Keyo 27:21 - Kafa Linguistics Project

²¹ Danee duukkaanee daggooch, taabootoon bariibeeti maccillaatoyee maach, Harooninaa bi anaami bushiisheenaꞌona Doono Yeeri ta aafooch ceechoo xumoochee harooch beddaahaa bi aaxxemmoyich tuniiree quyebeete. Ebiyoo Israꞌeeleenaꞌoyich shiijjeroochee shiijjerooch, bulli yemeenee doyoo tunebe.

Keyo 27:21 ပူးပေါင်းရင်းမြစ်များ

Halloo 1:5

Bekkoon, “areddoo” ii shigiihe; manderoonoo, “xumo” ii shigiihe. Showoo xumeꞌi hariye; ebiyoo ikkinnee qemone.

Halloo 1:8

Yeeriyoo are gumoon, “shimaayoo” ii shigiihe. Showoo xumeꞌi hariye; ebiyoo guttinnee qemone.

2 Kiinoo 13:11

Maaddi maaddoonaa womikki womikkoona Doono Yeerich, micciibeeti deejjoonaa cinnechi ixaanoonon giddii beetinaꞌone. Yaaree koshonoo xalle madellooch kotii beetinaꞌone. Xum xumoon boonoshi aaxxemmoyich aachee ceechee kotoon qannii beetinaꞌone. No, no Nuggishoo Doono Yeerichi getoon quyaabeeto noone; tunebaani ittoshi qajjito ittoshine.

Shoddo 134:1

Doono Yeerichi kexooch xumoona neexee maddeebeeti, Doono Yeerichi maddechinaꞌote, Doono Yeerin galletebote.

Keyo 12:14

“Ebi aaboon shalligee aaboon tuniibote. Gubbi ittoshi shiijjeroo bulliich beddaahaa, kuxaanoon Doono Yeeri taach doyoon tuniiree bulli yemeenoon baaribote.

Keyo 16:34

Doono Yeeri Muusich gettitoommon, qooppha bi beeyemmoyich, Harooni ebi mannoon taabootee aafooch kotiihe.

Keyo 25:16

Neech ta immemmi, sheeroo kooreeti gutte yalle xaqqeenaꞌon taabootee maac kotiibe.

Keyo 28:43

Harooninaa bi anaami bushiisheenaꞌona danee duukkaanooch boonoshi giyimmi aaboon woyee Yaafe Xaaꞌoochaa maddeya deejjee gudooch boonoshi giddemmi aaboon, xuꞌoon shuuneree boonoshi qitaachemmoyich, ebi shuroon eddebeete. “Harooninaa gubbi bi shiijjereenaꞌonoyich ebi bulli yemeenee doyoo tunemmone.

Keyo 29:28

Gubbich Israꞌeeleenaꞌo ikkittinee deejjoon taach boonoshi giddiihooba, ta aafooch boonoshi tiijjemmi, ebi gaggimatoonaa gubbi baatee galloona qeesheenaꞌochi qoodoone. Ebiyoo Harooninaa gubbi bi shiijjereenaꞌonoyich bulli yemeenee doyoo tunemmone. Ebiyoo Israꞌeeleenaꞌo Doono Yeeri taach boonoshi giddiyemmi deejjoone.

Keyo 29:42

“Qemi qemona, gubbi ittoshi shiijjeroo bulliich beddaahaa, ebi micciibeeti deejjoo Doono Yeeri ta aafooch, danee duukkaanee kellooch, giddebe. Tawoo aroochaa ittoshina danemmo taane; neennoo yibbaatemmo taane.

Keyo 29:44

“Ebina danee duukkaanoonaa deejjee gudoonon yaafemmo taane; wotta qeesheenaꞌo tuneree taach boonoshi maddemmoyich, Harooninaa bi anaami bushiisheenaꞌonon yaafemmo taane.

Keyo 30:21

Boonoshi qitaachemmoyich, boonoshi kishoonaa boonoshi baatoonon machebeete. Ebiyoo Harooninaa gubbi bi shiijjeroo bullinoyich bulli yemeenee qociyoon tunebe” iye.

