon gabiꞌi biich maddeebeeti Israꞌeelee yaroo noon gaachetone” iyan.

Luqaasi 1:72

no asheenaꞌoyich bi ariqqemmoyich, no qaabbechi Abrahamich bi giyiti wogoon, ebiyoo bi yaafe wogoon gabiree bi ceechemmoyichiye.

Mishiraachechinaꞌo 10:4

Biyoo keqqoona manjiiꞌi ciinniibee, “Ta doonocho, amoone?” iye. Are maraakoo ishichiye: “Ne corootoonaa girechinaꞌon ne degona shalligichoo tuneꞌi Yeeri aafooch shaggitone.

1 Qorontoosi 11:24

Yeerin galleteechii, tiichiꞌi, “Haꞌote; ebi ittoshich deejjeyemmi ta meenone. Taan shalligoyich, hini koshon mamote” iye.

Yibbaatoo 33:12

Biiniyaami yoodoochon ishichiye: “Doono Yeerina shucheti yoodo, biinna quyeeꞌi beehe; heeyo bullin boonoshin quyemmone; bi beeyi xaaꞌoonoo boonoshi geppee toommooch tuniihe” iye.

Yaasi 4:7

boonoshich Yoordaanoosi aaco Doono Yeerichi wogee taabootee aafooch bi neexoon, ebiyoo taabootoon shaaggitinaꞌo Yoordaanoosin kimiyooba, wocaanoon bi neexoon, boonoshich gettemmo ittoshine. Ebina ebi xaqqeenaꞌo Israꞌeeleenaꞌoyich bulli yemeenee shalligicheenaꞌo tunemminaꞌone” iye.