Keyo 27:2 - Kafa Linguistics Project

² Bi awudde shuutoona qareenaꞌon shuunebe. Ebi qareenaꞌo deejjee gudoona tookki ikkochee shuuneetinaꞌo tunebeete. Deejjee gudo bullin gooshoona dikkebe.

Keyo 27:2 ပူးပေါင်းရင်းမြစ်များ

1 Taateenaꞌo 1:50

Adoniyaasiyoo Solomoonin shattiye; tiyii hammiꞌi, deejjee gudee qareenaꞌon yechiye.

1 Taateenaꞌo 2:28

Ebi woroo Yoꞌaabich shaggiyooba, Doono Yeerichi danee duukkaanooch wocciꞌi, deejjee gudee qareenaꞌon yechiye. Yoꞌaabi Abisoloomin dabboo bi qajjitaanona Adoniyaasin dabbitone.

1 Taateenaꞌo 8:64

Arooba taatoo, Doono Yeerichi yaafee kechi ciinooch beeti, addibaabee daggeexi xaaꞌoon yaafiye. Aroochaa micciibeeti deejjoon, maayi buuroonaa ikkittinee deejjee awuyonon giddiihe. Ebin bi tuniitoo, Doono Yeerichi yaafee kechi aafooch beeti gooshee deejjee gudo bi giishee naboona, micciibeeti deejjoon, maayi buuroonaa ikkittinee deejjee awuyonon yeshon hakkoo bi qajjitoyichiye.

2 Taateenaꞌo 16:14

Doono Yeeri aafooch beeti gooshee deejjee gudoon yaafee kechi aafoochee, bi shuuniiti deejjee gudoonaa Doono Yeerichi yaafee kexonochi gutte daggoochee wokkiiꞌi, bi shuuniiti deejjee gudoyee dambi-waan kotiihe.

2 Kiinoo 4:1

Taatoo Solomooni, bi gidoo hiye hiroo, bi maaco hiye hiroo, bi neexo aashire hiroo tuneti gooshee deejjee gudoon shuuniihe.

Shoddo 118:27

Doono Yeeri Nuggishoone; bekkoon nooch bekkiitone. Michi kishoon yeshiree deejjee gudee qareechi guudoona baaroon wonnibote.

Keyo 27:3

Tulloo booddeebeeti gubeenaꞌon, tulloo ucheebeeti maankeenaꞌon, quppe saaneenaꞌon, gomeenaꞌonaa qaaqqee buno yecheyemmi qiiceenaꞌonon, gooshoochee shuunebe.

Keyo 29:12

Wurochi damoochee daamiree, ne yapheroona deejjee gudee qareenaꞌooch huute. Echeti damoon deejjee gudee baatooch ukkibe.

Keyo 38:30

Betsaleeli ebi gooshoona danee duukkaanee kellee giimbeenaꞌochi baateenaꞌon, gooshee deejjee gudoon, tulloo kechemmoyich tunemmi, gooshee dabboommi mooyonaa deejjee gudee qiiceenaꞌo bullinon shuunehe;

Hiziqeeli 43:15

Deejjoo micciibeeti xaaꞌee neexo awudde hiroone; bi toommooch kaama wotteꞌi qaalliti awudde qareenaꞌo beetinaꞌone.

Leweenaꞌo 16:18

“Aroochee keyiree, Doono Yeeri ta aafooch beeti deejjee gudoon xalliyemmone. Wurochi damoonaa emmishoochi damoonoochee giishechoon daamiree, deejjee gudee guuxxi guuxxooch beeti qareenaꞌooch huute.

Leweenaꞌo 4:18

Wotta are damoochee daamiree, danee duukkaanee daggooch, Doono Yeeri ta aafooch beeti, deejjee gudee qareenaꞌon huute. Echeti damoon micciibeeti deejjoo giddeebeeti, danee duukkaanee kellooch beeti deejjee gudee xepphooch ukkibe.

Leweenaꞌo 4:25

qeeshoo ebi axaaxee deejjoyich giddeti gijjoochi damooch bi kishee yapheroon haciree daami, micciibeeti deejjoo giddeebeeti deejjee gudee qareenaꞌooch huute. Echeti damoon ebi are deejjee gudee xepphooch ukkibe.

Leweenaꞌo 4:7

Wotta are damoochee daamiree danee duukkaanee daggooch, Doono Yeeri ta aafooch beeti, gaawe cinnechi ixaano geddeebeeti deejjee gudee qareenaꞌon huute. Echeti damoon micciibeeti deejjoo giddeebeeti, danee duukkaanee kellooch beeti deejjee gudee xepphooch ukkibe.

Leweenaꞌo 8:15

Muusiyoo ebi wuron guuriye. Damoochee daammii, bi yapheroona deejjee gudee guuxxi guuxxooch beeti qareenaꞌooch huuttiꞌi deejjee gudoon xalliihe. Echeti damoon deejjee gudee baatooch ukkiye. Deejjee gudoon eechii xalliiꞌi yaafiye.

Zakaariyaasi 9:15

Beshe Mawe Doono Yeeri boonoshin quyemmone. Boonoshi etteenaꞌonoo aalliyemminaꞌone. Etteenaꞌochi xeppellee xaqqoon neexxemminaꞌone; woyinee uyoon uchii masheti ashichoommon cookemminaꞌone. Boonoshi etteenaꞌochi damoo, deejjee damoo saanooch ceenniꞌi ufoommon ufemmone.

Haddoo 3:31

Taabootoon, madelloon, maqirajjoon, deejjee gudeenaꞌon, Yaafe Xaaꞌoochaa maddoyich gaacciibeeti qiiceenaꞌon, Yaafe Xaaꞌeexi Yaafee gimooch beeti maccillaateenaꞌonaa eboshina tookkii maddoyich gaacciibeeti qiico bullinon quyemminaꞌone.

Hibireena'o 6:18

Illa hini are gutte mooyinaꞌo shaddeyaachemminaꞌone; Yeeri kootoone getaachemmi mooyinaꞌone; ebich no aafooch beeti gibenoon danoyich Yeerichi shoobooch giyeti no, oogeton goggemmo noone.