Keyo 30:36

Ebi aroochee giishechoon koyi buddino tunii qacichiree, danee duukkaanee miixee taabootee aafooch, neenna ta danemmi xaaꞌooch, kotiibe. Ittoshich oogeton yaafeeto tunemmone.

Keyo 30:8

ceecheenaꞌon bi aaxxiibeeti xumi xumoonoo ixaanoon shoohe. Ebiyoo, gubbi ittoshi shiijjeroo bulliich beddaahaa, ixaano Doono Yeeri ta aafooch bulli aaboon bi cufemmoyichiye.

Keyo 40:3

Miixee taabootoon bi daggooch kotiichi, maccillaatoona qeribe.

Leweenaꞌo 10:9

“Ittoshi qitaachemmoyich, neennaa ne anaami bushiishoona danee duukkaanooch ittoshi giyii beegaata, woyinee uyoon woyee mashiibeeti uyoon uchaahote. Ebiyoo gubbi ittoshi shiijjeroo bulliich beddaahaa, bulli yemeenee qociyoo tunebe.

Leweenaꞌo 16:34

“Ebi ittoshich bulli yemeenee qociyoo tunebe. Ebi xalliyee doyoo Israꞌeeleenaꞌoyich boonoshi axaaxoo bullin maariyoyich natooch ikke wottoon tunebe” iye. Ebiyoo Doono Yeeri Muusich gettitoommon tunehe.

Leweenaꞌo 17:7

Illa ebiyee damba Israꞌeeleenaꞌo emmishi shaahe yinneenaꞌoyich gijjeenaꞌon guuroona Doono Yeerich boonoshi gibeneyoon shappayaayeete. Ebi Israꞌeeleenaꞌo boonoshi shiijjerooch beddaahaa bulli yemeenoon boonoshi quyemmi qociyoone’ gete.

Leweenaꞌo 23:14

Ebi cilloon Doono Yeeri taach ittoshi deeboyee shiichiree, andire maayoochee gaaroon woyee gaaweeton woyee kosho tuniitaa kachiton maayaahote. Ebiyoo ittoshi koteti showoo aabiichaanona gubbi ittoshi shiijjeroo bullich, bulli yemeenee qociyoon tunebe.

Leweenaꞌo 23:21

Ebi arooba ikkooch kiceeree taach ittoshi goyinnemmi aaboon tuniiree awaajjibote. Shuunoon shuuneyaahote. Ebiyoo ittoshi koteti showoo aabiichaanona, gubbi ittoshi shiijjeroo bullich, bulli yemeenee qociyoon tunebe.

Leweenaꞌo 24:2

“Ceechoo kuxeyaanoon bi aaxxemmoyich, zayitee michi aafoochee koyaa hiicheti gare ceechee zayitoon boonoshi deebemmoyich Israꞌeeleenaꞌoyich gete.

Leweenaꞌo 24:3

Danee duukkaanee daggooch, taabootoon bariibeeti maccillaatoyee maach, Harooni Doono Yeeri ta aafooch ceechoo kuxeyaanoon xumoochee harooch beddaahaa bi aaxxemmoyich tuniiree quyebe. Ebiyoo gubbi ittoshi shiijjeroo bulliich beddaahaa, bulli yemeenee qociyoon tunebe.

Leweenaꞌo 24:9

Ebi kosho Haroonich, bi shiijjeroyichoo tunemmone. Qaaqqooch michaa, Doono Yeeri taach giddeebeeti deejjoochee oogichii yaafeeton tuneti boonoshi qoodoo bi tunetoyich, ebi aroon yaafoo tuneti xaaꞌoochaa mameete; ebiyoo bulli yemeenee doyoone” iye.

Leweenaꞌo 3:17

“ ‘Ittoshi kotemmi xaaꞌoo aabiichaanona, awuyon woyee damoon maayaahote. Ebiyoo gubbi ittoshi shiijjeroo bulliich beddaahaa, kuxeyaanoon beeyemmi qociyoone’ gete” iye.

Leweenaꞌo 3:8

bi kishoon ebi bagoochi qellooch kotiichi danee duukkaanee kelloochaa guuribe. Harooni anaami bushiisheenaꞌo bi damoon deejjee gudee awudde naabooch tibibeete.

