Keyo 27:1 - Kafa Linguistics Project

¹ “Deejjee gudoon geellee mixoochee shuunebe. Ebi deejjee gudo bi gidoo uuche hiroo, bi maaco uuche hiroo, bi neexoo keejje hiroo tuneechi, awudde bi naaboo tato tunebe.

Keyo 27:1 ပူးပေါင်းရင်းမြစ်များ

2 Saameeli 24:18

Arooba Gaadi Daawit waan waaꞌi biich ishichiye: “Damba Yebusee asho Orinaanichi maayi buchi xaaꞌooch tiyi hamiree, deejjee gudoon Doono Yeerich shuunebe” iye.

2 Taateenaꞌo 16:14

Doono Yeeri aafooch beeti gooshee deejjee gudoon yaafee kechi aafoochee, bi shuuniiti deejjee gudoonaa Doono Yeerichi yaafee kexonochi gutte daggoochee wokkiiꞌi, bi shuuniiti deejjee gudoyee dambi-waan kotiihe.

1 Kiinoo 6:49

Tunebaani Harooninaa bi shiijjeroona micciibeeti deejjee gudoonaa ixaanee deejjee gudoonooch deejjoon giddii beeheete. Boonoshiyoo Yaafe Xaaꞌeexi Yaafoochaa maddeebeeti maddoonaa Yeeri Israꞌeeleenaꞌochi axaaxoon bi maaremmoyich giddeebeeti deejjoonochi toommooch ukkireenaꞌone. Ebin Yeerichi guuno Muusi gettitoommon tuniiꞌi shuunee beeheete.

2 Kiinoo 4:1

Taatoo Solomooni, bi gidoo hiye hiroo, bi maaco hiye hiroo, bi neexo aashire hiroo tuneti gooshee deejjee gudoon shuuniihe.

Iziri 3:2

Yotsedeeqi bushoo Yaasinaa biinoommi qeesheenaꞌo, Shelateeli bushoo Zerubabeelinaa bi xibeenaꞌona, Yeer asho Muusichi Sheerooch bi kooreetoommon, micciibeeti deejjoon giddiyoyich Israꞌeelee Nuggishoochi deejjee gudoon shuuneheete.

Keyo 17:15

Muusiyoo deejjee gudoon shuuneꞌi, Doono Yeeri Ta Baanderoo iꞌi shigiihe.

Keyo 24:4

Aroochee Muusi Doono Yeeri gettito bullin kooriye. Biyoo dechara maaddoona tiyiye; guudi baatooch deejjee gudoon shuunehe; aaraa gutte Israꞌeelee yoodeenaꞌo haddoona aaraa gutte xaqqee giimbeenaꞌon xogii neechiye.

Keyo 31:9

micciibeeti deejjoo deejjeyemmi gudoon bi qiico bullina tookki, machee aaco koteebeeti gafetoon bi kotoona tookki,

Keyo 35:16

micciibeeti deejjoyich tunemmi deejjee gudoon, tulloo kechemmoyich tunemmi, gooshoochee shuuneeti, dabboommi bi mooyon, bi yareenaꞌonaa bi qiico bullinon; machee aaco koteebeeti gafetoonaa bi kotoonon;

Keyo 39:39

gooshoochee shuuneeti deejjee gudo, tulloo kechemmoyich tunemmi, gooshoochee shuuneeti, dabboommi mooyo, bi yareenaꞌonaa bi qiico bullina; machee aaco koteebeeti gafetoonaa bi kotoona;

Keyo 40:10

Aroochee wotta micciibeeti deejjoo giddeebeeti deejjee gudoonaa bi qiiceenaꞌo bullinon huuti yaafibe. Oogeton yaafeeto tunemmone.

Keyo 40:29

Micciibeeti deejjoo giddeebeeti deejjee gudoon danee duukkaanee kellee ciinooch kotiihe; aree toommooch micciibeeti deejjoonaa maayi deejjoonon deejjiye. Ebi bullin Doono Yeeri biich gettitoommon tuniiꞌi, shuunehe.

Keyo 40:6

“Micciibeeti deejjoo giddeebeeti deejjee gudoon yaafee duukkaanee, ebiyoo danee duukkaanee kellee ciinooch, maach kotiibe.

Haddoo 3:31

Taabootoon, madelloon, maqirajjoon, deejjee gudeenaꞌon, Yaafe Xaaꞌoochaa maddoyich gaacciibeeti qiiceenaꞌon, Yaafe Xaaꞌeexi Yaafee gimooch beeti maccillaateenaꞌonaa eboshina tookkii maddoyich gaacciibeeti qiico bullinon quyemminaꞌone.

Haddoo 4:13

“Deejjee gudoochee tulloon hidi kichiichi, damere tahoon bi toommooch yaggibeete.

Haddoo 4:14

Deejjee gudoyich gaacciibeeti qiico bullin, eboshiyoo qaaqqee buno yecheebeeti qiiceenaꞌon, gomeenaꞌon, tulloo ucheebeeti maankeenaꞌonaa quppe saaneenaꞌonon aree toommooch kotiibeete. Eboshi toommooch gaawichaa qucheti gooqqoon qeribeete; yareenaꞌonoo boonoshi xaaꞌooch giijjibeete.

Hibireena'o 13:10

Duukkaanoochaa maddee beetinaꞌo aroochee boonoshi maayemmoyich daaggeyaani deejjee gudo nooch beetone.