Keyo 27:9 - Kafa Linguistics Project

⁹ “Yaafee duukkaanee addibaaboon shuunebe. Deshi-waan beeti, addibaabee gidoyich balle hiroo tuneti, muttee tuppoochee ciciitaa yokkeeti woshiqoona shippeti qoreddoochee shuuneeti maccillaateenaꞌo tunebeete.

Keyo 27:9 ပူးပေါင်းရင်းမြစ်များ

1 Taateenaꞌo 6:36

Maaci addibaaboon, keejje yaaroon xareeti xaqqoona ikke yaaroon yigee shaaqqoona shuunehe.

1 Taateenaꞌo 8:64

Arooba taatoo, Doono Yeerichi yaafee kechi ciinooch beeti, addibaabee daggeexi xaaꞌoon yaafiye. Aroochaa micciibeeti deejjoon, maayi buuroonaa ikkittinee deejjee awuyonon giddiihe. Ebin bi tuniitoo, Doono Yeerichi yaafee kechi aafooch beeti gooshee deejjee gudo bi giishee naboona, micciibeeti deejjoon, maayi buuroonaa ikkittinee deejjee awuyonon yeshon hakkoo bi qajjitoyichiye.

2 Kiinoo 33:5

Yaafee kechi gutte addibaabooch xojjeneenaꞌo bulli goyinneyemmi deejjee gudeenaꞌon shuunehe;

2 Kiinoo 4:9

Qeesheenaꞌoyich tunemmi addibaaboon, ooge addibaaboonaa bi kellee shaaqqeenaꞌonon shuuniihe; kellee shaaqqeenaꞌonoo aachoona dikkiihe.

Shoddo 100:4

Galletebee bi kelleenaꞌona gibote; galletebeeshoo bi addibaabooch gibote; galletoonoo biich imbote; bi shigoonoo naadibote.

Shoddo 116:19

Yerusaaleme, ebinoo ne daggoochaa, Doono Yeerichi addibaaboochaa tuniyemmo taane. Haleluya!

Shoddo 84:10

Bare xaaꞌooch hume qemon kotoyee, ne addibaabooch ikke heeyon heeyo gaawiye. Gondeenaꞌochi duukkaanooch beemoyee, Yeerichi kechi kellooch neexoon shunnoye.

Shoddo 92:13

Doono Yeerichi kexooch becheetinaꞌone; no Nuggishoochi addibaabooch waarwaariyemminaꞌone.

Keyo 27:10

Boonoshin tuuggemmi hiye giimbeenaꞌonaa ebi giimbeenaꞌochi hiye baateenaꞌona gooshoochee shuuneetinaꞌo tunebeete; tunebaani ebi giimbeenaꞌo toommooch tunemmi kaꞌeenaꞌonaa yaabeenaꞌona birewoochee shuuneetinaꞌo tunebeete.

Keyo 35:17

addibaabee maccillaateenaꞌon, boonoshi giimbeenaꞌonaa boonoshi neexemmi baateenaꞌonon; addibaabee kelloyich tunemmi maccillaatoon;

Keyo 36:17

Ikke badd beeti uuche qoreddoo ikkooch xaaqqeeti, ciireexi gocooch aache kennoon, ebiyoommon wotta bare badd beeti shiritte qoreddoo ikkooch xaaqqeeti, ciireexi gocooch aache kennoon geddiyeete.

Keyo 39:40

addibaabee maccillaateenaꞌo boonoshi giimbeenaꞌonaa boonoshi neexemmi baateenaꞌona, addibaabee kelloyich tunemmi maccillaatoo, duukkaanoonaa bi addibaaboonoyich tunemmi wodereenaꞌonaa xogeenaꞌona; yaafee duukkaanee, ebiyoo danee duukkaanee daggooch beeti shuunoyich tunemmi qiico bullinaa

Keyo 40:33

Aroochee Muusi yaafee duukkaanoonaa deejjee gudoonochi guudoon addibaabee maccillaatoona uxerehe; addibaabee kellooch maccillaatoon tongafiye. Muusiyoo eechiꞌi shuunoon ciichiye.

Keyo 40:8

Ebi yaafee duukkaanee addibaabee guudoochoo maccillaateenaꞌona uxeroon uxerebe. Maccillaateenaꞌonoo addibaabee kellooch gede.

Hiziqeeli 40:14

Wotta beshe boochoon bi hiretaa hiye hiroo tunehe; kelleexi beshe boochee guudoona addibaaboo beetone.

Hiziqeeli 40:17

Aroochee maachi addibaabooch taan deebiye; ebiyoche addibaabee guudoona kexinaꞌonaa xaqqoona hecceti godoona beetinaꞌone; hecceti godee gaꞌooch shaashe kexinaꞌo beetinaꞌone.

Hiziqeeli 40:20

Aroochee maachi addibaabooch beeti, wottoo dambi-waan wotteti kello beetone; gimi boochoochi gidoonaa bi maacoonon qeellehe.

Hiziqeeli 40:23

Dambi-waani kellee ciinooch maaci boochooch bechiibeeti kello beetone; ebi kello aabi-keyo waan beeti kelloommi kelloone; ikke kelloochee bare kellooch beddaahaa bi qeelletaa balle hiroo tunehe.

Hiziqeeli 40:28

Deshi-waanaa maaci addibaabooch taan daammiye; deshi-waani kelloon bi qeelletaa bareenaꞌona tato tunehe.

Hiziqeeli 40:32

Aroochee maaci addibaabee aabi-keyo waani kellooch taan deebiye; biyoo uxeree kelloon bi qeelletaa bareenaꞌona tatehe.

Hiziqeeli 40:44

Aroochee maaci addibaabooch taan daammiye; aroochoo gutte kexinaꞌo beetinaꞌone; areexi ikkoo bi beeto dambi-waani kellee gaꞌooch tuneechii bi kelloon deshi-waan wochiꞌiniye; wotta baroo bi beeto deshi-waani kellee gaꞌooch tuneechii bi kelloon dambi-waan wochiꞌiniye.

Hiziqeeli 42:3

Maachi addibaabee godee ciinooch, maaci addibaaboochaa hiye hiroon wokkiꞌi beeti keejje kuxona shuuneeti kechi toommeexi kexinaꞌoyich, ciiniitaa shuuneeti gaaddaafeenaꞌo beetinaꞌone.

Haddoo 3:26

danee duukkaanoonaa deejjee gudoonochi guudoona beeti addibaabee maccillaatoon, addibaabee kellee maccillaatoon woderoonaa eboshina tookkii maddooch gaacciibeeti qiico bullinon quyemminaꞌone.

Haddoo 4:26

yaafee duukkaanoonaa deejjee gudoonochi guudoona beeti addibaabee maccillaatoon, addibaabee kellee maccillaatoon, wodereenaꞌonaa ebi maddooch gaacciibeeti qiico bullinon shaageete; ebina maddebeete.

Haddoo 4:32

Wotta addibaabee guudoona beeti giimbeenaꞌon boonoshi neexeebeeti baateenaꞌona tookki, xogoonaa woderoonon, bi qiico bullinaa ebi maddoyich gaacciibeeto bullinon shaageete. Boonoshi shaaggemmi qiico bullin bi shigi shigoon ceegiree boonoshich imbe.