Leweenaꞌo 6:15

Qeeshoo qacini buddinoonaa zayitoonoochee ixaano bullina tookki ikke ushon tiijjibe; Doono Yeeri taach gaawe cinnoon cinneebeeti deejjoon tuniiree shalligichoyich deejjee gudee toommoochaa michibe.

Leweenaꞌo 7:36

Zayito boonoshi shimbooch huuttehooba, Israꞌeeleenaꞌo boonoshi qoodoon tuniiree shiijjeroochee shiijjerooch beddaahaa boonoshich boonoshi immemmoyich, Doono Yeeri ta getteto taane itone’ gete” iye.

Milikiyaasi 2:7

“Qeesheenaꞌo Beshe Mawe Doono Yeeri ta wocheyechinaꞌo boonoshi tunetoyich, boonoshi noonooch ariyoon kotiyoo boonoshich qaawiihe. Asheenaꞌoo boonoshi noonoochee doyoon qaawoo boonoshich qaawiihe.

Haddoo 18:23

Tunebaani Leweenaꞌo danee duukkaaneexi maddoon maddemminaꞌone. Aroochaa shuuneebeeti xuꞌoyich echeyemminaꞌone. Ebiyoo woyemmi ittoshi shiijjerooch beddaahaa doyoo tunemmone. Leweenaꞌo Israꞌeeleenaꞌo daggoochee iristoon woraashaachemminaꞌone.

Haddoo 18:5

“Israꞌeeleenaꞌo toommooch kaaree shiixxoo wochinnoon bi kindaachemmoyich, Yaafe Xaaꞌoonaa deejjee gudoonon ittoshi quyebote.

Haddoo 19:21

Ebiyoo bulli aaboon ittoshich qociyoo tunemmone. “Xalliibeeti aacon wuciibeeti asho bi tahoon machemmone. Xalliibeeti aacon yechiti asho xumemmi wottoon eeꞌo tunemmone.

Haddoo 35:29

“ ‘Illa ebi mooyinaꞌo ittoshi kotemmi xaaꞌoo bulliichaa ittoshinaa ittoshi bushaa bushoonoyich qociyoonaa doyoonon tunebeete.

Haddoo 8:9

Leweenaꞌon danee duukkaanee aafooch giddiibe. Israꞌeeleenaꞌochi iitoo bullin kicibe.

Maatiyoosi 4:16

manderooch koteti ittoshi oogeti bekkoon beeggito ittoshine; qitee yiiroo beeti showooch koteti ittoshich bekko bekketone” ii beetone.

Luqaasi 12:35

“Illa cuyeree qannibote; ittoshi ceechoonoo ceechibote.

Yowannisi 5:35

Yowannisi micciibee aaxxeebeeti bekkoone; ittoshiyoo giisheche yemeenoon bi bekkoona emiriya shunnito ittoshine.

2 Qorontoosi 4:6

“Manderooch bekko bekkebe” iti, Kiristoosichi barooch wacciibeeti bi oogee yiiree ariyoon bekkiibeeti bekkoon imma no mullee daggooch aaxxiito, Yeerine.

2 Pheexiroosi 1:19

Ebich keemechinaꞌo keemmiti qaaroon beshoon xiishaꞌa iberiibeeto noone; showoo harimmi wottoon haree xojjeno aaxxoommon Kiristoosichi bekko ittoshi mullooch bi aaxxemmi wottoon, asho mandere xaaꞌooch aaxxeebeeti ceechoon bi yeshoommon hini keemee qaaroon ittoshi yeshigaata, ittoshich gaaweto tunemmone.

Yaaꞌoo 2:1

“Efesooni kittinnee guuphi maraakoyich ishichi kooribe: Shabaatte xojjeneenaꞌon bi qanne kishoona yechito, aachoochee shuuneeti shabaatte maqirajjeenaꞌo daggoona shaꞌeebeeto ishichiye:

1 Saameeli 3:3

Saameeliyoo wotta Yeerichi taabooto beeti, Doono Yeerichi yaafee kexooch tokketetone. Yeerichi ceechoo batt tahaan beetaa,

1 Saameeli 30:25

Daawiti aroobee aaboochee tiijjiꞌi hanaach beddaahaa, Israꞌeeleenaꞌoyich ebi mooyon sheeroonaa doyoonon tuniiꞌi neechiye.