Keyo 28:1 - Kafa Linguistics Project

¹ “Qeesheenaꞌo tuneree taach boonoshi maddemmoyich, Israꞌeeleenaꞌo daggoochee ne manoo Haroonin, bi anaami bushiisheenaꞌo Nadaabin, Abiihin, Elazaarinaa Itamaarinon ne waan boonoshi giddemmoyich tuniibe.

Keyo 28:1 ပူးပေါင်းရင်းမြစ်များ

1 Kiinoo 23:13

Amiraami anaami bushiisheenaꞌo: Harooninaa Muusinane. Harooninaa bi yareenaꞌona bulli yemeenooch yaafee kechi qiicoon yaafoyich, Doono Yeeri aafooch ixaanoon shoohoyich, bi aafoochaa maddoonaa bi shigoona bulli yemeenoon asheenaꞌon diiroonoyich bariyeete.

1 Kiinoo 6:10

Yohanaani taatoo Solomooni Yerusaalem haggiiti yaafee kexoochaa maddeti Azariyaasin shiyihe.

2 Kiinoo 11:14

Leweenaꞌo boonoshi showoonaa boonoshi yaaphoonon duppiichii Yihudee showoonaa Yerusaaleminooch boonoshi waato, Doono Yeerichi qeesheenaꞌo tuneree boonoshi maddaachemmoyich Yeroboꞌaminaa bi shiijjereenaꞌona bajjitoyichiye.

Shoddo 115:10

Haroonichi kechi asheenaꞌote, Doono Yeerin gibenebote; ittoshi degoonaa ittoshi gaachoona biine.

Shoddo 99:6

Muusinaa Haroonina bi qeesheenaꞌo daggooch beetinaꞌone; Saameeliyoo bi shigoon ceeggii beetinaꞌo daggooch beetone; boonoshiyoo Doono Yeer waan cookaa, boonoshi cookoon waayehe.

Keyo 24:1

Doono Yeeri Muusich ishichiye: “Ne, Harooni, Nadaabi, Abiihinaa shabe Israꞌeelee ukkireenaꞌona ta waan keyote. Wohooch tuneechi, taach goyinnebote.

Keyo 24:9

Muusi, Harooni, Nadaabi, Abiihinaa shabe Israꞌeelee ukkireenaꞌona guudi toommooch kechiyeete;

Keyo 28:41

Ebi taheenaꞌon ne manoo Harooninaa bi anaami bushiisheenaꞌonoyich ne tajjitoyee gubb, zayitoon boonoshi shimbooch huutiree, qeesheenaꞌon tuniibe. Qeesheenaꞌo tuneree taach boonoshi maddemmoyich, yaafibe.

Keyo 29:1

“Harooninaa bi anaami bushiisheenaꞌona qeesheenaꞌo tuneree taach boonoshi maddemmoyich, bariiꞌi yaafoyich ne tuniyemmo ebine: Bachaallo tuneti ikke wuronaa gutte bagee baaddoonon deebe.

Keyo 29:44

“Ebina danee duukkaanoonaa deejjee gudoonon yaafemmo taane; wotta qeesheenaꞌo tuneree taach boonoshi maddemmoyich, Harooninaa bi anaami bushiisheenaꞌonon yaafemmo taane.

Keyo 29:9

Buroon boonoshi maacooch cuye. Aroochee qelli caacoon boonoshi qellooch caace. Ebiyoommi gommona Harooninaa bi anaami bushiisheenaꞌonon qeesheenaꞌo boonoshi tunemmoyich yaafemmo neene. Ebina boonoshinaa gubbi boonoshi shiijjereenaꞌona qeeshoon tuneree, bulli yemeenoon taach maddemminaꞌone.

Keyo 30:30

“Qeesheenaꞌo tuneree taach boonoshi maddemmoyich, Harooninaa bi anaami bushiisheenaꞌonon zayitoona huute. Yaafishoo gete.

Keyo 31:10

gaawichaa shippeti taheenaꞌon, eboshiyoo Harooninaa bi anaami bushiisheenaꞌona qeesheenaꞌo tune maddebee boonoshi tahemmi yaafeeti taheenaꞌon,

Keyo 35:19

Yaafe Xaaꞌoochaa maddoyich taheyemmi, malletiitaa shuuneeti taheenaꞌon, eboshiyoo Harooninaa bi anaami bushiisheenaꞌona qeesheenaꞌo tuneree, tahemmi yaafeeti taheenaꞌon shuunebeete” iye.

Keyo 6:23

Harooniyoo Aminadaabi bushoo Nahishooni manee Elisheebin shaaggiye. Biyoo Nadaabin, Abiihin, Elazaarinaa Itamaarinon shiyahan.

Leweenaꞌo 10:1

Ikke areddoon, Harooni bushiishoo Nadaabinaa Abiihina boonoshi ikkikkoona ixaano shookkeebeeti qiicoon deebiꞌi, qaaqqoon arooch geddiyeete. Ixaanoonoo arooch shookkiyeete. Doono Yeeri boonoshich getaani, daaggeyaani qaaqqoon bi aafooch giddiiheete.

Leweenaꞌo 10:12

Muusiyoo Harooninaa echeti bi gutte bushiisheenaꞌo Elazaarinaa Itamaarinoyich ishichiye: “Oogeti yaafoo bi tunetoyich, qaaqqooch michaa Doono Yeerich deejjeeti maayi buuroochee echeton daamiree, shittoo giyaani koshon kachiiree deejjee gudee gaꞌoochaa mamote.

Leweenaꞌo 7:35

“ ‘Doono Yeeri taach maddeya qeesheenaꞌo tuneꞌi boonoshi ukkireti aaboochee tiijjiree, qaaqqooch michaa Doono Yeeri taach giddeebeeti deejjoochee Harooninaa bi anaami bushiisheenaꞌonoyich icheti boonoshi qoodoo ebine.

Leweenaꞌo 8:1

Doono Yeeri Muusich ishichiye:

Leweenaꞌo 8:2

“Haroonin, bi anaami bushiishoon, qeesheenaꞌochi tahoon, huutee zayitoon, axaaxee deejjoyich tunemmi wuron, gutte bagee baaddoonaa shittoo giyaanoon kachiti, ikke gemee koshonon, eboshi bullin deebe.

Haddoo 18:7

Neennaa ne bushiishoona deejjee gudeexi maddoo bullinaa maccillaatee daggeexi qeeshittinee maddoo bullinon maddebote. Qeeshittinee maddoon ittoshich wojjoo tuniyaa immeto taane. Tunebaani bare asho arooch bi katinigaata qitibe” iye.

Haddoo 2:4

Bi asheenaꞌo haddoo shabaa awudde humaa shiritte balloone.

Haddoo 26:61

Tunebaani Nadaabinaa Abiihina yaafeyaani qaaqqoon Doono Yeeri aafooch boonoshi giddiihooba qitiyeete.

Luqaasi 1:8

Ikke areddoon Zakaariyaasi beeti guuphoyich Yeerich maddee kaallo shagaa, Zakaariyaasi Yeerich maddee bi beetaa,

Yibbaatoo 10:6

Israꞌeeleenaꞌo Beeroot Bene Yaqaanee tiyii, Moseraah hammiyeete. Ebi aroochaa Harooni qitiꞌi duukkehe. Bi bushoo Elazaari bi xaaꞌooch kereeꞌi, qeeshee guudo tuneꞌi ukkirehe.

Yibbaatoo 18:5

Ebin qeesheenaꞌoyich ne immemmi naboo, Doono Yeeri, neexeree bi shigoona bulli yemeenoon boonoshi maddemmoyich, boonoshinaa boonoshi shiijjereenaꞌonon Israꞌeelee yoodo bulli daggoochee bi kaaccitoyichiye.

1 Saameeli 2:28

Ta qeeshoo bi tunemmoyich, ta deejjee gudooch bi giddemmoyich, ixaanoon taach bi shookkemmoyich, ta aafoochoo efoodoon bi tahemmoyich, Israꞌeelee yoodeenaꞌo bulli daggoochee biin kaaccoye. Wotta Israꞌeeleenaꞌo taach deejjiibeeti deejjoo bulliichee qoodoo bi kechi asheenaꞌoyich bi beeyemmoyich tuniihoye.